Maika 7:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Wọ vwẹ ẹro so ọrivẹ-ẹ, wọ vwẹ udu kpahe ugbeya-an; sẹro rẹ ẹchẹ rẹ ugbunu wẹn kẹ aye rọ vwẹ uyovwi kpahe owẹ udu;

Maika 7:5 ပူးပေါင်းရင်းမြစ်များ

Une rẹ Ejiro 141:3

Gba ọgba phihọ unu mẹ, E Ọrovwohwo, Sẹro rẹ ẹchẹ rẹ ẹbẹrunu mẹ!

Une rẹ Ejiro 38:14

E, me họhọ ohwo ro jẹ ẹme enyo, re ekan ọvuọvo he unu rọye-e.

Une rẹ Ejiro 41:9

Vwevwe rẹ ugbeyan rẹ erhi mẹ re me vwẹ ẹro so, rọ ria emu mẹ, rhoma vwẹ ichihrawọ vi vwe.

Jerimaya 9:3

Ayen kpirhi ẹrẹnvwe rayen kerẹ umurhabọ; efian ọ dia uyota-a ọye ma rho vwẹ otọ na, kidie ayen nẹ umwemwu ra ro umwemwu, ye ayen riẹn vwẹ-ẹ, eriyin Ọrovwohwo na tare.

Jerimaya 9:4

Dohwo dọrivẹ rọye kẹnẹ oma kẹ, wọ vwẹ ẹro so oniọvo ọvuọvo-o oniọvo koniọvo riodọvwe, ọrivẹ kọrivẹ muẹ ohwo phọphọ.

Uvwerhe 1:2

O beroma rẹ oviẹ vwẹ ason, ameoviẹ hẹ egban rọye, vwẹ usun rẹ esen rọye na ejobi o vwo ọvuọvo rọ vwẹ uchebro kẹ-ẹ; Igbeyan rọye ejobi hirhe phihọ ivwighrẹ rọye.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Iguẹdjọ 14:17

Aye na da viẹ vwẹ obaro rẹ ọshare rọye bẹsiẹ rẹ ẹdẹ ighwrẹn rẹ orẹ na vwo te; ẹdẹ rẹ ighwrẹn na vwọ gba nu ọ da fa otọ rẹ ido na kẹ ayẹ rọye, kidiẹ ayẹ na karhiẹre unu ganọ. Etiyin aye na da ra fa otọ rẹ ido na kẹ ihwo rẹ orho rọye.