Maika 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin umuku ri Jekọp ro chekọ ke cha dia ohri rẹ ihwo buebu kerẹ evwru ro tue nẹ obọ rẹ Ọrovwohwo cha, kerẹ omoghwẹghwẹ osio vwẹ enu rẹ odi, ro mudia hẹrhẹ ihwo-o, eyẹ ọ hẹrhẹ emọ rẹ ihwo-o.

Maika 5:7 ပူးပေါင်းရင်းမြစ်များ

2 Samuẹl 17:12

Etiọye kẹ avwanre cha vwa vwẹ asan asan ọvo ra da sa mrẹ; kẹ avwanre che pho muo kerẹ asan rẹ evwru e de she phihọ enu rẹ otọ; te ọye te ihwo ejobi re vọye gba herọ a gbe mrẹ ohwo ọvo ro che chekọ-ọ.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 133:3

Ọ họhọ evwru rọ hẹ enu ri Hammọn, ro tue kuẹ ugbenu ri Zayọn! Kidie etiyin Ọrovwohwo phi ẹrhovwo rọye phihọ, arhọ ri bẹdẹ.

Une rẹ Ejiro 72:6

E jọ dia kerẹ osio rọ rhọ phihọ odi ra gbẹnre, kerẹ eghwẹghwẹ re osio rọ kpọrhọ otọ na!

Isẹ 19:12

Ophuemuo rẹ ovie họhọ eguango rẹ okpohrokpo, ẹkẹvuọvo ẹroesiri rọye họhọ irho rọ hẹ enu rẹ ẹbẹ.

Aizaya 32:15

bẹsiẹ re vwo ku erhi na ku avwanre ne obenu rhe, rẹ aton de rhi hirhe phihọ udju oyoyovwi, re otọ ro yovwe emu de rhi hirhe phihọ egbo.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Aizaya 55:10

Kidie kirobo rẹ osio vẹ imicho she nẹ odjuvwu cha na, ro gbi rhivwi-i na ẹkẹvuọvo ọ Me rhuọrhuọ otọ na rọ da nẹrhẹ ọ die ẹbe, ọ Me vwẹ emuọre kẹ ọkekankọn na,

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Izikiẹl 14:22

Dede na, ọ da tobọ dianẹ imihwo ghwu chekọ vwọ ri se sun emeshare ve emetẹ phia, vwẹ ọkẹ rẹ ayen de bru we cha, ru wọ da mrẹ idjerhe rayen vẹ uruemu rayen, udu we ko te otọ fiki rẹ umiovwo re me ghwa rhe Jerusalẹm na, kidie eyena ejobi na mẹvwẹ re ghwarọ rhe.

Izikiẹl 47:1

Etiyin ọ da vwẹ ovwẹ rhivwi rhe asan ẹchẹ rẹ uwevwi rẹ ẹga na; nighe, ame ro hwe nẹ obotọ rẹ ibara rẹ uwevwi rẹ ẹga na cha rọ ghwoma phihọ obaro ọnre (kidie uwevwi rẹ ẹga na hirhe aro ku obaro ọnre); ye ame na re hwẹ nẹ obotọ cha vwẹ obo oba vwẹ obuko ọnre vwẹ ibara rẹ uwevwi rẹ ẹga na, vwẹ obuko ọnre rẹ agbada na.

Izikiẹl 5:5

Enẹ Ọrovwohwo Ọghẹnẹ tare; Ọnana Jerusalẹm; mi muro phihọ uherevie rẹ ẹgborho na vẹ irho re yarierẹ phihọ.

Daniẹl 11:32

Kọ cha vwẹ unuerarọ vẹ ọphiẹnvwe phiẹn ihwo ri gbe ọphọ na ku; ẹkẹvuọvo ihwo re riẹn Ọghẹnẹ rayen che mudia gan ke ayen họnre.

Hosia 14:5

Me dia kerẹ irho kẹ Izrẹl; Ọ ghwẹ phihọ kerẹ idodo ọ tan awọ kerẹ afọn,

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Joẹl 2:32

Ọke yena de rhi tere ihwo ejobi ri se odẹ rẹ Ọrovwohwo na ke che sivwi ayen; kidie vwẹ Ugbenu ri Zayọn kugbe Jerusalẹm ka cha mrẹ ẹvo re djẹ vabọ, kirobo rẹ Ọrovwohwo tarẹe, vwẹ usun rẹ ihwo ri ghwu chekọ na ka cha mrẹ ẹvo rẹ Ọrovwohwo na seri.

Emọs 5:15

Tuoma rẹ umwemwu, guọnọ emu esiri, wọ bro omamọ orhiẹn vwẹ anurhoro, ọke ọvo Ọrovwohwo, Ọghẹnẹ rẹ otuofovwi na, kọ sa re ehrọre rẹ umuku ri Josẹf ro chekọ na.

Maika 2:12

Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Maika 4:13

Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Maika 5:3

Fiki rẹ ọtiọye na ke siobọ nẹ ayen bẹsiẹ rẹ ọke na vwo te bẹsiẹ rẹ ohwo rọ chuẹ uvwiẹ na vwo vwiẹ nu; Etiyin iniọvo rọye ejobi ki che rhivwi bru ihwo rẹ Izrẹl ra.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Zẹfanaya 3:13

Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.

Zekaraya 14:8

Ame ra arhọ cha djẹ nẹ Jerusalẹm rhe vwẹ edẹ yena, ubrọvo rayen da djẹ kpo urhie rọ he obaro ọnre ubrọvo rayen da djẹ kpo urhie rẹ obuko ọnre, ọ cha djẹ vwẹ ọkiuvo kerẹ ọke ohwahwa.

Zekaraya 9:13

Mi wurhu Juda kerẹ umurhabọ Mẹ; Me da vwẹ Ifrem ru edada rọye. Mi dju emọ rẹ ovwan, E Zayọn, Me vwẹ emọ rẹ ovwan họnre emọ ri Gris. mi ru uwe họhọ ọlọkọ rẹ ọgbofovwi.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Iruo rẹ Iyinkọn na 11:15

Re me ghwa vwọ ta ota na, Erhi Ọfnanfon na de she mu ayen kirobo ro she mu avwanre vwe ẹsosuọ na.

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Iruo rẹ Iyinkọn na 16:9

Pọl da mrẹ emramre vwẹ ason na. Ọshare ọvo ri Masidonia mudia rọ rẹ nẹ, Biko, Yanrhe obi Masidonia rere wọ rhe chọ avwanre uko.

Iruo rẹ Iyinkọn na 9:15

Ẹkẹvuọvo Ọrovwohwo da ta kẹ, Yanran, kidie o hirhe ohwo re me jẹreyọ nure rere ọ ghwa odẹ mẹ bru otu ri Keferi kugbe ivie kugbe emọ rẹ Izrẹl.

Ọbe ri Pọl si rhe Ihwo ri Rom 10:20

Kọye Aizaya vwọ ta vẹ aroeyivwo nẹ Ihwo re guọnọ ovwẹ-ẹ ke mrẹ vwẹ, Ihwo rẹ nọ ekpẹn mẹ-ẹ ke me vwẹ oma mẹ nẹ ayen.

Ọbe ri Pọl si rhe Ihwo ri Rom 11:12

Asakiephana ọ da dianẹ urhi ẹchọ rayen da nẹrhẹ akpọ na fe, eshe rayen da nẹrhẹ ihwo ri Keferi fe, komavọ ọ dia jovwo ọ da dianẹ ayen mndia gan?

Ọbe ri Pọl si rhe Ihwo ri Rom 9:30

Kidie avwanre rha ta? Nẹ ihwo ri Keferi re gbẹn idjerhe rẹ ọvwata jovwo-o rhoma rhe dia evwata, kọye hẹ, ọvwata vwẹ oma rẹ esegbuyota;

1 Kọrẹnt 3:6

Me kọnre, Apolọs ku ame ku, ẹkẹvuọvo Ọghẹnẹ kọye nẹrhẹ ayen djẹ.

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.

Iguẹdjọ 6:36

Etiyin Gidiọn da ta kẹ Ọghẹnẹ nẹ, Ọ da dianẹ obọ mẹ wọ wan sivwi Izrẹl rhọ, kirobo wọ tare,