Malakae 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Idọm da ta nẹ, a guọghọ avwanre ẹkẹvuọvo avwanre cha bọn ẹdia rọ guọghọre na ejobi, Ọrovwohwo rẹ otuofovwi na tare nẹ, Ayen che ghine bọn, ẹkẹvuọvo mi che kporo kuotọ, bẹsiẹ rẹ ihwo vwo mu odẹ kẹ ayen nẹ orho rẹ iruimwemwu, ihwo rẹ Ọrovwohwo mu kpahe bẹdẹ.

Malakae 1:4 ပူးပေါင်းရင်းမြစ်များ

ỌBE RẸ JOB 12:14

O de kporo te otọ nu, ohwo ọvuọvo sa bọ-ọn, ọ de huhu eche gbe ohwo nu, ohwo ọvuọvo se rhie-e.

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

ỌBE RẸ JOB 9:4

Ọ ghware vwẹ udu, ọgba vwẹ ogangan, ono re ga udu rọye kpahọ, rọ da kparobọ?

Une rẹ Ejiro 127:1

Jokpa nẹ Ọrovwohwo na bọn uwevwi na-a, yẹ otu re bọnrọ ruiruo kufia. Jokpa nẹ Ọrovwohwo rhẹrẹ orere na, yẹ ọrherotọ rhẹrẹ kufia.

Une rẹ Ejiro 137:7

Karohọ, E Ọrovwohwo, ẹ vwọ suọ rẹ ihwo rẹ Idọm vwẹ ẹdẹ ri Jerusalẹm, obo rẹ ayen tare, Ghwọrọ muotọ, ghwọrọ muotọ! Kpotọ re te esiri rẹ uchivwo rọye!

Une rẹ Ejiro 33:10

Ọrovwohwo hirhe umẹ rẹ ẹgborho na phihọ emu diọdi, ọ hra iroro rẹ ihwo na kufia.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 11:14

Ẹkẹvuọvo kẹ ayen che pho mu igabọ ri Filistia ri obuko ọnre, kẹ ayen kuomagbe ra kua ihwo ri obaro ọnre. Ke ayen riẹn obọ vwọ so Idọm kugbe Moab ihwo rẹ Ammọn ki mu ọghọ kẹ ayen.

Aizaya 34:10

Ason kugbe uvo dede e se fue-e, ivwirhi rọye ko bru kpenu bẹdẹ. Ne edje re te edje erhurhu kọye ọ dia bẹdẹ, ohwo ọvuọvo gbe sa wanvrẹn rhiri bẹdẹ-ẹ

Aizaya 34:5

Kidie ọlọkọ Me da evun vọn vwẹ obo Idjuvwu, nighere, o wotọ rhe ri gu ẹdjọ kpahe Idọm, vwọ kpahe ihwo ri mi brorhiẹ re ughwu hwe nure

Jerimaya 31:17

Iphiẹrohọ herọ kẹ we vwẹ obaro, eriyin Ọrovwohwo tare, emọ wẹn ji che rhivwi rhe orho rayen.

Jerimaya 49:20

Didi osuigegede se mudia vwẹ obaro mẹ? Fiki rẹ ọtiọye na gbe nyo iroro rẹ Ọrovwohwo je kpahe Idọm vẹ obo rọ vwẹ evun vwọ kpahe ihwo ri Teman: Imigegede itete na dede e ji che kpono ayen yanran; omuẹro nẹ ogba rayen vẹ urhiẹvwe rayen che gbe ayen unu.

Jerimaya 49:7

Vwọ kpahe Idọm: Enẹ Ọrovwohwo rẹ otuofovwi na tare: Aghwanre gbe hẹ Tẹman? Iroroejẹ ghwru nẹ obọ rẹ obuiroro re? Aghwanre rayen ravwiẹnre?

Jerimaya 49:8

Djẹ, rhẹrioma, dia asan okokodo na, E ihwo ri Dedan! kidie me che mu okpetu rẹ Isọ rhurho ọke ri mi de che hwe.

Jerimaya 5:17

Ayen cha re orhọ wẹn vẹ emuọre wẹn, ayen cha re emeshare wẹn vẹ emetẹ wẹn, ayen cha re igegede wẹn vẹ ichuru wẹn; ayen cha re vain wẹn vẹ owe wẹn; irere ra gba ogba phihọ ru wọ vwẹ ẹro so na, ayen cha vwẹ ọlọkọ ghwọrọ ayen.

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Izikiẹl 11:10

Ọlọkọ kọye a vwọ nyavwe owẹ; ke me vwẹ owẹ gu ẹdjọ vwẹ ughwru rẹ Izrẹl ko wọ riẹn nẹ mẹvwẹ Ọrovwohwo na.

Izikiẹl 25:13

fiki rẹ ọtiọye e nẹ Ọrovwohwo Ọghẹnẹ tare, me riẹn obọ kpahe Idọm, ke me fian ohwo kugbe eranvwe no; ke me kua fiotọ; nẹ Tẹman re te Dedan kẹ ọlọko a vwọ nyavwe ayen hwe.

Izikiẹl 25:14

Ke me reihri vwẹ obo rẹ Idọm vwẹ oma rẹ ihwo mẹ Izrẹl, kẹ ayen che ruẹ vwẹ Idọm kirobo rẹ ivuemiovwo mẹ epha kugbe obo rẹ ophu mẹ epha, ke ayen riẹn ihri ẹriọ mẹ, eriyin Ọrovwohwo Ọghẹnẹ tare.

Izikiẹl 26:14

Ki mi ru we phihọ oragha hrohrohro; ku wọ dia asan ra vwẹ iriri tan; a gbe cha bọn wẹ ọfa bẹdẹ-ẹ; kidie mẹvwẹ Ọrovwohwo tarọ nure, eriyin Ọrovwohwo Ọghẹnẹ tare.

Izikiẹl 35:4

Mi ru irere wẹn hirhe phihọ ifefe ka cha kua wẹ fiotọ, ku wọ cha riẹn nẹ mẹvwẹ Ọrovwohwo.

Izikiẹl 35:9

Ki mi ru we ru wọ de dia asan ra kua fiotọ rhiri bẹdẹ, irere wẹn a gbe dia aye-en. Etiyin wọ ke riẹn nẹ mẹvwẹ Ọrovwohwo na.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Emọs 3:15

Ke Me cha guọghọ uwevwi rẹ ekpahe kugbe uwevwi rẹ ọkiuvọ; iwevwi rẹ akeni cha guọghọ, iwevwi ride na ki che vwo oba, Ọrovwohwo na tarọ.

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Emọs 6:11

Kidie nighere, Ọrovwohwo tare, uwevwi rode na ka guọghọ te otọ, kugbe uwevwi otete na ka guọghọ vworovworo.

Emọs 6:2

Wanvrẹn kpo Kalneh, re wọ mrẹ, nẹ etiyin re wo kpo Hamat rode na, wo rhe kpo Gat ri Filistia. Ayen yovwi nọ uvie nana? Yẹrẹ ubrakpọ rayen rho nọ ubrakpọ rẹ ovwan?

Ọbe rẹ Ọmraro Ọbadaya Obadaya 1:1

Emramrẹ rẹ Obadaya. Enẹ Ọrovwohwo Ọghẹnẹ ta kpahe Idọm: Avwanre nyo ikun miẹ Ọrovwohwọ rhe, e ji ji ikọn ro ohri rẹ ẹgborho na: Vrẹn! e jẹn avwanre vrẹn ra kpare ofovwi bro ra!

Ọbe rẹ Ọmraro Ọbadaya Obadaya 1:10

Fiki rẹ ozighi wo gbe kẹ oniọvo wẹn Jekọp, omaẹvuọ ko rhurhu we opharo, ke che bru we kufia bẹdẹ.

Malakae 1:3

ẹkẹvuọvo Isọ tu vwe oma; me guọghọ orho rọye rọ obo ugbenu na mi de jẹ uku rọye vwo vwọ kẹ erha rẹr aton.

Matiu 12:30

Ohwo rọ vẹ ovwẹ hẹ obọ-ọ yọ vwo so vwẹ; ohwo rọ vẹ ovwẹ gbeje koko-o yọ hra kufia.