Maika 7:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kẹrẹ ọke rẹ ovwan vwo nẹ otọ rẹ Ijipt rhe na ke Me vwẹ emu rẹ igbunu buebu nẹ ayen.

Maika 7:15 ပူးပေါင်းရင်းမြစ်များ

Une rẹ Ejiro 68:22

Ọrovwohwo na tare, Me sa reyọ ayen rhivwi nẹ Bashan rhe, Me sa reyọ ayen nẹ obọ okokodo rẹ abadi rhe,

Ẹyano 3:20

Ọtiọye ke me riẹn obọ me phia vwo ghwiẹ Ijipt vẹ emu rẹ igbunu ri mi che ruẹ vwọ; Ọyena da wan nu ko jẹ ovwan kpo.

Ẹyano 34:10

Etiyin ọ da ta, Nighe, Me re ọphọ. Vwẹ ẹro rẹ ihwo wẹn ejobi mi che ru igbunu, re ji ru vwẹ akpọ na yerẹ ẹgborho efa dẹvo-o; ihwo ejobi re wa dia ohri rayen na ke cha mrẹ iruo rẹ Ọrovwohwo; kidie emu ro muoshọ mi che nene ovwan ru.

Aizaya 11:16

Idjerhe rode kọ cha wan nẹ Asiria rhe vwọ kẹ umuku rẹ ihwo rọye ri chekọ, kirobo rọ epha kẹ Izrẹl ọke rẹ ayen vwo nẹ otọ rẹ Ijipt cha.

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?