Malakae 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² E jẹn Ọrovwohwo rhe nyavwe utughẹ ri Jekọp kufia, fiki rẹ ohwo ro ru emu nana, ono ri se oseri eyẹ kono re kpahe ota, eyẹ kono re vwẹ ẹkpẹvwẹ rhe Ọrovwohwo rẹ otuofovwi na!

Malakae 2:12 ပူးပေါင်းရင်းမြစ်များ

1 Ikun rẹ Ivie 25:8

Ayen de mu ama fiki rẹ iruo rayen ru, te imitete te ekpako, te iyono vẹ ihwo rẹ ayen yono kugbe.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Izikiẹl 14:10

Ayen ke cha ghwa oghwa rẹ ojaẹriọ rayen–ehwe rẹ ọmraro na kugbe ehwe re otu ri re duotọ rẹ emu vwe obọ rayen ke abavo ọ cha dia–

Izikiẹl 24:21

Ta kẹ uwevwi rẹ Izrẹl, E nẹ Ọrovwohwo Ọghẹnẹ tare: Nighe mi che gbe ẹshẹ mẹ na ẹgua, eheri ọgangan wẹn na, obo ri je ibiẹro wẹn na kugbe obo rẹ ẹnwẹn wẹn guọnọ na; te emeshare wẹn te emetẹ wẹn ru wọ yan jovwo vwẹ obuko na ka vwẹ ọlọkọ nyavwe ayen hwe.

Hosia 9:12

Ọ tobọ dianẹ ayen vwiẹ emọ dede mi hwe ayen, ọvuọvo gbi chekọ-ọ. Ekan kẹ ayen vwẹ ọke mi de tephe kẹ ayen

Livitikọs 18:29

Ohwo kohwo ro ru ọvo vwẹ ẹgua nana ejobi na, ihwo etiọye na ke hwe ayen vwo nẹ otu rẹ ihwo rayen.

Livitikọs 20:3

Ekpuyovwi mẹ ki mi hirhe opharo mẹ ku ohwo yena, ki mi bro nẹ ohri rẹ ihwo rọye, fikirobo rọ vwọ reyọ ọmọ rọye kẹ Molẹk, ro vwo gbe ẹshẹ mẹ ẹgua ro rhe vwo miovwo odẹ ọfuanfon Me na.

Emọs 5:22

Owenẹ wo ze izobo re ẹtorhẹ kẹ vwẹ vẹ izobo rẹ ọka, Me cha reyọ aye-en, izobo rẹ ufuoma ru wọ vwẹ eranvwe vẹ ivwri ze mi che fovwe ẹro no-o

Zekaraya 12:7

Ọrovwohwo ephiokparobọ kẹ uwevwi ri Juda rere urinrin rẹ uwevwi ri Devid vẹ urinrin rẹ ihwo ri Jerusalẹm vwo je rhuọnọ ọ ri Juda.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Malakae 1:13

Ọna kẹ ukpokpoma, eriyin ovwan ta na? We mi mua inwe phihọ ovwẹ, eriyin Ọrovwohwo rẹ otuofovwi na tare. Wo mu eranvwe rẹ ugborho rhe vwe, eyẹ ọ ro kpono eyẹ ọ rọ mwa ọga, kọna we vwo rhe vwe nẹ ẹkpẹvwẹ! Me gba reyọ ọyena mie we? eriyin Ọrovwohwo tare.

Malakae 2:10

O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?

Ukeri 24:5

mavọ itughẹ wẹn yovwi te, E Jekọp, a san erhọn wẹn na, E Izrẹl!

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

1 Samuẹl 3:14

Fiki rẹ ọtiọye na ki mi duvwu iyori kẹ uwevwi rẹ Eli nẹ izobo re zeri kugbe ẹkpẹvwẹ se phoro orukuruku rẹ uwevwi rẹ Eli na nu bẹdẹ-ẹ.