Maika 6:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ki didi emu me ghwa bru Ọrovwohwo rhe, re mi rhi diguẹ vwẹ obaro rẹ Ọghẹnẹ rọ he obenu? Ke izobo rẹ ẹtorhẹ me ghwa bro rhe, vẹ upene rẹ erhuẹn rẹ ẹgbukpe?

Maika 6:6 ပူးပေါင်းရင်းမြစ်များ

2 Samuẹl 21:3

Devid da ta kẹ ihwo ri Gibiọn, Die mi kẹ ovwan? Mavọ mi ru re ohọre vwo she ovwan re wa nẹ ẹrhovwo kẹ ireuku rẹ Ọrovwohwo?

Une rẹ Ejiro 116:12

Kidie me kẹ Ọrovwohwo na fiki rẹ ẹse buebu ro kẹ vwẹ?

Une rẹ Ejiro 22:29

E wẹ ọye otu ri herẹ vwẹ akpọ na ejobi che shiguẹ kẹ otu ri kpo obo ekpẹn vwẹ akpọ na ejobi cha vwẹ uyovwi te otọ kẹ, ohwo se sivwi omaobọ rọye rhọ-ọ.

Une rẹ Ejiro 95:2

Jẹn avwanre rhe obaro rọye vẹ ẹkpẹvwẹ; jẹn avwanre do edo re aghọghọ kẹ vẹ ine rẹ ejiro!

Une rẹ Ejiro 95:6

E yanrhe, e jẹn avwanre ga re e shiguẹ ke, jẹn avwanre shiguẹ vwe obaro re Ọrovwohwo, O rọ ma avwanre!

Ẹyano 12:5

Ogodẹ wẹn na che vwo oka-a, ọrọ ọshare ẹgbukpe ọvo ọ ghwo te; wọ me reyọ nẹ ohri rẹ igodẹ na yerẹ ẹvwe na;

Ẹyano 23:15

Wa re orẹ rẹ ikara ro jephuo; kirobo ri mi ji urhi kẹ wẹ na, wọ re ikara ro jephuo ẹdẹ ighwrẹn vwẹ ọke re bru phihọ na vwẹ emeranvwe rẹ Abib, kidie vwẹ evun rọye wo vwo nẹ Ijipt rhe. Ohwo ọvuọvo cha vwẹ oma phia kẹ vwẹ ababọ-ọ.

Isẹ 15:8

Izobo rẹ ohwo umwemwu na ẹgua kẹ Ọrovwohwo, ẹkẹvuọvo oma rẹ ẹrhovwo ẹnẹ rẹ ohwo esiri na vwerhọ.

Isẹ 21:3

Re vwo ru emuesiri vẹ ọsoso o je Ọrovwohwo nọ izobo re zeri.

Aizaya 40:16

Irhe ri Lẹbanọn gbi te vwo mu erhanre-e, eyẹ eranvwe rọye che te vwo ze izobo-o.

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Izikiẹl 46:9

Ọke re ihwo rẹ otọ na da rhe obaro rẹ Ọrovwohwo vwẹ ẹdorẹ re bruru na, ohwo rọ wan anurhoro rẹ obọhwẹre ọnre ruọ ra ga ẹga kọ wan anurhoro rẹ obuko ọnre ro otafe; ohwo rọ wan anurhoro rẹ obuko ọnre ruọ kọ wan anurhoro rẹ obọhwẹre ọnre no. O vwo ohwo ọvuọvo rọ cha wan anurhoro rọ wan ruọ jovwo no-o, ẹkẹvuọvo ohwo ọvuọvo kọ yan phiọnphiọn vrẹn.

Daniẹl 3:26

Etiyin Nebukadreza de bi kẹrẹ anurhoro rẹ ogidi erhanre na epha ọ da ta, Shadrak, Meshak, vẹ Abẹdnigo , idibo rẹ Ọghẹnẹ ro me kpenu ejobi, wa yan phia, re wa yanrhe etinẹ. Etiyin Shadrak, Meshak vẹ Abẹdnigo da yan nẹ evun rẹ erhanre na rhe.

Daniẹl 4:9

E Belteshaza onotu rẹ evwaghwanre na, fikiridie me riẹnre nẹ erhi rẹ eghẹnẹ efuanfon hẹ evun wẹn o rhe vwo emuigbunu ọvo rọ sa bẹn kẹ wẹ-ẹ, ọna evwerhẹ re me vwerhẹre na; fan otọ rọye kẹ vwẹ.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Daniẹl 5:21

a da djẹ nẹ ohri rẹ ihwo, e de rhe hirhe iroro rọye phihọ ọ rẹ eranvwe, ọ vẹ ekẹtekẹtẹ rẹ aghwa kọye gba dia; kọ ria odi kerẹ erhuẹn, oma rọye da rha kpọrhọ vẹ irho ro nẹ obo odjuvwu cha, bẹsiẹ rọ vwọ riẹn nẹ Ọghẹnẹ ro Me Kpenu ejobi ọye ri suẹn uvie rẹ ihwo. Ọ ro were ọye ọ vwọ ka enu.

Hosia 5:6

Ayen vẹ igodẹ kugbe irhuẹ rayen gba yanran ra guọnọ Ọrovwohwo, ẹkẹvuọvo ayen cha mrẹ-ẹ. O sioma nu kẹ ayen.

Emọs 5:22

Owenẹ wo ze izobo re ẹtorhẹ kẹ vwẹ vẹ izobo rẹ ọka, Me cha reyọ aye-en, izobo rẹ ufuoma ru wọ vwẹ eranvwe vẹ ivwri ze mi che fovwe ẹro no-o

Ukeri 7:51

upene rẹ erhuẹn ọshare ọvo, egbo ọvo, omogodẹ ọvo upene rẹ ẹgbukpe ọvo, re vwo ze izobo rẹ ẹtorhẹ;

Matiu 19:16

Nighe, ohwo ọvo da rhe o da ta nẹ, Oyono didi emu esiri mi se ru, mi vwo vwo arhọ ri bẹdẹ na?

Iyẹnrẹ Esiri ri Mak 12:33

nẹ wọ me vwẹ udu wẹn ejobi, kugbe ẹruọ wẹn ejobi, kugbe ogangan wẹn ejobi, wọ je guọnọ ọrivẹ wẹn kerẹ omaobọ wẹn, ọyena wan izobo ra torhẹre kugbe i re Zeri.

Iyẹnrẹ Esiri ri Mak 5:7

ro vwo kperi urhuru gangan, ọ da ta, Die wọ vwẹ ovwẹ ru Jesu, Ọmọ rẹ Ọghẹnẹ ro me Kpenu? Me vwẹ Ọghẹnẹ rẹ wẹ, wọ lagha ovwẹ-ẹ.

Iyẹnrẹ Esiri ri Luk 10:25

Nighe, ọ riẹn urhi ọvo de mudia ọ da davwọ ni, tanẹ, Oyono, die mi ru me vwọ reuku rẹ arhọ ri bẹdẹ na?

Iyẹnrẹ Esiri ri Jọn 6:26

Jesu da kpahe kẹ ayen, Uyota, uyota, me ta kẹ ovwan, wa guọnọ ovwẹ, ọ dia fiki rẹ eka rẹ ovwan mrẹre-e, ẹkẹvuọvo fiki rẹ ikara rẹ ovwan rere rẹ evun da vọn ovwan na.

Iruo rẹ Iyinkọn na 16:17

Ọ da vwọ kpahe Pọl kugbe avwanre, ko kperẹ nẹ, Eshare nana hẹ idibo rẹ Ọghẹnẹ ro Me kpenu na, ri ghwoghwo idjerhe rẹ arhọ na kẹ ovwan.

Iruo rẹ Iyinkọn na 16:30

Ọ da reyọ ayen rhe uphẹphẹ ọ da ta, Ẹshare, kidie mi ru me vwọ rhọ?

Iruo rẹ Iyinkọn na 2:37

Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru?

Ẹfesọs 3:14

Fiki rẹ ọnana mi vwo diguẹ kẹ Ọsẹ na,

Hibru 10:11

Orherẹn korherẹn muẹdia kọke kọke vwẹ enu rẹ ẹga rọye, rọ vwariẹ iye ọvuọvo na gọ, yọ sa ghwẹ imwemwu nẹ-ẹ.

1 Samuẹl 15:22

Samuẹl da ta, Wo rori nẹ Ọrovwohwo vwo omavwerhe vwẹ izobo rẹ ẹtorhẹ kugbe izobo re zeri, kirobo rẹ oma vwerhe Ọrovwohwo siẹ re de mu ọghọ kẹ urhuru rọye– Nighe, Ọghọ emuo o yovwi nọ izobo, ra vwọ kerhọ nọ lvwri rẹ egbo.