Maika 5:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ ọlọkọ kọye ayen che vwo sun otọ rẹ Asiria, otọ ri Nimrọd vẹ ọlọkọ re yoro phia; ayen ki che sivwi avwanre mie Asiria vwẹ ọke rọ da rhe otọ rẹ avwanre ro de rhi chiyi ughwru rẹ avwanre.

Maika 5:6 ပူးပေါင်းရင်းမြစ်များ

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

1 Ikun rẹ Ivie 1:10

Kush ọye ọsẹ ri Nimrodi; ọda rhe dia ọgba vwẹ akpọ na.

2 Ikun rẹ Ivie 33:11

Fiki rẹ ọtiọye na Ọrovwohwo da reyọ inotu rẹ unuofovwi rẹ Asiria ri vwo phi ayen, o mu Manasse a da vwẹ oghọre sa a da ghwẹ igoni rẹ ẹrovwo phihọ abọ e de muo kpo Babilọn.

ỌBE RẸ JOB 29:22

Re me vwọ ta nu ayen rha ta ota ọfa-a, ota mẹ de ghwe shenyẹ ayen.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 72:6

E jọ dia kerẹ osio rọ rhọ phihọ odi ra gbẹnre, kerẹ eghwẹghwẹ re osio rọ kpọrhọ otọ na!

Aizaya 14:2

Ihwo na ke reyọ ayen vwọ rhe adia rayen, uwevwi rẹ Izrẹl ko vwo ayen vwẹ otọ rẹ Ọrovwohwo na; kẹ ayen dia eviẹn rẹ eshare vẹ e rẹ eya, ihwo ri ke mu ayen jovwo na ka rhoma mu ayen ighuvwu, kẹ ayen rhoma sun ihwo ri ke shenyẹ ayen jovwo na.

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Aizaya 37:37

Etiyin Senakerib da rhoma, ọ da yanran kpo ra dia Ninivẹh.

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Nahum 2:11

Tivọ unu rẹ okpohrokpo na epha emwa rẹ emọ rẹ okpohrokpo na, asan rẹ okpohrokpo muẹ obo rọ ria cha, asan rẹ emọ rọye epha, yẹ ohwo djobọ te aye-en?

Zẹfanaya 2:13

Kọ riẹn obọ rọye kpahe ubrakpọ rẹ obenu na, kọ guọghọ Asiria; kọ ru Ninive phihọ ọfefe phrẹnphrẹn kerẹ atọn

Zẹfanaya 3:12

Kidie ki mi che ji ihwo evo vwẹ uherevie rẹ ovwan ihwo dẹndẹn re vwẹ oma kpotọ. Ayen ke cha djẹ sioma nu vwẹ ọde rẹ Ọrovwohwo na,

Iyẹnrẹ Esiri ri Luk 1:71

nẹ o si avwanre nẹ obọ rẹ ivwighrẹ rẹ avwanre, kugbe obọ rẹ otu ri tuoma rẹ avwanre;

Iyẹnrẹ Esiri ri Luk 1:74

nẹ ọye vwọ kẹ avwanre, rere, o de si avwanre nẹ obọ rẹ ivwighrẹ rẹ avwanre nu, avwanre vwọ sa ga vwẹ ufuoma,

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Urhi Rivẹ 32:2

Jẹn uyono mẹ sun rhe kerẹ osio ota mẹ bru ighorigho kerẹ evwru, kerẹ eghwẹghwẹ rẹ osio ro tue kuẹ odi ọboba kugbe eghwẹghwẹ vwẹ enu rẹ ẹbe.