Malakae 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Wa vwẹ emu rẹ ẹgua ze izobo vwẹ enu rẹ agbada mẹ. Yẹ ovwan ta nẹ, idjerhe vọ me vwo gbe ẹgua? Yi we roro nẹ a cha vwẹ imẹjẹ rẹ Ọrovwohwo na je ọdẹ.

Malakae 1:7 ပူးပေါင်းရင်းမြစ်များ

Izikiẹl 41:22

agbada rẹ urhe, kubit erha kpenu, kubit ivẹ vwẹ ugrogro, kubit ivẹ vwẹ ohẹhẹre; ibienyẹ rọye, esiri rọye, vẹ igbẹhẹ rọye irhe e vwo ruo. O da ta kẹ vwẹ, Ọnana imẹjẹ rọ hẹ obaro rẹ Ọrovwohwo na.

Izikiẹl 44:16

Ayen ke ro ẹshẹ mẹ na, ayen ki si kẹrẹ imẹjẹ mẹ na, rhi gbe odibo kẹ vwẹ, ayen ke sẹro rẹ eta mẹ.

Livitikọs 2:11

E jẹn ohwo ọvuọvo vwẹ izobo rẹ ọka re duvwuru ro phuẹ cha ẹga rẹ Ọrovwohwo-o, kidie wọ sa vwẹ emu kemu ro phuẹ ejobi eyẹ ọnyọn vwo ze izobo rẹ erhanre kẹ Ọrovwohwo-o.

Livitikọs 21:6

Ayen gba dia fuanfon vwọ kẹ Ọghẹnẹ rayen, re ayen vwo jẹ odẹ rẹ Ọghẹnẹ rayen emiovwo; kidie ayen ihwo re vwẹ erhanre ze izobo kẹ Ọrovwohwo, emuọre rẹ Ọghẹnẹ rayen vwẹ ọtiọye na kẹ ayen dia fuanfon.

Livitikọs 21:8

Wẹ re reyerọ vwo mu, kidie ọye re cha vwẹ emuọre gọ Ọghẹnẹ wẹn, kọ je dia fuanfon kẹ wẹ, kidie Mẹvwẹ Ọrovwohwo ro ru we fon, Me pha fuanfon.

Livitikọs 3:11

Orherẹn na kọ torhẹ ayen vwẹ enu rẹ agbada na, kọ dia emu rẹ a vwẹ erhanre torhẹ vwọ kẹ Ọrovwohwo.

Malakae 1:12

Ẹkẹvuọvo wo miovwiro siẹ ro wọ da ta nẹ imẹjẹ rẹ Ọrovwohwo na e gbereku kugbe emu re mu kpahọ na ejobi a jẹ ayen fia.

Malakae 1:13

Ọna kẹ ukpokpoma, eriyin ovwan ta na? We mi mua inwe phihọ ovwẹ, eriyin Ọrovwohwo rẹ otuofovwi na tare. Wo mu eranvwe rẹ ugborho rhe vwe, eyẹ ọ ro kpono eyẹ ọ rọ mwa ọga, kọna we vwo rhe vwe nẹ ẹkpẹvwẹ! Me gba reyọ ọyena mie we? eriyin Ọrovwohwo tare.

Malakae 1:8

Ọke rẹ ovwan da vwẹ eranvwe ro rhuẹro vwo ze izobo ye, ọye na rha dia oruchọ-ọ? kẹ ovwan da rha vwẹ eranvwe rọ mwa ọga, eyẹ ọro bru obọ eyẹ asan ọfa vwọ ze izobo, ọye na rha je dia ogbeku-u? Gba vwẹ emu ọtiọye na ru ẹse kẹ osun rẹ ovwan, kọ ghọghọ nẹ wo ru ẹse kẹ ọye, gbenẹ kẹ o yere ovwan? eriyin Ọrovwohwo tare.

1 Kọrẹnt 10:21

Ovwan sa da uko re Ọrovwohwo vẹ uko rẹ idẹbono kugbe-e. Wọ sa re vwẹ imẹjẹ rẹ Ọrovwohwo kugbe imẹjẹ rẹ idẹbono-o.

Urhi Rivẹ 15:21

Ẹkẹvuọvo ọ da dianẹ o vwo ekan, o de ghwuobọ eyẹ owọ eyẹ o de rhuẹro, eyẹ kẹ oghẹre rẹ ekan omiovwiri ọfa, wo gbi vwo ze izobo kẹ Ọrovwohwo Ọghẹnẹ wẹn na ọfa-a.