Maika 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

Maika 6:5 ပူးပေါင်းရင်းမြစ်များ

Une rẹ Ejiro 111:4

O da nẹrhẹ a karohọ iruo rẹ igbunu rọye; Ọrovwohwo ọ vọnre vẹ ehrọre vẹ arodọvwẹ.

Une rẹ Ejiro 143:11

Fiki re odẹ wẹn, E Ọrovwohwo, sẹro rẹ arhọ mẹ! Vwe evun re ọvwata wẹn reyọ nẹ evun rẹ ukpokpogho!

Une rẹ Ejiro 36:10

E phi obọ phihọ ẹguọnọ wẹn rọ rhẹriẹ-ẹ na kẹ otu re riẹn wẹn, esivwo wẹn kẹ ohwo rẹ udu rọye dia ọsoso!

Une rẹ Ejiro 71:19

Ogangan wẹn kugbe ọvwata wẹn, E Ọghẹnẹ, o te obo irharheghe rẹ odjuvwu. Wọwẹ ro ruẹ imu ride na, E Ọghẹnẹ, kono re họhọ owẹ?

Aizaya 1:27

Uyota kọye a vwọ tan Zayọn hirhe, ihwo re herọ ri kurhertiẹ, Ọvwata kọye avwọ ta ayen.

Ukeri 22:41

Ẹdẹ rẹ ivẹ Balak da reyọ Balaam vwo kpo Bamotbaal, etiyin ọ da mrẹ ihwo na re ma kẹrẹ obọ.

Ukeri 23:27

Balak da ta kẹ Balaam, Yanrhe asakiephana, re me reyọ owẹ vwo kpo asan ọfa; ọke ọvo o che jẹ Ọghẹnẹ wo de duvwu ayen iyori kẹ vwẹ vwẹ etiyin.

Ukeri 25:1

Ọke rẹ Izrẹl vwọ dia Shitim ihwo na vẹ emetẹ ri Moab ki koko gbe ọfanrhiẹn.

Ukeri 25:2

Enana ki si ihwo na kpo izobo rẹ edjọ rayen, ihwo na ke ria, ayen ke vwẹ uyovwi kpotọ kẹ edjọ rayen.

Ukeri 31:16

Nighere, enana re sorọ re ihwo rẹ Izrẹl, vwẹ oma rẹ iroro ri Balaam jẹrẹ, vwo ru emu ogbarogba kpahe Ọrovwohwo vwẹ oma rẹ ota ri Peor, kọye ọtiekọ vwọ rhe ukoko rẹ ihwo rẹ Ọrovwohwo na.

Ukeri 31:8

Ayen de hwe ivie ri Midian kugbe ihwo ri chekọ rẹ ayen hweri, Ẹvi, Rekem, Yur, Hur, kugbe Reba, ivie iyori ri Midian na; ayen da je vwẹ ọlọkọ hwe Balaam rhe rẹ ọmọ ri Beor.

Ukeri 33:49

ayen de mu erhọn vwẹ oma ri Jọdan nẹ Bẹtjẹshmi-mọt rhiri re te Abel-shitim vwẹ uphephẹ ri Moab.

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Urhi Rivẹ 16:3

Wọ vwẹ ikara ro phuẹ riọ-ọ; ẹdẹ ighwrẹ wọ vwọ vwẹ ikara ro je phuo vwọ riọ ikara rẹ oja na–kidie onẹ rẹ okpakpa wọ vwọ nẹ otọ rẹ Ijipt rhe–rere wọ vwọ karohọ ẹdẹ wo nẹ otọ rẹ Ijipt rhe vwẹ ọke re wọ dia akpọ na krite.

Urhi Rivẹ 23:6

Wọ guọnọ ufuoma eyẹ oyovwe rayen bẹdẹ wo vwo ghwu-u.

Urhi Rivẹ 8:18

wọ Me karohọ Ọrovwohwo Ọghẹnẹ wẹn na, kidie ọye vwẹ ogangan kẹ wẹ wo vwo fe na; rere ọ vwọ yọnrọn ọphọ rọye ro nene esẹ wẹn re, kirobo rọ epha nonẹ na.

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Urhi Rivẹ 9:7

Karohọ, wo jo chọrọ owẹ ẹro-o, obo wọ nẹrhẹ Ọrovwohwo wẹn mu ophu vwẹ evun rẹ aghwa na, nẹ ẹdẹ ru wo vwo vrẹn nẹ otọ rẹ Ijipt rhe, rhi te etinẹ na, ọye wo vwo mu kpahe Ọrovwohwo na.

Joshua 2:1

Etiyin Joshua rẹ ọmọ ri Nọn da bẹbẹ ji ihwo nẹ otọ ri Shitim nẹ i re dọrhẹ, tanẹ, Yanran, re ni otọ na, marho ki Jeriko. Ayen da yanran, ayen de rhi te uwevwi rẹ igberadja ọvo re se odẹ rọye Rehab, ayen de won phihọ etiyin

Joshua 3:1

Vwẹ irhiọke ride Joshua de vrẹn o de mu oyan nẹ Shitim, ọ ve ihwo rẹ Izrẹl ejobi; ayen de rhi te Jọdan, ayen won phihọ etiyin tavwe re ayen ke wanvrẹn.

Joshua 4:19

Ihwo na de wotọ nẹ Jọdan rhe vwẹ ẹdẹ rihwe rẹ emeranvwe rẹ ẹsosuọ, ayen de mu erhọn vwi Gilgal vwẹ obaro ọnre vwẹ ughwru ri Jeriko.

2 Pita 2:15

Ihwo re siẹn omamọ rẹ idjerhe re da yan ghwru; ayen nene idjerhe ri Balaam, ọmọ ri Biọ, rọ guọnọ erere nẹ evun rẹ umwemwu rhe,

1 Jọn 1:9

Ẹkẹvuọvo avwanre da fan imwemwu rẹ avwanre, ọye hẹ ohwo rẹ uyota vẹ ọsoso, rọ sa vwẹ umwemwu ghovwo ohwo ọ Me rha hworhẹ avwanre nẹ orukuruku rẹ avwanre ejobi.

Ọbe ri Jud 1:11

Ekan kẹ ayen! Kidie idjerhe ri Ken ayen nene na, ubiupho rẹ erere re nẹrhẹ ayen nene oruchọ ri Bẹlam, ọ da nẹrhẹ ayen ghwu phihọ omẹriọ ri Kora.

Ẹvwọphia 2:14

Ẹkẹvuọvo mi ji vwo omota me ta kpahe owẹ; kidie wo vwo ihwo ẹvo vwẹ etiyin re yọnre uyono ri Belam, ro yono Balak nọ dia uchukurhe umwemwu kẹ emọ rẹ Izrẹl, nẹ ayen re emu ra vwọ gọ ema rere ayen rhe gbe ọfanrhiẹ.

Iguẹdjọ 11:25

Asakiephana wo yovwi nọ Balak ọmọ rẹ Zippọ ovie ri Moab? O nene Izrẹl sivwi oma, gbenẹ ọ họnre ayen?

Iguẹdjọ 5:11

Edo re eha ọ vwevwerhe vwẹ asan rẹ ame epha, Etiyin ayen da vwanriẹn ikun rẹ ephiokparobọ rẹ Ọrovwohwo na, ephiokparobọ rẹ eghwẹrẹ rẹ Izrẹl. Etiyin ihwo rẹ Ọrovwohwo na de ne udje kpo ughere na.

1 Samuẹl 12:7

Asakiephana we gbe mudia fọ gbiẹi, rere me vẹ ovwan roro ota na vwẹ obaro rẹ Ọrovwohwo kpahe emu esiri ejobi rẹ Ọrovwohwo ru kẹ ovwan vẹ esẹ rẹ ovwan.