Malakae 2:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Juda vwo esegbuyota-a, e gbe ẹgua rode na vwẹ Izrẹl vi Jerusalẹm, kidie Juda gbe ẹshẹ rẹ Ọrovwohwo na ẹgua, rọ guọnọre na, ọ da ra rọvwọ ọmọtẹ rẹ ọghẹnẹ ọfa.

Malakae 2:11 ပူးပေါင်းရင်းမြစ်များ

Ezra 10:2

Etiyin Shekanaya ọmọ rẹ Jehiẹl rẹ emọ rẹ Elam da kpahe ta kẹ Ẹzra nẹ, Avwanre gbẹ urhi rẹ Ọghẹnẹ rẹ avwanre ku kidie avwanre rọvwọ eya erhorha rẹ ihwo rẹ otọ na, ẹkẹvuọvo mrẹmrẹ vwẹ asakiephana iphiẹrohọ je herọ kẹ Izrẹl vwẹ evun rẹ ọnana.

Ezra 9:12

Fiki rẹ ọtiọye na, ovwan gbe vwẹ emetẹ rẹ ovwan vwọ kẹ emeshare raye-en, ovwan je reyọ emetẹ rayen vwọ kẹ emeshare rẹ ovwa-an, ovwan je guọnọ ufuoma vẹ erhuvwu vwọ kẹ aye-en rere ovwan vwo ogangan, vwọ re emu esiri rẹ otọ na, rere ovwan je yan jẹn ayen vwo re dia ukuẹriọ kẹ emọ rẹ ovwan bẹdẹ.

Une rẹ Ejiro 106:28

Etiyin ayen da vwe oma re ayen gba Baal Peọr, ayen da re izobo re zo kẹ oriwi na;

Jerimaya 2:3

Izrẹl ohwo ọfuanfon kẹ Ọrovwohwo, emamọ rẹsosuọ rẹ orhọ rọye. Otu re rerọ ejobi reabe; okpetu bru ayen rhe, Ọrovwohwo re tarọ.

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

Jerimaya 7:10

wa rhoma cha we mi rhi mudia vwẹ obaro mẹ vwẹ uwevwi nana, ra vwẹ odẹ mẹ se na ro wa tanẹ, Esivwi avwanre!-–yẹ ovwan je rhoma ruẹ ẹgua nana?

Izikiẹl 18:13

o momo o mi suo, ọ me vwẹ igho buebu kpahọ, kọ sa rhọ? O sa rhọ-ọ. O ru emu rẹ ẹgua nana ejobi, ko ghwu dẹn, ọbara rọye kọ dia enu rọye.

Izikiẹl 22:11

Ọvo gbe aye rẹ ọrivẹ rọye ẹgua, ọfa rọvwọ oniọvo rẹ aye rọye, ọfa ghwa rọvwọ oniọvo rọye, ọmọtẹ rẹ ọsẹ rọye

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Livitikọs 20:26

Ke ovwan dia ọfuanfon kẹ vwẹ; kidie mẹvwẹ Ọrovwohwo na pha fuanfon, Me ke rha hẹriẹ ovwan nẹ usun rẹ ihwo ẹvo, rere ovwan vwọ dia ihwo mẹ.

Malakae 1:1

Ena eta rẹ epha rẹ Ọrovwohwo rẹ Malakae bọ kẹ Izrẹl.

Urhi Rivẹ 14:2

Kidie wọwẹ ohwo ọfuanfon kẹ Ọrovwohwo rẹ Ọghẹnẹ wẹn na, Ọrovwohwo na sanọ owẹ vwo dia oghẹre re ohwo ko omobọ rọye, nọ ihwo na ejobi re hẹ enu rẹ akpọ na.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Iguẹdjọ 3:6

ayen da reyọ emetẹ rayen vwọ rọvwọ, ayen da vwẹ emetẹ rayen vwọ kẹ emeshare rayen; ayen da ga edjọ rayen.