Maika 6:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Urhuru rẹ Ọrovwohwo re kpere kẹ orere na ọye omamọ rẹ aghwanre ra vwọ djẹ oshọ kẹ odẹ rọye: Nyo, E uvwiẹ na kugbe ọghwẹgbe rẹ orere na!

Maika 6:9 ပူးပေါင်းရင်းမြစ်များ

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

ỌBE RẸ JOB 10:2

Me ta kẹ Ọghẹnẹ nẹ wo brẹhwe vwe-e; ju vwe riẹn obo re sorọ wọ vwọ họnra ovwẹ.

ỌBE RẸ JOB 23:14

Obo rọ ta phihọ otọ kẹ vwẹ na o che ruo gba; oghẹre rẹ imu etieye na hẹ evun rẹ udu rọye.

ỌBE RẸ JOB 5:17

Nighe, aghọghọ kẹ ohwo rẹ Ọghẹnẹ ghwọku; fiki rẹ ọtiọye na wọ sian efafa re Ọrovwoẹgba na-a.

Une rẹ Ejiro 107:43

Onọ re ghwanre jọ kerhọn re imu nana, jẹn ihwo roro ẹguọnọ re Ọrovwohwo ro je rhẹriẹ na.

Une rẹ Ejiro 48:10

Kirobo re odẹ wẹn epha, E Ọghẹnẹ, ọtiọye ejiro wẹn ji tẹ oba rẹ akpọ na. Obọrhẹ wẹn ọ vọnre vẹ obọẹkparọ;

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Isẹ 22:3

Ọvwiroro da mrẹ ukpokpogho rọ cha kọ sioma rọye reyọ; ẹkẹvuọvo ẹkpa da họrhọ ruọ, kọ re oja.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 30:27

Nighe, odẹ rẹ Ọrovwohwo che ne ogboko rhe, ọtorhẹ vẹ ophu rọye, vwe evun rẹ ọkpan rẹ ivwirhi, ẹbẹrunu rọye vọnre vẹ ophu, ẹrenvwe kerẹ ẹkuerhanre rọ torhẹ;

Aizaya 66:6

Kerhọn, unuebo nẹ obo orere na cha! Urhuru nẹ uwevwi rẹ ẹga na cha! Urhuru rẹ Ọrovwohwo, rọ hwa osa kẹ ivwighrẹ rọye!

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 47:7

Mavọ o ru fọ gbiei, vwẹ ọke rẹ Ọrovwohwo jiji kẹ! Kpahe Ashkẹlọn kugbe erhuru rẹ abadi na o bru ẹdẹ na nure.

Izikiẹl 7:9

Ẹro mẹ se ju we vwọ-ọ, eyẹ me re ehrọre wẹ-ẹ, ki mi gbe oja kẹ wẹ re kirobo rẹ idjerhe wẹn epha, yẹ ẹgua wẹn ji hẹ uherevie wẹn. Etiyin ku wọ riẹn nẹ mẹvwẹ Ọrovwohwo na, re ghwiẹ wẹ.

Hosia 13:16

Sameria kọ ghwa abe rọye, kidie o mu kpahe Ọghẹnẹ rọye, a cha vwẹ ọlọkọ hwe ayen, a cha vwẹ emọ rayen fa otọ hwe, ka cha bẹrẹ evun rẹ eya vẹ evun rhie phihọ.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Emọs 6:1

Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe!

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Maika 6:10

Kẹ uvumwemwu rọ he evun rẹ uwevwi rọye sa chọrọ ovwẹ ẹro kugbe ovwanvwọn rẹ umwemwu ra harhere na?

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.