Maika 7:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ ayen ke cha rare ekpẹn kerẹ ọrọdekọ, kerẹ erọvwọ ri kpono vwẹ otọ na; ayen ki yoro nẹ asan ọgangan rayen rhe vẹ oma ẹpharie, ayen ki che rhivwi bru Ọrovwohwo Ọghẹnẹ rayen rhe vẹ udidi, oshọ kọ mu ayen fiki wẹ.

Maika 7:17 ပူးပေါင်းရင်းမြစ်များ

2 Samuẹl 22:46

Oshọ mu erhorha ayen da rhe vẹ ophariẹ nẹ asan odjahọ rayen rhe.

2 Ikun rẹ Ivie 17:10

Oshọ rẹ Ọrovwohwo de rhi mu uvie rẹ otọ na re riariẹ Juda phihọ na, ayen gbe rha vwẹ ofovwi so Jehoshafati-i.

Une rẹ Ejiro 18:45

Orhiọn rẹ erhọrha na da rhan, ayen da yanrhe vẹ opharie nẹ asan rayen de si oma nu rhe

Une rẹ Ejiro 72:11

Jẹn ivie ejobi she teye otọ vwẹ obaro rọye, ẹgborho na ejobi ga!

Une rẹ Ejiro 72:9

E jẹn ivwighrẹ rọye gbe uyovwi kpotọ kẹ rere ivwighrẹ rọye rare ekpẹn na!

Une rẹ Ejiro 9:20

Djẹ oshọ mu ayen, E Ọrovwohwo! Jẹn ẹgborho na riẹn nẹ ohwo ghevweghe ayen ruẹ.

Aizaya 25:3

Vwẹ ọtiọye na egba rẹ ihwo ke vwẹ urinrin kẹ wẹ, irere rẹ ihwo ogbarogba ke djẹ oshọ wẹ.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Aizaya 64:2

kerẹ ọke re de koko erhanre phihọ ehẹbe re erhanre da nẹrhẹ ame họrhọ re ivwighrẹ wẹn vwọ riẹn odẹ wẹn, re ẹgborho na de kpogho vwẹ obaro wẹn!

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Aizaya 7:19

Ayen ejobi ke cha rhe ri wo phihọ ikpotọ chochohri na, ọ vẹ igbogho rẹ eragha na, ọ vẹ aghwa re inwe na, kugbe enu rẹ odi na.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.

Uvwerhe 3:29

Jẹn ọ bọvwọn unu rhu ekpẹn ọke ọvo iphiẹrohọ me rhe dia vwohọ.

Zekaraya 14:5

Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.

Urhi Rivẹ 32:24

Owẹvwẹ hwe ayen kufia, oheri kọ torhẹ ayen hwe kugbe obi ọdjadja; ki mi ji ibiako re eranvwe re djoma bru ayen rhe, vẹ obi re imu ri kpono vwẹ otọ na.

Joshua 9:24

Ayen da kpahe kẹ Joshua, Fikiridie a tarọ kẹ idibo wẹn gbagba nẹ Ọrovwohwo Ọghẹnẹ wẹn ji urhi kẹ Mosis odibo rọye nẹ ọye vwẹ otọ na ejobi kẹ, nẹ ọ rha ghwọrọ ihwo re dia otọ na ejobi no kakare, oshọ rẹ arhọ rẹ avwanre kọye ri mu avwanre, vwọ ru emu nana.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.

1 Samuẹl 14:11

Eriyin ayen ivẹ da vwẹ oma rẹ ayen nẹ unuofovwi rẹ ihwo ri Filistia na; ihwo ri Filistia na da ta, Nighe, ihwo ri Hibru na yoro nẹ evun rẹ unu rẹ ayen de sioma nu cha.