Maika 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ekan kẹ vwẹ! Kidie me rhe họhọ ọke ra da kọrọ emamọ rẹ ọkeuvo nu, kerẹ ọke ra da kọrọ ibi ri vain ejobi nu: rẹ erheghe ọvuọvo gbe herọ ra ria-a, o gbi vwo ubi ri fig rẹ ẹsosuọ rọ vware rẹ erhi mẹ guọnọre-e

Maika 7:1 ပူးပေါင်းရင်းမြစ်များ

Une rẹ Ejiro 120:5

Ekan kẹ vwẹ, mi vwo beghe vwi Mẹshẹk, re me vwọ dia ohri rẹ itughẹ ri Kedar!

Isẹ 20:6

Ihwo buebu vwẹ unu ghwoghwo ọghọ emuo rayen, ẹkẹvuọvo ohwo ro vwo omamọ rẹ esegbuyota kono sa mrẹ?

Aizaya 17:6

Ka kọrọ ẹvo chekọ vwọ, kere ẹsiẹn ra da gbẹrhiẹn urhe rẹ oliv eduru ivẹ eyẹ erha mi rhi chekọ vwẹ obi Irharheghe, ẹne eyẹ iyori vwẹ eghọn rẹ urhe rọ mọ na, eriyin Ọrovwohwo Ọghẹnẹ rẹ Izrẹl tare.

Aizaya 24:13

Enẹ ọ cha dia vwẹ uherevie rẹ akpọ na kugbe uherevie rẹ ẹgborho na, kerẹ ẹsiẹ rẹ urhe rẹ ọliv e de vwirhi, vwẹ ọke ra da kọrọ otiẹ nu.

Aizaya 24:16

Me nyo une rẹ ejiro nẹ oba rẹ akpọ na rhe, rọ vwe urinrin kẹ Ọvwata na Ẹkẹvuọvo me da ta, Mi vwiorore, Mi vwioro kufia Ekan kẹ vwe! Kidie ohwo ogbarogba na ji ruẹ emu ogbarogba, ohwo ogbarogba na ji ruẹ emu ogbarogba gangan

Aizaya 28:4

kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi, kọ họhọ fig rọ ka vware rẹ uvo ki te, rẹ ohwo da mrẹ, ọ me ghwa riọ re siẹ obọ rọye de te.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Jerimaya 15:10

Ekan kẹ vwẹ, oni mẹ, ru wo vwo vwiẹ vwẹ, ohwo re ẹghwọ vẹ ohọnre vwọ kẹ otọ na ejobi! Mi momo kẹ ohwo-o, mi ji momo mie ohwo-o, dede na yẹ ayen ejobi harha ovwẹ.

Jerimaya 24:2

Obere ọvo vwo omamọ ri fig, e re họhọ fig ri ke vwie, ẹkẹvuọvo obere rivẹ de vwo fig imiomiovwi gangan, imiovwi nọ i gbi ja re-e.

Jerimaya 4:31

Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 45:3

Wọ tare, Iyori kẹ vwẹ! kidie Ọrovwohwo phi uvweri ba emiavwe mẹ; ẹgua mẹ ghwọrọ ovwẹ oma, me rha mrẹ omaerovwo-o.

Jerimaya 5:1

Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Hosia 9:10

Kerẹ otiẹ vwẹ evun rẹ aghwa, ọtiọye me mrẹ Izrẹl. Kerẹ otumọ rẹ emamọ rẹ owe, re mọre vwẹ ọke ororo rọye, ọtiọye me mrẹ esẹ wẹn. Ẹkẹvuọvo ayen de bru Baal-peor rhe, ayen de rhi phorho oma ki Baal, Obo rẹ ayen guọnọre na de phi ayen phihọ ekuakua rẹ omaetuo.

Ukeri 18:13

Emamọ rẹ ẹsosuọ re ka vware vwẹ otọ rayen, rẹ ayen vwọ rhe Ọrovwohwo na, kọ dia ọwẹn, kohwo kohwo rọ fọnro vwẹ evun rẹ uwevwi wẹn kọ sa rio.