Maika 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọ ro me yovwi vwẹ usun rẹ ayen họhọ ebẹn, ọ rọ ma dia ọvwata vwẹ ohri rẹ ayen họhọ ogba rẹ inwe. Ẹdẹ rẹ ọrhẹrotọ rayen, ẹdẹ rẹ ehwe rayen, o te nure; Asakiephana ozighi rayen kẹrẹ otọ re.

Maika 7:4 ပူးပေါင်းရင်းမြစ်များ

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Aizaya 22:5

Kidie Ọrovwohwo Ọghẹnẹ rẹ otuofovwi o vwo ẹdẹ ọvo rẹ edo vẹ echivwo muotọ kugbe ozighi vwẹ iyara rẹ emramrẹ, ra cha vwọ san igbẹhẹ tueghe re che vwo kperi se igbenu

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Jerimaya 10:15

Ayen fiemu-u iruo rẹ ophiẹvwe, ọke re ehwe rayen kẹ ayen cha ghwọrọ.

Jerimaya 11:23

ọvuọvo rayen rhe chekọ-ọ. Kidie me cha vwẹ umiovwo rhurhu ihwo rẹ Anatọt, vwẹ ukpe rẹ ehwe rayen.

Jerimaya 46:21

Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Izikiẹl 2:6

Wẹ rhe, ọmọ rẹ ohwo, wọ djẹ oshọ raye-en, eyẹ wọ djẹ oshọ rẹ eta raye-en, owenẹ ekpia vẹ odjigbẹ keke uwe wo de tidia phihọ enu rẹ akpakpasimagha; wọ djẹ oshọ rẹ eta raye-en, eyẹ ofu rẹ opharo rayen dje we-e, kidie uwevwi rẹ okpetu ayen ruẹ.

Izikiẹl 28:24

Vwọ kẹ uwevwi rẹ Izrẹl ebẹ gbe dia rọ bẹre ohwo ọfa-a eyẹ odjigbe ro duvwu ohwo gbe dia ọfa-a vwẹ ohri rẹ ihwo re dia kẹrẹ re reyọ ayen vwọ jehwẹ. Etiyin ayen ke riẹn nẹ mẹvwẹ ọye Ọrovwohwo na.

Emọs 8:2

Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

Nahum 1:10

Kerẹ inwe re gba phihọ eriyin a cha ghwọrọ ayen, kerẹ ehẹbe eyaya.

Iyẹnrẹ Esiri ri Luk 21:25

Oka kọ cha dia evun rẹ ọnre kugbe emeranvwe kugbe isio, vwẹ enu rẹ akpọ na kẹ uvwerhe rẹ ẹgborho na vẹ ofuedje vwẹ ẹsiẹ rẹ ọsẹghẹ rẹ abadi da cha rọ da gbogha,

Hibru 6:8

Ẹkẹvuọvo ọ da rha dia ekpia vẹ idjigbẹ re djẹ rhe vwọ, yẹ otọ yena miovwiri kerẹ otọ re duvwu iyori phihọ; oba rọye ka torhẹ.