Maika 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Maika 7:7 ပူးပေါင်းရင်းမြစ်များ

Jẹnẹsis 49:18

Me hẹrhẹ esivwo wẹn, E Ọrovwohwo.

Une rẹ Ejiro 109:4

Me guọnọ ayen jẹ ayen muẹ kpahe ovwẹ, ye me ghwa nẹ ẹrhovwo kẹ ayen.

Une rẹ Ejiro 130:5

Me hẹrhẹ Ọrovwohwo, ẹnwẹ mẹ hẹrhẹ, vwẹ evun rẹ ota rọye me vwe ẹro so,

Une rẹ Ejiro 25:5

Sun vwe wan evun rẹ uyota, re wo yono uvwe, kidie wẹ Ọghẹnẹ rẹ esivwo mẹ; kidie wẹ me hẹrhẹ vwẹ ẹdẹ na ejobi.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Une rẹ Ejiro 38:15

Ẹkẹvuọvo wẹ, E Ọrovwohwo, me hẹrhẹ; We, E Ọrovwohwo Ọghẹnẹ me, ọye ri nyo vwe.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 65:2

E wọwẹ ro nyo ẹrhovwo mọ Wọwẹ ọye ihwo ejobi che bru rhe

Une rẹ Ejiro 85:5

Ku wo mu ophu rẹ avwanre bẹdẹ? ku wo mu ophu wẹn na rhiri re te uvwiẹ rọ cha?

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 17:7

Vwẹ ẹdẹ yena ihwo i che se Ọrọma ayen gbe ohwo, kẹ ayen cha rọ ẹro vi Ọfuanfọn Ọvuọvo rẹ Izrẹl na;

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Uvwerhe 3:24

“Ọrovwohwo ọye hẹ ẹkẹn mẹ” ọtiọye erhi me tare, fiki rẹ ọtiọye na ki mi phi ẹro phihọ.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Hosia 12:6

Ọtiọye owẹ, vwẹ ọchuko rẹ Ọghẹnẹ wẹ, rhivwi rhe, yọnrọn ẹguọnọ vẹ ọsoso gan, re wọ hẹrhẹ Ọghẹnẹ wẹn kọke kọke.

Joẹl 1:19

Wẹ, E Ọrovwohwo, Me viẹ se. Kidie erhanre rhe torhẹ egbri rọ hẹ evun rẹ aghwa, erhanre mu la ro irhe re hẹ evun rẹ aghwa ejobi.

Habakọk 2:1

Mi mudia re me rhẹrẹ, re me gbrọ phihọ enu rẹ ohẹrhẹ na, re me kerhọn rẹ obo rọ cha ta kẹ vwẹ, vẹ obo re mẹ cha kpahe phihọ iguegu mẹ.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Ukeri 5:28

Ẹkẹvuọvo aye na rhe gbe oma rọye ẹgua-a rọ da fon, kọ dia phrẹrẹ kọ sa mrevun ro de vwiẹ emọ.