Maika 5:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Maika 5:8 ပူးပေါင်းရင်းမြစ်များ

Jẹnẹsis 49:9

Juda ọmọ rẹ okpohrokpo; vwẹ eranvwe emuo, ọmọ mẹ, wo de vrẹn kpenu. Orhuẹri, o fiọnko kiri okpohrokpo, kiri okpohrokpo rẹ aye, kono ri se guegue?

Une rẹ Ejiro 104:20

Wọwẹ ri ru ebri, ọ me dia ason, ọke rẹ eranvwe rẹ egbo na da rara phia

Une rẹ Ejiro 44:5

Vwẹ ogangan wẹn me vwo gere ivwighrẹ she; vwẹ odẹ wẹn me vwo chiyi ihwo ri hwe avwanre muotọ.

Une rẹ Ejiro 50:22

Gba ka oka phihọ ọna, ovwan otu rẹ Ọghẹnẹ chọẹro Me da rhe bẹre ovwan, a cha mrẹ ohwo ọvuọvo rọ chọ ochọ re ovwa-an

Isẹ 30:30

Okpohrokpo na, rọ ma gan vwẹ ohri rẹ eranvwe ejobi rọ djẹ kẹ emuọvo-o,

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Izikiẹl 39:10

Vwẹ ọtiọye na o gbi rhe fo rere ayen reyọ urhe nẹ evun rẹ udju rhe-e eyẹ vwo she evo nẹ evun rẹ egbo rhe-e, kidie ekuakua rayen e che vwo koko erhanre phihọ; ayen ke reyọ obo rẹ a reyọ miẹ ayen rhivwi, ayen mi rhe gborho otu ri gborho ayen, eriyin Ọrovwohwo Ọghẹnẹ tare.

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Maika 2:12

Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Maika 5:3

Fiki rẹ ọtiọye na ke siobọ nẹ ayen bẹsiẹ rẹ ọke na vwo te bẹsiẹ rẹ ohwo rọ chuẹ uvwiẹ na vwo vwiẹ nu; Etiyin iniọvo rọye ejobi ki che rhivwi bru ihwo rẹ Izrẹl ra.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Zekaraya 10:5

Ayen che kuomagbe dia kerẹ egba vwẹ ofovwi, de chihi ivwighrẹ na phihọ ibehre rẹ irhuvwu na ayen cha họnre fikiridie Ọrovwohwo vẹ ayen herọ, kẹ ayen che kpogho otu re djẹ iyesi na.

Zekaraya 11:6

Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Zekaraya 14:18

Ọ da je dianẹ ekru rẹ Ijipt gbe yanran ra vwẹ oma rayen nẹ-ẹ, emiavwe rẹ Ọrovwohwo vwo mu ẹgborho ri je orẹ rẹ egarivi na era ko ji mu ayen.

Zekaraya 9:15

Ọrovwohwo rẹ otuofovwi na cha sẹro rayen, ayen cha guọghọ ji chihi otu ri do ibieragha muotọ; ayen cha da ebara rayen kerẹ wain, evun Me vọn ayen kerẹ udjokpo rọ vọnre, rhuọrhuọ kerẹ orhoma rẹ agbada na.

Malakae 4:3

Ku wo che chiyi iruimwemwu na muotọ, kẹ ayen cha dia kerẹ iwurhie vwẹ obotọ rẹ ẹhẹrhowọ wẹn, vwẹ ẹdẹ ri mi che vwo ru ọnana, ọtiọye Ọrovwohwo rẹ otuofovwi na tare.

Ukeri 24:9

O fiọnko, o rhuẹri kerẹ okpohrokpo, kerẹ okpohrokpo rẹ aye, kono re sa rhọvwọ? Ebruba kẹ ohwo kohwo ro bruba kẹ wẹ, ekan kẹ ohwo kohwo rọ harhe owẹ.

Matiu 10:14

Ohwo kohwo rọ reyọ ovwa-an, ro nyo ota rẹ ovwa-an, we de nẹ uwevwi yena eyẹ orere na, we phorho ekpẹn re tamu awọ rẹ ovwan phihọ otọ.

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.