Malakae 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Mẹvwẹ re guọnọ owe, eriyin Ọrovwohwo tare. Ẹkẹvuọvo wọ tare nẹ, Mavọ wọ guọnọ avwanre te? Isọ dia oniọvo ri Jekọp? eriyin Ọrovwohwo tare. Dede na ye me guọnọ Jekọp,

Malakae 1:2 ပူးပေါင်းရင်းမြစ်များ

Jẹnẹsis 25:23

Ọrovwohwo da ta kẹ, Ẹgborho ivẹ ri evun wẹn, oka rẹ ihwo ivẹ, ru wo che vwiẹ na, ke ghare oma; Ọvo cha goma nọ ọrivẹ, oro ọkpako cha ga oro otete.

Jẹnẹsis 25:25

Orẹ ẹsosuọ vwo shotọ ọvwara wei, oma rọye ejobi ẹtuẹnto yafu, kọye e de se odẹ rọye Isọ.

Jẹnẹsis 25:26

Emerha oniọvo rọye de rhi shotọ, ọ da vwẹ obọ yọnrọn uchuku owọ rẹ Isọ, Etiyin e de se odẹ rọye Jekọp. Aizik ikpe ujorha vwẹ ọke ro vwo vwiẹ emọ na.

Jẹnẹsis 27:33

Etiyin Aizik kọ phariẹ guegue, ọ da ta, Kono ri hwe eranvwe ro de muo rhe vwe, Me rerọ ejobi nu tavwe wọ ke rhe, Me je vwẹ ẹrhovwo kẹ nureọ? uyota ke bruphihọ kẹ.

Jẹnẹsis 48:4

ọ da ta kẹ vwẹ, Nighe, mi ru we ogbaọmiovwọ, ki mi ru we bu, ki mi ru we urogho rẹ ihwo, ke Me vwẹ otọ na kẹ uvwiẹ wẹn rọ cha vwẹ obuko wẹ re ọ dia ẹkẹn rayen bẹdẹ.

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

Ivie rẹ Ivẹ 3:8

Etiyin ọ da ta, Kẹ idjerhe rhọ a wan? Jehoram da kpahe, Idjerhe rẹ aton rẹ Idọm.

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Jerimaya 2:31

Ji te we, E uvwiẹ na, kerhọn rẹ ota rẹ Ọrovwohwo. Mẹvwẹ kẹ aghwa vwọ kẹ Izrẹl, eyẹ otọ ro mu ebri? Kidie ihwo me vwọ ta nẹ, Avwanreọ imuvwiẹ, avwanre gbi bru uwe rhe ofa-a?

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Jerimaya 31:3

Ọrovwohwo da vwẹ oma nẹ vwẹ ogboko. Ẹguọnọ ro jẹrhẹriẹ ri bẹdẹ bẹdẹ me vwọ guọnọ owẹ, ọtioye na uyota mẹ je herọ kẹ wẹ.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Malakae 2:17

Wọ vwẹ eta wẹn ghwọrọ Ọrovwohwo oma. Yo wọ tanẹ, Mavọ avwanre vwọ ghwọrọ owẹ oma? Wọ vwọ tanẹ, kohwo kohwo ro ru umwemwu vwẹ obaro rẹ Ọrovwohwo yẹ oyoyovwi o ruru, oma rọye kọ vwerhọ. Eyẹ kọ nọ nẹ, Tivọ Ọghẹnẹ rẹ uyota na epha?

Iyẹnrẹ Esiri ri Luk 10:29

Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ?

Iyẹnrẹ Esiri ri Jọn 15:12

Ọnana hẹ urhi mẹ, nẹ ovwan guọnọ ohwohwo kirobo re me guọnọ ovwan.

Urhi Rivẹ 10:15

Ọrovwohwo ọvo vwo ivuavwerhe kpahe esẹ rẹ ovwan je guọnọ ayen, ọ da jẹn emọ rayen re cha vwẹ uko reyọ, kọye ovwan vwọ enu rẹ ihwo na ejobi, kirobo rọ epha nonẹ na.

Urhi Rivẹ 23:5

Dede na Ọrovwohwo rẹ Ọghẹnẹ wẹn na kerhọ ri Balam na-a; ẹkẹvuọvo Ọrovwohwo rẹ Ọghẹnẹ wẹn na da rhẹriẹ iyori na phihọ ebruphihọ kẹ wẹ, fikiridie Ọrovwohwo rẹ Ọghẹnẹ wẹn na guọnọ owẹ.

Urhi Rivẹ 33:3

Uyota, ọ guọnọ ihwo rọye; otu re vwo ve kẹ na ejobi e hẹ obọ rọye; eriyin ayen vwo nene ichiyi rọye, vwọ reyọ isuesun nẹ obọ rọye rhe

Urhi Rivẹ 4:37

Fikiridie ọ guọnọ esẹ rẹ ovwan, kọye ọ vwọ jẹ uvwiẹ rayen reyọ rẹ ayen vwo ghwu nu, ọ da vwẹ opharo rọye ji kugbe ogangan rọye rode na reyọ owẹ phia, nẹ Ijipt rhe;