Maika 7:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Maika 7:14 ပူးပေါင်းရင်းမြစ်များ

Une rẹ Ejiro 100:3

Riẹn nẹ Ọrovwohwo ọye Ọghẹnẹ! Ọye re ma avwanre, avwanre erọye; avwanre ihwo rọye, kugbe igegede rẹ egbri rọye.

Une rẹ Ejiro 143:5

Me karohọ ọke rẹ awanre, mi roro iroro re emu ejobi ri wo ruru; mi vwo omavwerhe kpahe obo rẹ obọ wẹn ruru.

Une rẹ Ejiro 28:9

E sivwi ihwo wẹn, re wo bruphihọ kẹ ireuku wẹn, dia osuigegede rayen, re wọ ghwa ayen bẹdẹ.

Une rẹ Ejiro 95:7

kidie ọye Ọghẹnẹ re avwanre, avwanre ke rha ihwo re egbri rọye kugbe igegede re obọ rọye. E manẹ nonẹ na ke nyo urhuru rọye vwonẹ!

Ẹyano 33:16

Kemavo e ru riẹn nẹ Me mrẹ ẹruesiri wẹn, Mẹvwẹ vẹ ihwo wẹn na? Ọ dianẹ enene ri wo nene avwanre ra, rere avwanre vwọ fẹnẹ, Mẹvwẹ vẹ ihwo wẹn, nẹ ihwo ejobi re akpọ na?

Solomon 4:1

Nighe, wo yovwiriọ, ọnse mẹ, Nighe, wọ pha yoyovwi Ẹro wẹn kerẹ ẹro rẹ ilekuku vwẹ obuko rẹ oga wẹn. Ẹton wẹn epha kerẹ ẹton rẹ otu rẹ ẹvwe, re djẹ nene ọghwrọrọ ri Gilead cha.

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 37:24

Vwẹ oma rẹ idibo wẹn wọ wan phọphọ Ọrovwohwo, wọ da tanẹ, Vẹ ekpẹrẹ rẹ ofovwi mẹ buebu na Eye mi vwo yeri kpo enu rẹ igbenu na, re te obo ẹtan ri Lebanọn, Mi de she igẹdu ri me gro vwọ ejobi, omamọ re owangha re herọ, Mi de rhi te obọ shesheri rẹ ugbenu na, asan obiebi hwi vwẹ egho na.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Jerimaya 49:31

Vrẹn, yanran ra vwọ so orere rẹ omafuru na, rọ herọ egbẹrhẹnẹdẹ na, eriyin Ọrovwohwo tare, ro vwo anurhoro-o eyẹ utehru-u na, rẹ ọye ọvo dia kpoghono na.

Uvwerhe 1:7

Jerusalẹm rhe karophihọ ọke rẹ oma ẹlaghọ vẹ oja rọye kugbe erhuvwu ejobi ro vwori nẹ awanre rhe. Vwẹ ọke rẹ ihwo rọye vwo she phihọ abọ rẹ ivwighrẹ na ro gbi vwo ohwo rọ cha uko-o, ivwighrẹ na vwọ ghọghọ vwẹ enu rayen, re a vwọ jehwe vwẹ eshe rọye.

Uvwerhe 5:21

Sẹ avwanre te oma wẹn E Ọrovwohwo, rere avwanre si kẹre owẹ. Ru ẹdẹ rẹ avwanre ọkpokpọ kerẹ ọke rẹ awanre.

Izikiẹl 36:11

Mi che ru ihwo te eranvwe wẹn bun phiyọ, we bu rere ayen bu phiyọ; kẹ ayen bun phiyọ je mọ emamọ; ki mi ru rere ihwo rhoma dia wẹ kerẹ ọke rẹ ẹsosuọ, ki mi ru we yovwi nọ obo ri jovwo. Ko wọ cha riẹn nẹ omẹvwẹ ọyen Ọrovwohwo na.

Livitikọs 27:32

Arhọghọ rẹ eranvwe ke rha ọna, owene ọ dia erhuẹn eyẹ ẹvwe vẹ igodẹ, eranvwe ọvuọvo vwẹ usun rẹ eranvwe ihwe re osuigegede suẹn, kọ dia ọfuanfon kẹ Ọrovwohwo na.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Ọbe rẹ Ọmraro Ọbadaya Obadaya 1:19

Otu rẹ obo Negẹb ki che vwo Ugbenu rẹ Isọ, ihwo rẹ obo uphẹphe na ki vwo otọ ri Filistia; ayen ki che vwo otọ rẹ Ifrem kugbe otọ ri Sameria Benjamin kọ che vwo otọ ri Gilead.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Zẹfanaya 3:13

Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.

Zekaraya 10:10

Mi che si ayen nẹ otọ rẹ Ijipt rhe uwevwi, koko ayen ne Asiria rhe, Me Me vwẹ ayen rhe otọ rẹ Giliad vẹ otọ ri Lebanọn, bẹsiẹ re asan vwo jẹ ayen ẹgba.

Zekaraya 11:7

Ọtiọye Me rhe dia osuigegede rẹ igodẹ re reabe rẹ ughwu na vwọ kẹ otu rẹ chua eki rẹ igodẹ na. Me reyọ ekpọ ivẹ; mi de se ọvo Ẹserọphẹ, ọrivẹ mi de rhe se okugbe. Me da ghẹrẹ igodẹ na.

Malakae 3:4

Kẹsiẹye ẹkpẹvwẹ ri Juda vẹ ọ ri Jerusalẹm ke vwerhe Ọrovwohwo na kirobo rọ dia vwẹ ọke rẹ awanre vẹ ọke rẹ ẹsosuọ.

Ukeri 23:9

Nẹ obenu rẹ ugbenu rhe me da mrẹ, nẹ obenu rẹ igbenu itete rhe mi de no; nighe, ihwo re dia asan obọ rẹ ayen san. Ri kere oma rọye ba ẹghorho ri chekọ-ọ.

Ukeri 32:1

Asakiephana emọ ri Rubẹn kugbe emọ ri Gad de vwo uchuru buebu gbidi; ayen da mrẹ otọ ri Jazer kugbe otọ ri Giliad, nighe, asan na da dia asan rẹ uchuru.

Ukeri 32:4

otọ na rẹ Ọrovwohwo ghwọre vwe obaro rẹ ukoko rẹ Izrẹl na, ọye otọ ro yoma kẹ uchuru rẹ idibo wẹn.

Matiu 2:6

Wẹ Bẹtlẹhẹm, vwẹ otọ ri Juda Ọ dia owẹ re ma hanvwe vwẹ isun ri Juda ejobi; Kidie ohri wẹn osun che nurhe ro che sun ihwo mẹ Izrẹl.

Iyẹnrẹ Esiri ri Jọn 17:16

Ayen dia e rẹ akpọ na-a.

Urhi Rivẹ 33:28

Ọye Izrẹl da dia egherhẹnẹdẹn, ẹtẹrhe ri Jekọp ọvo, vwẹ otọ rẹ eka vẹ wain; uyota obenu rọye na sun ọphogho cha.