Malakae 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?

Malakae 2:10 ပူးပေါင်းရင်းမြစ်များ

Nehemaya 13:29

Karohọ ayen, E Ọghẹnẹ mẹ fikiridie ayen gbẹ uvwiẹ rẹ irherẹn ẹgua kugbe ọphọ re irherẹn kugbe ihwo ri Livae.

ỌBE RẸ JOB 31:15

Ọ dia ọ rọ ma vwẹ phihọ evun na re je ma? Ọ dia ohwo ọvuọvo na re ma avwanre phihọ evun na?

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Ẹyano 19:4

Wọ mrẹ obo ri mi ru kẹ ihwo rẹ Ijipt, kugbe obo ri mi vwẹ ibekpe rẹ ugo mu uwe kẹ oma mẹ.

Ẹyano 19:5

Asakiephana wo de se mu ọghọ kẹ urhuru mẹ ru wọ da sẹro rẹ ọphọ mẹ, ku wọ cha dia ughwẹ mẹ vwẹ oma rẹ ihwo na ejobi; kidie akpọ na ejobi Ọmẹ,

Ẹyano 24:3

Mosis da rhe ọ da rhe ta ota rẹ Ọrovwohwo na vwọ kẹ ihwo na kugbe ẹgha rọye ejobi; ihwo na ejobi de kuenu gbe ọvo, tanẹ, Eta rẹ Ọrovwohwo tare ejobi avwanre ru.

Ẹyano 24:7

Etiyin ọ da rọye ọbe rẹ ọphọ na, o de se kẹ ihwo na nyo; ayen da ta, Obo rẹ Ọrovwohwo tare ejobi avwanre ru, avwanre ji nyo Ọwẹn.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:15

Mẹvwẹ Ọrovwohwo, Ọfuanfon Ọvuọvo wẹn, Ọmema rẹ Izrẹl, Ovie wẹn.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Aizaya 51:2

Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Izikiẹl 33:24

Ọmọ rẹ ohwo, ihwo re dia etọ nana ra kua jovwo vwẹ Izrẹl na ra tanẹ, Ebraham ohwo ọvuọvo ruẹ, yẹ ọye a vwẹ otọ na ghare ughwẹ, ẹkẹvuọvo ye avwanre pha buebu, ya ghene vwẹ otọ na vwọ ghare avwanre ughwẹ.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 2:11

Juda vwo esegbuyota-a, e gbe ẹgua rode na vwẹ Izrẹl vi Jerusalẹm, kidie Juda gbe ẹshẹ rẹ Ọrovwohwo na ẹgua, rọ guọnọre na, ọ da ra rọvwọ ọmọtẹ rẹ ọghẹnẹ ọfa.

Malakae 2:8

Ẹkẹvuọvo wo kurhẹriẹ nẹ idjerhe na; wọ da nẹrhẹ ihwo buebu she fiki rẹ uyono wẹn; we gbe ọphọ ri Livae ku, eriyin Ọrovwohwo rẹ otuofovwi tare,

Matiu 10:21

Oniọvo che hwe oniọvo, ọsẹ che hwe ọmọ, emọ che hwe i ri vwiẹ ayen, ri de ghwu.

Matiu 22:16

Ayen de ji idibo rẹ ayen kugbe otu ri Hẹrodias bro ra ayen da ta nẹ, Oyono, avwanre riẹnre nẹ wẹ ohwo rẹ uyota, wo ji yono idjerhe rẹ Ọghẹnẹ rẹ uyota, ye wọ je davwerhọn rẹ ohwo-o. Kidie wo nẹ ikparo rẹ ohwo-o.

Matiu 3:9

we roro nẹ avwanre emọ rẹ Ebrahamu-u, kidie Ọghẹnẹ sa rhẹriẹ ibieragha nana hirhe vwọ emọ kẹ Ebraham.

Iyẹnrẹ Esiri ri Luk 1:73

ive ro veri kẹ ọsẹ rẹ avwanre Ebraham,

Iyẹnrẹ Esiri ri Luk 3:8

Wa vwẹ emamọ rẹ ekuorhẹriẹ ro fori phia, wa rha ta kẹ oma rẹ ovwan nẹ, Ebraham hẹ ọsẹ rẹ avwanreọ; kidie me ta kẹ ovwan, Ọghẹnẹ sa vwẹ ibiekpẹn rẹ otọ na ru emọ kẹ Ebraham.

Iyẹnrẹ Esiri ri Jọn 8:39

Ayen da kpahe kẹ, Ebraham hẹ ọsẹ rẹ avwanre. Jesu da ta kẹ ayen, Ovwan da dia emọ rẹ Ebraham, ku we ru obo rẹ Ebraham ruru,

Iyẹnrẹ Esiri ri Jọn 8:41

We ruẹ obo rẹ ọsẹ rẹ ovwan ruru. Ayen da ta kẹ, A vwẹ igberadja vwiẹ avwanre-e; avwanre vwo Ọsẹ ọvo, ọye Ọghẹnẹ.

Iyẹnrẹ Esiri ri Jọn 8:53

Wọ rhonọ ọsẹ rẹ avwanre Ebraham, ro ghwuru? kugbe emraro na ri ji ghwu! Ono wọ vwẹ oma wẹn dje vwo?

Iyẹnrẹ Esiri ri Jọn 8:56

Ọsẹ rẹ ovwan Ebraham ghọghọre nẹ ọye mrẹ ẹdẹ mẹ; ọ mrẹrẹ ọ da ghọghọ.

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

Iruo rẹ Iyinkọn na 17:25

eyẹ kẹ abọ rẹ ohwo rẹ akpọ a vwọ ga-a, kerẹsiẹ ra da mrẹ nẹ ọ guọnọ emu-u, kidie ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

Iruo rẹ Iyinkọn na 7:2

Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran,

Iruo rẹ Iyinkọn na 7:26

Ẹdẹ rivẹ ọ da rhoma vwẹ oma phia kẹ ayen vwẹ ọke rẹ ayen vwọ kunu rere ọ vwọ rhuẹrẹ ayen kugbe, tanẹ, Eshare, ovwan imoni, die we vwo gbe ohwohwo kuẹ?

Ọbe ri Pọl si rhe Ihwo ri Rom 4:1

Kidie avwanre ta kpahe Ebraham, ọsẹ rẹ avwanre rode vwẹ ọ rẹ ugboma?

Ọbe ri Pọl si rhe Ihwo ri Rom 9:10

O je dia ọtiọye ọvo-o, Rebeka je mrevun kẹ ohwo ọvo, ọsẹ rẹ avwanre Aizik,

1 Kọrẹnt 8:6

ye vwọ kẹ avwanre Ọghẹnẹ ọvuọvo re herọ, Ọsẹ na, re emu ejobi nẹ obọ rọye cha ọye re nẹrhẹ avwanre dia, kugbe Ọrovwohwo ọvuọvo, Jesu Kristi, ohwo rẹ emu na ejobi wan oma rọye rhe oma rọye avwanre wa dia.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Ẹfesọs 4:6

Ọghẹnẹ ọvuọvo kugbe Ọsẹ rẹ avwanre ejobi, ọye me kpenu vwẹ emu ejobi rọ wan oma rẹ emu ejobi vwẹ evun rẹ emu ejobi.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?

Joshua 24:3

Etiyin me da reyọ ọse rẹ ovwan Ebraham nẹ obo ovrẹn rẹ Urhie na rhe mi de suo wan otọ ri Kenan ejobi, mi de ru uvwiẹ rọye bu. Me da vwẹ Aizik kẹ;