Malakae 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 1:6 ပူးပေါင်းရင်းမြစ်များ

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Ẹyano 20:12

Mu ọghọ kẹ ọsẹ wẹn vẹ oni wẹn, rere ẹdẹ wẹn vwo gro vwẹ otọ rẹ Ọrovwohwo Ọghẹnẹ wẹn vwọ kẹ wẹ na.

Isẹ 17:6

Ivwrọmọ eye erhu rẹ uvie rẹ ọmare, urinrin rẹ emọ na ke rha ọse rayen.

Isẹ 30:11

Ihwo evo herọ re harha esẹ rayen ri jẹ ẹrhovwo ẹnẹ kẹ oni rayen.

Isẹ 30:17

Ẹro rọ vwẹ ọsọmọ jehwẹ rẹ ọjẹfia jo mu ọghọ kẹ oni rọye-e, okpemu rọ dia evun rẹ iyara cha sọhrọ, ekala ke cha riọ.

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 43:23

Wọ vwẹ igodẹ wẹn izobo rẹ ẹtorhẹ keẹ vwẹ-ẹ, eyẹ wọ je vwẹ izobo wẹn mu ọghọ kẹ vwe-e Mi kru oghwo rẹ izobo nyẹ wẹ-ẹ eyẹ Me vwẹ ọnrhe re adjija ghworo owe oma-a.

Aizaya 45:10

Ekan kẹ ohwo rọ ta kẹ ọsẹ rọye nẹ, Die wo vwo vwiẹ? eyẹ vwọ kẹ aye nẹ, Die wọ vwọ chuẹ uvwiẹ?

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Jerimaya 23:11

Tẹ ọmraro tẹ orherẹn riẹn Ọghẹnẹ-ẹ, vwẹ evun rẹ uwevwi mẹ me da mrẹ umwemwu rayen vughe eriyin Ọrovwohwo tare.

Jerimaya 3:4

Ọ dia ovwan ri se vwe nanana, Ọsẹ mẹ, wọwẹ ugbeya rẹ ọke emọ mẹ–

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Jerimaya 35:16

Emọ ri Jonadab rẹ ọmọ ri Rekab yọnrọn urhi rẹ ọsẹ rayen vwọ kẹ ayen ẹkẹvuọvo ihwo nana nyo vwe-e.

Izikiẹl 22:26

Irherẹn rọye vwẹ urhi mẹ gbe ozighi ayen de gbe ekuakua efuanfon mẹ ẹgua, ayen rhe vwo ofẹnẹ kẹ obo re fonro kugbe obo re vwo gbe otọ-ọ, eyẹ ayen ji yono ofene rọ herọ kẹ obo ri jẹfuọn vẹ obo re fọnro-o, ayen se ẹdidjala mẹ gbe emu-u, ọtiọye na ke ayen gbe vwe ẹgua vwẹ ohri rẹ ayen.

Hosia 12:8

Ifrem tare, E mi feri mi feri ke oma mẹ, ẹkẹvuọvo efe rọye ejobi che se si abe ro rere no oma-a.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Livitikọs 19:3

Ovwan ejobi mu ọghọ kẹ Ọsẹ vẹ oni rẹ ovwan re wa yọnrọn urhi rẹ ẹdidjala mẹ na. Mẹvwẹ Ọrovwohwo rẹ Ọghẹnẹ rẹ ovwan.

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.

Malakae 2:1

Asakiephana, E irherẹn na, ovwan e ji urhi nana kẹ.

Malakae 2:10

O dia ọsẹ ọvo avwanre na ejobi vwori? Ọ dia Ọghẹnẹ ọvo na ma avwanre? Kidie sorọ rẹ avwanre vwọ jẹ ohwohwo eseghuyota, rẹ avwanre vwo miovwo ọphọ rẹ esẹ rẹ avwanre?

Malakae 2:8

Ẹkẹvuọvo wo kurhẹriẹ nẹ idjerhe na; wọ da nẹrhẹ ihwo buebu she fiki rẹ uyono wẹn; we gbe ọphọ ri Livae ku, eriyin Ọrovwohwo rẹ otuofovwi tare,

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Matiu 15:4

Kidie Ọghẹnẹ tare nẹ, Vwẹ ọghọ kẹ ọsẹ wẹn vẹ oni wẹn. Ohwo ro ta ota omiomiovwi kpahe ọsẹ eyẹ oni rọye e jo ghwu.

Matiu 15:6

Yẹ ohwo yena gbe vwẹ ọghọ kẹ ọsẹ eyẹ oni rọye ọfa-a. Ovwan da vwẹ uruemu rẹ ovwan gbe urhi rẹ Ọghẹnẹ ku.

Matiu 19:19

Vwẹ ọghọ kẹ ọsẹ wẹn vẹ oni wẹn rere wọ rha guọnọ ọrivẹ wẹ kirobo wọ guọnọ oma wẹn.

Matiu 6:9

Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn.

Matiu 7:21

Ọ dia ihwo ejobi ri se vwe Ọrovwohwo, Ọrovwohwo eye se te uvie rẹ odjuvwu-u; jokpa rẹ ihwo ri ru ẹguọnọ rẹ Ọsẹ mẹ rọ hẹ obo odjuvwu.

Iyẹnrẹ Esiri ri Mak 10:19

Wọ riẹn irhi na, Wo hwe ohwo-o, Wo gbe igberadja-a Wo cho uji-i, Wo se oseri rẹ ofia-an, Wo ghwa ohwo ria-a, Vwẹ ọghọ kẹ ọsẹ vẹ oni wẹn.

Iyẹnrẹ Esiri ri Mak 7:10

Kidie Mosis tare, Mu ọghọ kẹ Ọsẹ wẹn vẹ oni wẹn ọ rọ ta ota omiomiovwi kẹ ọsẹ eyẹ oni, e jo ghwu;

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Iyẹnrẹ Esiri ri Luk 18:20

Wọ riẹn irhi na: Wo gbe igberadja-a, Wo hwe ohwo-o, Wo cho uji-i, Wo se iseri rẹ eku-u, mu ọghọ kẹ ọsẹ wẹn vẹ oni wẹn.

Iyẹnrẹ Esiri ri Luk 6:36

Gbe ni aruẹdọn kirobo rẹ Ọsẹ rẹ ovwan ji ni aruẹdọn.

Iyẹnrẹ Esiri ri Luk 6:46

Die we vwo se vwe, Ọrovwohwo, Ọrovwohwo, yu we ruẹ obo re me tare-e?

Ẹfesọs 6:2

Mu ọghọ kẹ ọsẹ wẹn vẹ oni wẹn (onana hẹ urhi rẹsosuọ re ve ive phihọ),

Urhi Rivẹ 1:31

kugbe evun rẹ aton, asan rẹ ovwan da mrẹ obo rẹ Ọrovwohwo Ọghẹnẹ rẹ ovwan na ghwa ovwan te, kirobo rẹ ọshare ghwa ọmọ rọye rẹ ọshare, vwẹ asan kasan rẹ ovwan rare ejobi, bẹsiẹye rẹ ovwan rhi vwo te etinẹ.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!

Urhi Rivẹ 5:16

Vwẹ ọghọ kẹ ọsẹ wẹn vẹ oni wẹn, kirobo rẹ Ọrovwohwo Ọghẹnẹ wẹn jiji kẹ wẹ; rere ẹdẹ wẹn vwo gro, ro vwo yovwi kẹ wẹ vwẹ otọ rẹ Ọrovwohwo Ọghẹnẹ wẹn na vwọ kẹ wẹ.

1 Pita 1:17

Ọ da dianẹ ovwan sere Ọsẹ ohwo ro brorhiẹ abavo kirobo rẹ uruemu rọye epha, ovwan gba djẹ oshọ vwẹ uchọke rẹ ovwan dia imu na kri te.