Maika 7:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Maika 7:18 ပူးပေါင်းရင်းမြစ်များ

Jẹnẹsis 4:7

Wọ riẹn ru nọ, ọ gbe rha jẹn wẹ reyọ? Wọ rha riẹn ru-u na, umwemwu fiọko vwọ anurhoro wẹn, wẹwẹ ọ guọnọ reyọ ẹkẹvuọvo pharhe wo phio kparobọ.

1 Ivie 8:23

ọ da ta, E Ọrovwohwo, Ọghẹnẹ rẹ Izrẹl, o vwo Ọghẹnẹ ọfa rọ họhọ owẹ-ẹ, vwẹ odjuvwu vwẹ obenu yẹrẹ vwẹ obotọ rẹ akpọ obonẹ-ẹ, rọ yọnrọn ọphọ, o me rha vwẹ ẹguọnọ ro je rhẹriẹ rọye vwo ni idibo rọye re yan nene uwe vẹ udu rayen ejobi;

2 Ikun rẹ Ivie 30:9

Kidie we de rhivwi bru Ọrovwohwo na, imoni wẹn kugbe emọ wẹn ke mrẹ ehrọre vwẹ obọ rẹ ihwo ri mu ayen na, ki che rhivwi rhe otọ nana. Kidie Ọrovwohwo Ọghẹnẹ wẹn ọ vọnre vẹ ehrọre vẹ arodọvwẹ, o rhe chuko ku we-e, ọ da dianẹ wo rhivwi bro.

2 Ikun rẹ Ivie 6:21

Gba kerhọn rẹ oyare rẹ odibo wẹn kugbe ihwo wẹn Izrẹl, rẹ ayen da nẹ ẹrhovwo vwẹ etinẹ; E, nyo vwẹ obo odjuvwu asan ro wọ dia; wo de nyo nu, biko vwo ghovwo.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Une rẹ Ejiro 103:13

Kirobo re ọsẹ pẹpẹ emọ rọye, ọtiọye Ọrovwohwo je vwẹ obọ pẹpẹ otu re djẹ oshọ rọye.

Une rẹ Ejiro 130:4

Ẹkẹvuọvo evwoghovwo rhe we, rere a vwọ djẹ oshọ wẹn.

Une rẹ Ejiro 35:10

Ibeku mẹ ejobi ke cha ta, E Ọrovwohwo kono re họhọ owẹ, wọwẹ ro sivwẹ ọvwiẹrẹ na nẹ obọ rẹ ohwo rọ ganọ kẹ, ọvwiẹrẹ vẹ ọ rọ bẹn nẹ obọ rẹ ohwo ro miovwo?

Une rẹ Ejiro 65:3

fiki rẹ imwemwu. Ọke rẹ ogbeku rẹ avwanre de shenyẹ avwanre, we ri vwo ghovwo ayen.

Une rẹ Ejiro 65:4

Ebruphihọ kẹ ohwo ro wọ jẹreyọ ne o si kẹrẹ owẹ, rọ dia ọguan wẹn! Evun rẹ erhuvwu rẹ uwevwi wẹn cha vọn avwanre, uwevwi ọfuanfon wẹn na!

Une rẹ Ejiro 71:19

Ogangan wẹn kugbe ọvwata wẹn, E Ọghẹnẹ, o te obo irharheghe rẹ odjuvwu. Wọwẹ ro ruẹ imu ride na, E Ọghẹnẹ, kono re họhọ owẹ?

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Une rẹ Ejiro 89:6

Kidie kono obenu na re vwo dje we Ọrovwohwo? Ono vwe ohri re ihwo re obo odjuvwu na re họhọ Ọrovwohwo,

Une rẹ Ejiro 89:8

E Ọrovwohwo Ọghẹnẹ re otuofovwi, Ono re goma kere owẹ, E Ọrovwohwo, vẹ esegbuyota wẹn rọ riariẹ owẹ wan?

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Ẹyano 34:9

Ọ da ra, Me da mrẹ aruesiri wẹ vwẹ etinẹ na, E Ọrovwohwo, gbe jẹ Ọrovwohwo, Me rẹ wẹ, yan ro uherevie rẹ avwanre, dede nẹ ayen ihwo vẹ udu ọgangan wọ vwẹ orukuruku rẹ avwanre vẹ umwemwu rẹ avwanre ghovwo avwanre, rere wọ vwẹ avwanre ru iriuku wẹn.

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Aizaya 38:17

Nighe, fiki rẹ erhuvwu mẹ ọye mi vwo vwẹ ivuemiovwo rode na, ẹkẹvuọvo we re da erhi mẹ ji ro vwo jẹ ọgọdọ rẹ ughwu e sheruọ, kidie wẹ ri geri umwemwu ejobi phihọ obuko.

Aizaya 40:18

Kono ghwrara wo vwo dje Ọghẹnẹ, eyẹ ki didi emu re họherọ?

Aizaya 40:25

Kono wo vwo dje vwe, re me họhọ? eriyin Ọfuanfon Ọvuọvo na tare.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 57:10

Oma da ghwọrọ owẹ fiki rẹ idjerhe oshesheri wọ yanre, ẹkẹvuọvo wọ sa tanẹ, o fi emuọvo-o wọ mrẹ arhọ ọkpokpọ vwọ kẹ ogangan wẹn, o gbi ju we shero-o.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Aizaya 62:5

Kirobo rẹ emeghene jovwo ọmọtobẹ na, eriyin emọ wẹn cha rọvwọ owẹ, kirobo rẹ ọshare re ọpha ghọghọ gbe ọpha rọye na, eriyin Ọghẹnẹ wẹn ghọghọ vwẹ oma wẹ.

Aizaya 64:9

Wo jẹ ophu mu we ganga-an, E Ọrovwohwo, wọ gbe karophihọ orukuruku bẹdẹ-ẹ. Nighe, roro nẹ, avwanre ihwo wẹn.

Aizaya 65:19

Me ghọghọ vwẹ oma ri Jerusalẹm, oma rẹ ihwo Mẹ ke vwerhe ovwẹ, e gbi nyo umri rẹ ovie vwẹ evun rọye-e kugbe ekpere rẹ enu ebro-o.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 3:5

Ku wo mu ophu bẹdẹ, ivun ki miovwo uwe re te oba? Nighe, wọ ta nure, ẹkẹvuọvo umwemwu ru wo se ru wo ruro nure.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.

Jerimaya 33:8

Ke me cha hworhẹ ayen nẹ abe rẹ umwemwu rẹ ayen ru kpahe ovwẹ na, ke me vwẹ abe rayen vẹ omẹriọ rayen ghovwo ayen.

Jerimaya 38:8

Ebẹdmẹlẹk da yan nẹ uwevwi rẹ ovie na rhe, ra ta kẹ ovie,

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Jerimaya 9:24

ẹkẹvuọvo ọ rọ yoma gba vwẹ ọna yoma, nẹ ọye vughe uvwe ọye je riẹn vwẹ, nẹ mẹvwẹ Ọrovwohwo ro nẹ ẹguọnọ ro jẹrhẹriẹ, rọ guọnọ uyota kugbe ọvwata vwẹ akpọ na, kidie imu nana ri je vwe eriyin Ọrovwohwo na tare:

Izikiẹl 18:23

Mi vwo omavwerhovwẹ vwẹ ughwu rẹ oruimwemwu-u eriyin Ọrovwohwo Ọghẹnẹ nọre, ọ dianẹ rọ kurherie nẹ idjerhe rọye rere ọ rhọ?

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Izikiẹl 33:16

A gbe karophihọ umweniwu rọye ọvuọvo ro ru kpahọ-ọ, o ru obo re wan urhi vẹ obo re gbare, kọ ghene rhọ.

Daniẹl 9:9

Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.

Hosia 14:5

Me dia kerẹ irho kẹ Izrẹl; Ọ ghwẹ phihọ kerẹ idodo ọ tan awọ kerẹ afọn,

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Emọs 7:8

Ọrovwohwo na da ta kẹ vwẹ, Emọs, die wọ mrẹre? Me da ta, Ovwavwọn. Etiyin Ọrovwohwo na da ta, Nighere, mi phi ovwavwọn phihọ ohri rẹ ihwo rẹ Izrẹl; Me gbe cha wan oma rayen vrẹ-ẹn,

Emọs 8:2

Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Maika 2:12

Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Maika 5:3

Fiki rẹ ọtiọye na ke siobọ nẹ ayen bẹsiẹ rẹ ọke na vwo te bẹsiẹ rẹ ohwo rọ chuẹ uvwiẹ na vwo vwiẹ nu; Etiyin iniọvo rọye ejobi ki che rhivwi bru ihwo rẹ Izrẹl ra.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Ukeri 23:21

Ọ mrẹ umiovwo ọvuọvo vwẹ oma ri Jekọpu-u; eyẹ ọ mrẹ ukpokpogho ọvuọvo vwẹ Izrẹl na-a Ọrovwohwo rẹ Ọghẹnẹ rayen vẹ ayen herọ, edo rẹ ovie ọvo ọ hẹ uherevie rayen.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Ọbe ri Pọl si rhe Ihwo ri Rom 11:4

Ẹkẹvuọvo kidie Ọghẹnẹ kpahe kẹ? Me je sẹro rẹ ihwo uriori ighwrẹ ri ji shiguẹ kẹ Baal dẹvo-o.

Urhi Rivẹ 33:26

Ọvuọvo rọ họhọ Ọghẹnẹ herọ-ọ, E Jeshurun, ọ rọ djẹ wan odjuvwu rhe re chọ wẹn uko na, ọ vẹ ọrho rọye da wan enu vrẹn.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl