Maika 7:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Wọ ghọghọ ovwẹ-ẹ, E ọvweghrẹ mẹ. mi de she, mi ji che vrẹn; ọke mi de tidia vwẹ evun rẹ ebri, Ọrovwohwo cha dia urhukpẹ kẹ vwẹ

Maika 7:8 ပူးပေါင်းရင်းမြစ်များ

ỌBE RẸ JOB 31:29

Ọ da dianẹ me ghọghọre vwẹ umiovwo rẹ ohwo ro kpokpo uvwe, eyẹ oma da vwerhovwẹ vwẹ ọke rẹ umiovwo de te oma

Une rẹ Ejiro 112:4

Urhukpẹ la nẹ evun rẹ ebri rhe kẹ ohwo ọsoso, Ọrovwohwo vẹ ehrọre, arodọvwẹ, kugbe ọvwata.

Une rẹ Ejiro 143:3

Kidie ọvweghrẹ na vwọ tua vwẹ, ọ guọghọ arhọ mẹ te otọ, ọ nẹrhẹ ovwẹ tidia evun rẹ ebri kerẹ ohwo ro ghwuru rhabae.

Une rẹ Ejiro 20:8

Ayen che shero ayen mi she; ẹkẹvuọvo avwanre ki vrẹn kpoma vi.

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 35:19

Wo jẹn ayen ghọghọ ovwẹ-ẹ ayen otu re jẹ vwẹ eghrẹ ekueku, wo jẹn ayen vwirhi uvwe ẹro-o ayen otu ri di tuoma mẹ ghevweghe.

Une rẹ Ejiro 37:21

Oruimwemwu momo, ẹkẹvuọvo ọ sa hwa rhivwi-i, ẹkẹvuọvo ọvwata nẹ arodọvwẹ ọ me hwa,

Une rẹ Ejiro 37:24

o de she dede, o phre ikule-e, kidie Ọrovwohwo vwẹ obọ rọye yọnrọn.

Une rẹ Ejiro 38:16

Kidie me re, takpe wo jẹn ayen ghọghọ ovwẹ-ẹ, ayen otu re yeyan kpahe ovwẹ vwẹ ọke rẹ owọ mẹ vwọ ghworiẹ!

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Une rẹ Ejiro 97:11

Ọke rhie vwọ ke ọvwata, aghọghọ kẹ ohwo rẹ udu rọye dia ọsoso.

Aizaya 2:5

E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Aizaya 49:9

rọ ta ke ihwo re he uwodi na nẹ, Yan phia, vwọ kẹ ihwo re hẹ ebri na, Vwẹ oma phia. Ayen cha re emu yan vwẹ oma re idjerhe na, vwe enu rẹ igbenu phrẹphrẹphrẹ na ejobi kẹ etiyin egbri cha dia,

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Jerimaya 48:27

Izrẹl rha dia ehwẹjẹ kẹ wẹ jovwo? A mrẹrẹ vwẹ ohri rẹ iji dẹvure, vwẹ ọke kọke wọ da ta ota rọye wo mie kpogho uyovwi?

Jerimaya 50:11

Owenẹ wọ ghọghọ, owenẹ oma vwerhe owẹ, E ọ ro gborho ukuẹriọ mẹ owenẹ wo vwo urhurhu kerẹ ọmọ rẹ erhuẹn rọ ria odi, rọ djẹ eya kerẹ esi ọshare,

Jerimaya 8:4

Ku wọ ta kẹ ayen, Enẹ Ọrovwohwo na tare, Ihwo de she, e gbe rhoma vrẹ? Ohwo de rhivwi kpuko, o gbi kuẹrhẹriẹ?

Izikiẹl 25:6

Kidie e nẹ Ọrovwohwo Ọghẹnẹ tare: Fikiridie wọ teye abọ wẹn wọ da vwẹ awọ teye otọ wo da ghọghọ vẹ ọnko rọ vọn udu wẹn kpahe otọ rẹ Izrẹl,

Izikiẹl 35:15

Kirobo wọ ghọghọ kpahe uku rẹ uwevwi rẹ Izrẹl na, fikiridie a kuarọ fiotọ, ke otiọye mi che nene uwe ru, ka kua wẹ fiotọ, Ugbenu ri Siar, vẹ Idọm ejobi, ayen ejobi kpae. Etiyin ayen ke riẹn nẹ mẹvwẹ ọye Ọrovwohwo na.

Izikiẹl 36:5

vwẹ ọtiọye na kẹ e nẹ Ọrovwohwo Ọghẹnẹ tare: Me ta ota vwẹ evun rẹ omẹriọ mẹ vwọ kpahe ẹgborho ri chekọ na, vwọ kpahe Idọm ejobi, re vwẹ otọ mẹ ghare ughwẹ kẹ oma rẹ ayen vẹ aghọghọ rode kugbe ehwẹjẹ, rere ayen mrasan vwọ reyọ rere ayen gborho.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Ọbe rẹ Ọmraro Ọbadaya Obadaya 1:12

Ẹkẹvuọvo wo gbi rhe mudia vwẹ abọ gbanoma-a vwẹ ẹdẹ rẹ okpetu rẹ oniọvo wẹ-ẹn vwẹ ẹdẹ rẹ uyovwi emiovwo rọye-e, wa rha ghọghọ ihwo ri Juda vwẹ ẹdẹ ra vwọ guọghọ ayen na-a.

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.

Maika 7:10

Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Iyẹnrẹ Esiri ri Jọn 16:20

Uyota, uyota, me ta kẹ ovwan, ovwan cha viẹ ovwan che vwere oma, ẹkẹvuọvo akpọ na cha ghọghọ; ọ cha da ovwan gangan, ẹkẹvuọvo ọdavwẹ rẹ ovwan che hirhe phihọ aghọghọ.

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

2 Kọrẹnt 4:9

e mu avwanre, yẹ ẹkẹvuọvo a sen avwanre-e; a ghwiẹ avwanre she, yẹ ẹkẹvuọvo a ghwọrọ avwanre-e;

Ẹvwọphia 21:23

Orere na rha guọnọ ọnre eyẹ emeranvwe ro lo vwọ-ọ, kidie urinrin rẹ Ọghẹnẹ ọvo ọye hẹ urhukpẹ rọye, urhukpẹ rọye kọye hẹ Omogodẹ na.

Ẹvwọphia 22:5

Ason gbe cha dia ọfa-a; ayen gbe guọnọ orẹmrẹ rẹ urhukpẹ eyẹ ọnre-e, kidie Ọrovwohwo Ọghẹnẹ na kọ dia urhukpẹ rayen, ayen ke cha re bẹdẹ bẹdẹ.