Maika 7:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Maika 7:10 ပူးပေါင်းရင်းမြစ်များ

2 Samuẹl 22:43

Mi de hwe ayen vworovworo kerẹ iwurhie rẹ otọ, mi de rhe chiyi ayen muoto kerẹ ibehre rẹ urhuvwu.

Une rẹ Ejiro 109:29

Ja vwẹ ijọghọ evwo rhuo otu re vwẹ ovwẹ guẹdjọ; jẹn a phara ayen vwe omaẹvuọ rayen kerẹ ukpọ!

Une rẹ Ejiro 115:2

Die nẹrhẹ ẹgborho na tanẹ, Tivọ Ọghẹnẹ rayen epha?

Une rẹ Ejiro 18:42

Me guọghọ ayen vworo vworo kerẹ iwurhie vwọ kẹ odju, Me da chuẹ ayen kufia kerẹ ibehre rẹ urhuvwu.

Une rẹ Ejiro 35:26

Jẹn oma vo ayen wo zighi ayen kugbe re ghọghọ vwẹ okpetu mẹ! Jẹn a vwo omaẹvuọ vẹ ophọphọvwe vwo rhuo ayen re kpare oma kpenu vwọ so vwe!

Une rẹ Ejiro 42:10

Kerẹsiẹ re okpora da dia oma mẹ, ukọn mẹ na ke vwẹ ovwẹ jehwẹ, ye ayen ta kẹ vwẹ kọke kọke nẹ Tivọ Ọghẹnẹ wẹn epha?

Une rẹ Ejiro 42:3

Oviẹ mẹ ọye he emuọre mẹ te ason te uvo, ye ihwo ra ta kẹ vwẹ kọke ne, Tivọ Ọghẹnẹ wẹn epha?

Une rẹ Ejiro 58:10

Ọvwata na cha ghọghọ vwẹ ọke rọ da mrẹ ihri ẹriọ; kọ cha hworhẹ awọ rọye vwẹ ọbara rẹ oruimwemwu na

Une rẹ Ejiro 79:10

Die ẹgborho na vwọ tanẹ, Tivọ Ọghẹnẹ rayen epha? Jẹn ihri ẹriọ re ọbara rẹ idibo wẹn ri hwẹ ku otọ a mrẹ vughe vwẹ obaro rẹ ẹgborhọ na!

Une rẹ Ejiro 92:12

Ọvwata ra rhua gbodo gbodo kerẹ oriẹn, ọ rhua kerẹ igedu vwi Lebanọn.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 41:25

Me kpare ophu rẹ ohwo ọvo nẹ obọhwẹrẹ ọnre rhe, Ọ ghine rhe nure, nẹ evacha rẹ ọnre rhe, ko se odẹ mẹ; ko che chiyi isun na muotọ kerẹ odo, kirobo rọ ọmẹma na chiyi ekpẹn.

Jerimaya 49:15

Kidie gbe no, mi che ru we hanvwe vwẹ ohri rẹ ẹgborho na, ra jẹfia vwẹ uherevie rẹ ihwo;

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Jerimaya 51:51

A vwẹ avwanre jehwe, kidie me nyo ehweje, omaẹphọphọ rhurhu avwanre opharo, kidie erhorha rhe evun rẹ asan ọfuanfon rẹ uwevwi rẹ Ọrovwohwo na.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Joẹl 2:17

Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?

Ọbe rẹ Ọmraro Ọbadaya Obadaya 1:10

Fiki rẹ ozighi wo gbe kẹ oniọvo wẹn Jekọp, omaẹvuọ ko rhurhu we opharo, ke che bru we kufia bẹdẹ.

Ọbe rẹ Ọmraro Ọbadaya Obadaya 1:12

Ẹkẹvuọvo wo gbi rhe mudia vwẹ abọ gbanoma-a vwẹ ẹdẹ rẹ okpetu rẹ oniọvo wẹ-ẹn vwẹ ẹdẹ rẹ uyovwi emiovwo rọye-e, wa rha ghọghọ ihwo ri Juda vwẹ ẹdẹ ra vwọ guọghọ ayen na-a.

Maika 4:11

Asakiephana ẹgborho buebu rhe ghwẹ koko vwọ so owẹ, tanẹ, E je gbe ẹgua, rere avwanre tọn ẹro vi Zayọn.

Maika 7:8

Wọ ghọghọ ovwẹ-ẹ, E ọvweghrẹ mẹ. mi de she, mi ji che vrẹn; ọke mi de tidia vwẹ evun rẹ ebri, Ọrovwohwo cha dia urhukpẹ kẹ vwẹ

Zẹfanaya 3:15

Ọrovwohwo si orhiẹ rẹ obruhwe we nẹ uwe oma, ọ djẹ ivwighrẹ wẹn nẹ uwe oma Ovie rẹ Izrẹl na, Ọrovwohwo na, ọ hẹ uherevie wẹn, wọ gbe djẹ oshọ rẹ umiovwo ọfa-a.

Zekaraya 10:5

Ayen che kuomagbe dia kerẹ egba vwẹ ofovwi, de chihi ivwighrẹ na phihọ ibehre rẹ irhuvwu na ayen cha họnre fikiridie Ọrovwohwo vẹ ayen herọ, kẹ ayen che kpogho otu re djẹ iyesi na.

Malakae 1:5

Ẹro wẹn cha mrẹ ọnana, wọ me rhe ta nẹ, Ọrovwohwo na ghine rhọ vrẹ ughwru rẹ Izrẹl.

Malakae 4:3

Ku wo che chiyi iruimwemwu na muotọ, kẹ ayen cha dia kerẹ iwurhie vwẹ obotọ rẹ ẹhẹrhowọ wẹn, vwẹ ẹdẹ ri mi che vwo ru ọnana, ọtiọye Ọrovwohwo rẹ otuofovwi na tare.

Matiu 27:43

Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ.

Joshua 7:9

Ihwo ri Kenan vẹ ihwo re dia otọ na ejobi ki che nyo, ke cha gba riariẹ avwanre, ki che phoro odẹ rẹ avwanre nẹ akpọ na; kidie wo ru fiki rẹ odẹ wẹn rode na?

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!