Maika 7:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Wọ vwẹ evun esiri nẹ Jekọp ẹguọnọ esiri wẹn na kẹ Ebraham, kirobo wo ruru kẹ esẹ rẹ avwanre nẹ ọke awanre rhe.

Maika 7:20 ပူးပေါင်းရင်းမြစ်များ

Jẹnẹsis 24:27

ọ da ta, Ebruphihọ kẹ Ọrovwohwo Ọghẹnẹ rẹ onini mẹ Ebraham, ro se siobọ nẹ ẹguọnọ ro jẹrhẹriẹ kugbe evuesiri ro vwo kpahe onini mẹ. Vwọ kẹ vwẹ, Ọrovwohwo ri sun vwe vwẹ idjerhe rhi te uwevwi rẹ omoni rẹ onini mẹ.

Jẹnẹsis 32:10

mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Urhi Rivẹ 7:12

Fikirobo re wọ vwọ kerhọ rẹ iji nana, re wọ da yọnrọn ayen, ji ru ayen na, Ọrovwohwo Ọghẹnẹ wẹn na kọ cha yọnrọn ọphọ vẹ ẹguọnọ ro jẹrhẹriẹ ro veri kẹ esẹ wẹn na kẹ wẹ;

Urhi Rivẹ 7:8

ẹkẹvuọvo fiki rẹ obo rẹ Ọrovwohwo vwọ guọnọ ovwan, gbe fiki rẹ obo rọ vwọ yọnrọn ive ro veri kẹ esẹ rẹ ovwan gbagba, ọ vwọ vwẹ obọgangan reyọ ovwan phia ọ ke je tan ovwan nẹ uwevwi rẹ ọviẹn nẹ obọ ri Fero ovie rẹ Ijipt.