Maika 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie Me reyọ ovwan nẹ otọ rẹ Ijipt rhe, Me da tan ovwan nẹ uwevwi rẹ eviẹn rhe; Me da vwẹ ovwan kẹ Mosis, Erọn, kugbe Miriam.

Maika 6:4 ပူးပေါင်းရင်းမြစ်များ

2 Samuẹl 7:23

Didi orua ọvo vwẹ akpọ na họhọ ihwo wẹn Izrẹl, rẹ Ọghẹnẹ yanran ra tan hirhe phihọ ihwo rọye, re o vwo re odẹ kẹ oma rọye, ro ru emu rọ rhoro, ro muoshọ, rọ vwọ djẹ ihwo vẹ edjọ rayen nẹ obaro rẹ ihwo rọye?

Une rẹ Ejiro 77:20

Wọwẹ ri sun ihwo wẹn kerẹ igegede vwẹ obọ ri Mosis kugbe Erọn.

Ẹyano 12:51

Vwẹ ẹdẹ yena kpekpekpe na Ọrovwohwo da reyọ ihwo rẹ Izrẹl ejobi nẹ otọ rẹ Ijipt.

Ẹyano 20:2

Mẹvwẹ Ọrovwohwo Ọghẹnẹ wẹn, rọ rọye owẹ nẹ otọ rẹ Ijipt rhe, nẹ uwevwi rẹ ọviẹn rhe.

Ẹyano 3:10

Yanrhe, mi ji we bru Fẹro rere wọ rọye ihwo mẹ, emọ rẹ Izrẹl, nẹ otọ rẹ Ijipt rhe.

Ẹyano 4:10

Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree.

Ẹyano 4:16

Kọ dia ọtota wẹn vwọ kẹ ihwo na; ku wọ dia kerẹ Ọghẹnẹ vwọ kẹ rọ vuẹ obo rẹ cha ọta.

Ẹyano 6:27

Mosis vẹ Erọn, eyẹn ihwo re ta ota kẹ Fẹro ovie rẹ Ijipiti vwọ kpahe ẹreyọ rẹ ihwo rẹ Izrẹl vwo nẹ Ijipiti.

Jerimaya 32:21

Eka vẹ imu rẹ igbunu wọ vwọ reyọ ihwo wẹn Izrẹl nẹ otọ rẹ Ijipt rhe, kugbe obọ rẹ ọdo wẹn vẹ oshọ rode;

Emọs 2:10

Mi ji si ovwan nẹ otọ rẹ Ijipt rhe, mi de sun ovwan ikpe ujuvẹ vwẹ evun rẹ aghwa rere wa vwọ reyọ otọ rẹ Amọr.

Ukeri 12:1

Miriam vẹ Erọn de gu Mosis vwẹ obuko, fiki rẹ aye ri Kushi rọ reyọ vwọ rọvwọ.

Ukeri 33:1

Enana edjedje rẹ ihwo rẹ Izrẹl na, vwẹ ọke rẹ ayen vwo nẹ otọ rẹ Ijipt rhe vwẹ otuotu rayen vwẹ otọ rẹ isuesun ri Mosis kugbe Erọn.

Iruo rẹ Iyinkọn na 7:36

O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso.

Urhi Rivẹ 15:15

Wọ Me karohọ nẹ wọ je dia ọviẹn vwẹ otọ rẹ Ijipt jovwo, Ọrovwohwo Ọghẹnẹ wẹn ke tan wẹ; kẹ eriyin mi vwo ji iji kẹ wẹ nonẹ na.

Urhi Rivẹ 24:18

ẹkẹvuọvo wọ Me karohọ nẹ wọ je dia ọviẹn vwẹ Ijipt jovwo tavwe re Ọrovwohwo rẹ Ọghẹnẹ wẹn kẹ tan wẹ nẹ Etiyin rhe fiki rẹ ọtiọye na mi vwo ji urhi kẹ wẹ nẹ wo ru Ọnana.

Urhi Rivẹ 4:20

Ẹkẹvuọvo Ọrovwohwo reyọ ovwan, o de si ovwan nẹ erhanre rẹ utehru rhe, nẹ Ijipt rhe, rere wa dia ihwo rẹ obọ rọye, kirobo rọ epha nonẹ na.

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Urhi Rivẹ 5:6

Mẹvwẹ Ọrovwohwo Ọghẹnẹ wẹn, rọ reyọ owẹ nẹ otọ rẹ Ijipt rhe, nẹ uwevwi rẹ ọviẹn rhe.

Urhi Rivẹ 7:8

ẹkẹvuọvo fiki rẹ obo rẹ Ọrovwohwo vwọ guọnọ ovwan, gbe fiki rẹ obo rọ vwọ yọnrọn ive ro veri kẹ esẹ rẹ ovwan gbagba, ọ vwọ vwẹ obọgangan reyọ ovwan phia ọ ke je tan ovwan nẹ uwevwi rẹ ọviẹn nẹ obọ ri Fero ovie rẹ Ijipt.

Urhi Rivẹ 9:26

Me nẹ ẹrhovwo kẹ Ọrovwohwo, nẹ, E Ọrovwohwo Ọghẹnẹ, wọ ghwọrọ ihwo wẹn vẹ ukuẹriọ wẹ-ẹn, e rẹ wọ vwẹ ọrho wẹn tan hirhe na, e re wọ vwẹ obọ gangan si nẹ Ijipt rhe na.

1 Samuẹl 12:6

Samuẹl da ta kẹ ihwo na, Ọrovwohwo ọye oseri ohwo rọ vwi Mosis vẹ Erọn vwo mu nẹ reyọ esẹ rẹ ovwan nẹ otọ rẹ Ijipt rhe.