Malakae 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Malakae 2:14 ပူးပေါင်းရင်းမြစ်များ

Jẹnẹsis 2:18

Ọrovwohwo Ọghẹnẹ da ta, Oyoma rere ọshare ọvo vwọ dia sogono-o, Me ma ọchuko ro fori vwọ kẹ.

Jẹnẹsis 31:50

Wo de miovwo emetẹ mẹ na ẹyọrọ, eyẹ wọ da rọvwọ eya efa ba emọ mẹ na, dede na ohwo ọfa etinẹ na, karophihọ nẹ Ọghẹnẹ iseri mẹ vẹ owẹ.

Isẹ 2:17

Ro gbobọnyẹ otu rọye rẹ ọke emọ, ọphọ rẹ Ọghẹne rọye da chọrọ ẹro.

Isẹ 30:20

Ọnana idjerhe rẹ igberadja; ọ ria yọ riẹn unu rọye, tanẹ, Mi ru chọ-ọ.

Isẹ 5:20

Ọmọ mẹ, die oruru rẹ aye ro gbe ọfarhiẹ na vwo mu we, ru wọ vwọ dje ruọ agada rẹ igberadja na?

Aghwoghwo 9:9

Wọ vẹ aye wọ guọnọre ghọghọ kugbe, vwẹ ẹdẹ wẹn ejobi vwẹ otọ rẹ ọnre na, fikiridie ọye ẹkẹn rẹ akpọ ro te we vwẹ evun rẹ owian ru wọ wianre vwẹ otọ rẹ ọnre na.

Solomon 1:15

Nighe, wo yovwiriọ, ọnse mẹ; nighe wo yovwinọ; ẹro wẹn epha kerẹ ẹro rẹ ilekuku

Aizaya 54:6

Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

Aizaya 58:3

Die avwanre vwo chirẹ owẹvwe, yu wọ gbe mrẹ-ẹ? Die avwanre vwọ vwẹ oma re avwanre kpotọ, yo wọ gbe rha riẹ-ẹn? Nighere, ẹdẹ wo de chire owẹvwe na yẹ avwerhe rẹ obọ wẹn wọ guọnọ, wo mie shenyẹ iruiruo wẹn.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 42:5

Etiyin ayen da ta kẹ Jerimaya nẹ, Jẹn Ọrovwohwo dia omamọ rẹ oseri rẹ uyota ke avwanre ọ da dianẹ avwanre rha yọnrọn ota rẹ Ọrovwohwo Ọghẹnẹ wẹn na ro ju we bru avwanre rhe na-a.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Jerimaya 9:2

E manẹ ke me sa bọn uwevwi ọvo kẹ erhorha vwẹ evun rẹ atọn na, rere me yan jẹ ihwo na vwo, me hẹriẹ oma mẹ nẹ ayen! Kidie ayen ejobi igberadja usun rẹ ihwo re vwọrọn efian.

Izikiẹl 16:8

Ọke re me vwọ rhoma wanvrẹn wẹ ri mi vwo ni we, nighe, yu wo te ovwerhẹ nure; me da vwẹ ewun mẹ vwo phopho uwe, mi de rhurhu ẹban wẹn: uyota, me da sa wẹ hẹ otọ me vẹ owẹ da re ọphọ, eriyin Ọrovwohwo Ọghẹnẹ tare, wo de hirhe phihọ ọmẹ.

Maika 1:2

Nyo, ihwo na, ovwan ejobi; kerhọn E otọ na, vẹ obo re herọ ejobi; gbe jẹn Ọrovwohwo Ọghẹnẹ na se iseri hwe we, Ọrovwohwo rọ dia uwevwi ọfuanfọn rọye na

Malakae 2:15

Ọ dia Ọghẹnẹ ọvuọvo na rọ ma avwanre na ọye je vwẹ erhi rẹ arhọ na yọnrọn avwanre na? Kidie ọ guọnọre? Omamọ ẹkpẹvwẹ rẹ uyota. Gba kẹnẹ oma wẹn, rere ohwo kohwo vwo jẹ ọfanrhiẹn e gbe rhurhu aye rẹ ọke-emọ rọye.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Malakae 3:8

Ohwo rẹ akpọ na se cho Ọghẹnẹ? Yẹ ovwan re cho vwe. Ẹkẹvuọvo ovwan tare nẹ, idjerhe rhọ me vwo cho we? Vwẹ ẹkẹ ihwe wẹn vẹ ẹkpẹvwẹ wẹn.

Iguẹdjọ 11:10

Ekpako ri Giliad na da ta kẹ Jẹfta nẹ, Ọrovwohwo na kọye re cha dia oseri kẹ avwanre vẹ owẹ; nẹ avwanre se ru kerẹ obo wọ ta kẹ avwanre na.

1 Samuẹl 12:5

Ọ da ta kẹ ayen, Ọrovwohwo oseri mẹ, ohwo rọye rọ vwẹ evwri te je hẹ oseri nonẹ na, nẹ ovwan mrẹ oruchọ vwẹ obọ mẹ-ẹ. Ayen da ta, ọye Oseri.