Maika 6:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nyo obo rẹ Ọrovwohwo tare: Vrẹn, re gu ẹkẹn unu wẹn kẹ igbenu na, re igbenu rẹ itete na nyo urhuru wẹn.

Maika 6:1 ပူးပေါင်းရင်းမြစ်များ

Une rẹ Ejiro 50:1

Ọgba ọvuọvo na, Ọghẹnẹ Ọrovwohwo na, o tare o de se akpọ na koko ne ẹvacha rẹ ọnre re te eshe kpotọ rọye.

Une rẹ Ejiro 50:4

O che se odjuvwu nẹ obenu rhe kugbe akpọ na, rere ọ vwo mrasan brorhiẹ rẹ ihwo rọye;

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 3:13

Ọrovwohwo mudia ẹdia rọye ro che vwo nene ayen ghwọre, o mudia ro che vwo brorhiẹ rẹ ihwo rọye re.

Jerimaya 13:15

Nyo wọ kerhọn, wo herẹ-ẹ, Kidie Ọrovwohwo ta nure.

Jerimaya 22:29

E otọ, otọ, otọ nyo ota rẹ Ọrovwohwo!

Izikiẹl 36:1

Wẹ, ọmọ rẹ ohwo, mraro kẹ igbenu rẹ Izrẹl re wọ ta, E igbenu rẹ Izrẹl, nyo ota rẹ Ọrovwohwo na.

Izikiẹl 36:8

Ẹkẹvuọvo wẹ. E igbenu rẹ Izrẹl, eghọn wẹn che yoro rhe, re da rhe mọ emamọ wẹn kẹ ihwo mẹ Izrẹl, kidie ayen cha rhe uwevwi nanana.

Izikiẹl 37:4

Ọ ke rhoma ta kẹ vwẹ, Mraro kpahe ibeku nana, re wọ ta kẹ ayen, E ibeku eyaya, nyo ota rẹ Ọrovwohwo

Izikiẹl 6:3

re wọ ta, Wẹ igbenu rẹ Izrẹl, nyo ota rẹ Ọrovwohwo Ọghẹnẹ! Enẹ Ọrovwohwo Ọghẹnẹ ta kẹ igbenu ride vẹ itete na, kẹ eghwrọrọ vẹ iyara: Nighe, ekpuyovwi mẹ, cha reyọ ọlọkọ vwọ so wẹ, ke me cha guọghọ asan ri kpenu wẹn ejobi.

Emọs 3:1

Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na;

Maika 1:2

Nyo, ihwo na, ovwan ejobi; kerhọn E otọ na, vẹ obo re herọ ejobi; gbe jẹn Ọrovwohwo Ọghẹnẹ na se iseri hwe we, Ọrovwohwo rọ dia uwevwi ọfuanfọn rọye na

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Maika 5:15

Vwẹ ivuemiovwo vẹ ophu mẹ ke Me reihri vwẹ obọ rẹ ẹgborho ri jẹ ọghọ emuo.

Maika 6:2

Nyo, ovwan igbenu na, ẹghwọ rẹ Ọrovwohwo na, kugbe ovwan ichivwo ri bẹdẹ rẹ otọ na; kidie Ọrovwohwo vẹ ihwo rọye vwo ẹghwọ, ọ vẹ Izrẹl ke cha phro aphro.

Iyẹnrẹ Esiri ri Luk 19:40

Ọ da kpahe, Me ta kẹ wẹ, enana de rhurhu unu, ibiekpẹn na dẹn che jiri uvwe.

Urhi Rivẹ 32:1

Wa kerhọ, E idjuvwu, re Me ta; jẹn akpọ na nyo eta rẹ ugbunu mẹ.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.

1 Samuẹl 12:7

Asakiephana we gbe mudia fọ gbiẹi, rere me vẹ ovwan roro ota na vwẹ obaro rẹ Ọrovwohwo kpahe emu esiri ejobi rẹ Ọrovwohwo ru kẹ ovwan vẹ esẹ rẹ ovwan.

1 Samuẹl 15:16

Etiyin Samuẹl da ta kẹ Sọl, Mudia! Me vuẹ wẹ obo rẹ Ọrovwohwo ta kẹ vwẹ vwẹ ason nana. ọ da ta kẹ, Gba ta.