Maika 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Maika 7:2 ပူးပေါင်းရင်းမြစ်များ

Une rẹ Ejiro 10:9

ọ rọ rhẹrẹ vwẹ odjahọ kerẹ okpohrokpo rọ fiọnko, o fiọnko rọ vwọ mrasan shabọ phihọ ovwiogbere, ọ shabọ phihọ ovwiogbere vwẹ ọke ro de kpono ro evun rẹ ariri rọye.

Une rẹ Ejiro 12:1

Chuko, Ọrovwohwo; kidie o rhe vwo ohwo esiri ọfa-a; kidie ihwo rẹ uyota ejobi ravwiẹ re nẹ uherevie rẹ emọ rẹ ihwo.

Une rẹ Ejiro 12:2

Kohwo kohwo vwọrọn efian kẹ ọrivẹ rọye; avwavwe ebro kugbe ẹrenvwe ivivẹ udu rayen vwọ ta ota.

Une rẹ Ejiro 57:6

Ayen vwẹ ariri tan hẹrhẹ ichiyi mẹ; ẹnwẹ mẹ si wurhu. Ayen tọn uyere phihọ idjerhe mẹ, ẹkẹvuọvo ayen ọvo rhoma she phihọ.

Isẹ 1:11

Ayen de se we nẹ, Yanrhe rere me re fiọnko hẹrhẹ ọbara, jẹn avwanre ra hwa hẹrhẹ ọvwata na:

Isẹ 12:6

Eta rẹ oruimwemwu re fiọnko hẹrhẹ ọbara, ẹkẹvuọvo unu rẹ ohwo esiri siẹ ohwo nẹ ughwu.

Aizaya 3:5

Ihwo na ki che shenyẹ ohwo ohwo ku ohwo ku otu rọye ku ohwo ku ọrivẹ rọye, omotete ko che yivwaro kpahe ọkpako, orharhe ohwo che yivwaro kpahe omiragua.

Aizaya 57:1

Ọvwata de ghwọrọ, ye ohwo ọvuọvo roro-o, ihwo esiri a kua ayen yanran, ye ohwo ovuọvo riẹ-ẹn. Kidie e si ọvwata nẹ okpetu,

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Aizaya 9:19

Fiki rẹ ophu rẹ Ọrovwohwo rẹ otuofovwi na otọ na vwọ torhẹ na ihwo na kerẹ irhe re vwo mu erhanre, o vwo ohwo ọvo rọ yan jẹ oniọvo rọye vwo-o.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 5:16

Ekpu rẹ edada rayen họhọ ushi ro rhie phihọ, ayen ejobi egba re ihwo.

Jerimaya 5:26

Kidie a mrẹ ihwo umwemwu vwẹ ohri rẹ ihwo mẹ; ayen rhẹrẹ pẹpẹ kerẹ ọkpaufi rẹ ọphran rọ rhẹrẹ. Ayen kpahe ufi, ayen mu Ihwo.

Jerimaya 8:6

Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

Uvwerhe 4:18

Ihwo kẹ tọn ẹro vi ichiyi rẹ avwanre o gbi jẹ avwanre sa yan vwẹ evun rẹ irhuvwu rẹ avwanre-e. Oba rẹ avwanre sikẹre re e kere ẹdẹ rẹ avwanre mu nure, kidie oba rẹ avwanre tere.

Izikiẹl 22:12

A jẹ udi kẹ ihwo rere ayen vwo sun ọbara vwẹ evun wẹ, wo suẹn igho wo ghwe brẹ ba igho rere wọ vwọ mrẹ erere vwẹ oma rẹ ọrivẹ wẹn, wọ je ghwa karhiẹ obo rẹ ọrivẹ vwori mie, me da chọrọ owẹ ẹro, eriyin Ọrovwohwo Ọghẹnẹ tare.

Izikiẹl 24:6

Fiki rẹ ọtiọye na e nẹ Ọrovwohwo Ọghẹnẹ tare: Ekan kẹ orere rẹ ọbara na, kẹ ẹvwẹrẹ rẹ ekagba hẹ evun rọye, rẹ ekagba ji nẹ evun rọye-e! Reyọ ibro na ọvuọvo no, wọ sanọ-ọ.

Hosia 5:1

Nyo ọnana, E irherẹn! wa kerhọn, E uwevwi rẹ Izrẹl! Wa kerhọn, E uwevwi rẹ ivie na! Kidie ẹdjeguo na bru uwe rhe; kidie wọ vwẹ oma ru ufi vwi Mizpa, vẹ ariri ra riẹn phihọ enu ri Tabọ.

Hosia 6:9

Kirobo rẹ iji hwa phihọ idjerhe hẹrhẹ ohwo ye, otiọye irherẹn na ji se oma koko, ayen da dia izighẹ vwẹ idjerhe ro kpo Shikẹm, uyota, ayen ru obo re brare.

Maika 2:8

Ẹkẹvuọvo wọ da vwọ so ihwo Me kerẹ ọvweghrẹ; wọ da ban adagba miẹ ohwo rẹ ufuoma, nẹ ihwo re yan oyan obọ rayen wan ri vwo iroro rẹ ofovwi ọvuọvo-o.

Maika 3:10

re vwẹ ọbara bọn Zayọn re vwẹ oruchọ bọn Jerusalẹm.

Maika 3:2

Ovwan ri tuoma rẹ emu esiri wa da guọnọ umwemwu, re bọrọ ophiẹn rẹ ihwo mẹ, re kpanọ uvwo nẹ ibeku rayen;

Zekaraya 11:6

Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

Iruo rẹ Iyinkọn na 24:9

Ihwo ri Ju na ejobi da rhọvwe phihọ obo ro guru na nẹ ghene ọtiọye.

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 26:20

Asakiephana, e jẹn ọbara mẹ suẹn te otọ vwẹ obuko rẹ Ọrovwohwo-o; kidie ovie rẹ Izrẹl rhere rhe guọnọ arhọ mẹ, kerẹ ohwo rọ bẹrẹ ibefi rẹ okorobozo vwẹ obenu rẹ ugbenu.