Maika 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;

Maika 5:5 ပူးပေါင်းရင်းမြစ်များ

ỌBE RẸ JOB 5:19

O che sivwi uwe nẹ okpetu esan, vwẹ ighwrẹ umiovwo ọvuọvo che te we oma-a.

Une rẹ Ejiro 72:7

Vwẹ ọke rọye o jẹn ọvwata dia buebu, rere ufuoma bu, bẹsiẹ rẹ emeranvwe na vwo no fue!

Isẹ 30:18

Emu erha herọ ri gbe vwe unu, Ọrẹne mi je otọ rọye ẹriẹn.

Isẹ 30:29

Eranvwọn erha herọ re yan vẹ eheri; ẹne efa herọ re gọnọ vẹ ọrho vwẹ oyan rayen:

Isẹ 6:16

Emu esan herọ ri tuẹ Ọrovwọhwo na oma, ighwrẹ re dia ẹgua vwọ kẹ:

Aghwoghwo 11:2

Ghare ẹkẹn kẹ ihwo ighwrẹ, eyẹ ẹrenre, kidie wọ riẹn umiovwo rọ cha rhe akpọ na-a.

Aizaya 14:25

ke me guọghọ ihwo rẹ Asiria re hẹ otọ mẹ, vwẹ enu rẹ ugbenu mi de chiyi ayen muotọ, urhekpe rọye kọ che bioma nẹ ayen, oghwa na ko phre she nẹ igabọ rayen.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Aizaya 65:8

Enẹ Ọrovwohwo tare: Kirobo ra mrẹ wain vwẹ eduru na, re ayen da tanẹ, Wọ ghwọrọ-ọ na, kidie erhovwo herọ, ọtiọye Mi ru fiki rẹ idibo Mẹ, Me rha ghwọrọ ayen ejobi-i.

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Jerimaya 33:15

Vwẹ ẹdẹ yena kugbe ọke yena ki mi che ru re Oghọn rẹ ọvwata vwo yoro phia kẹ Devid, kọ bru orhiẹn rẹ esiri vẹ ọ rẹ ọvwata vwẹ otọ na.

Emọs 1:3

Enẹ Ọrovwohwo na tare. Fiki rẹ ogbeku erha ri Damaskọs, ji kugbe ẹne, Me cha rha unu rẹ ehwe na-a, fikiridie ayen vwẹ akpẹrẹ rẹ utehru vwọ guọghọ Gilead.

Emọs 1:6

E nẹ Ọrovwohwo na tare. Fiki rẹ ogbeku erha ri Gaza, ji kugbe ẹne, Me gbe sa rhan unu rẹ ehwe na-a fikiridie ayen mu ihwo na ejobi kpo imu a da vwẹ ayen kpo Idọm.

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Zekaraya 10:3

Ophu mẹ tua kpahe isuigegede na, mi che ru isun na gangan; kidie Ọrovwohwo rẹ otuofovwi vwẹ ẹro rẹ igegede rẹ uwevwi ri Juda, re dia igodẹ rọye na, ọ cha vwẹ ayen yoma vwẹ evun rẹ ofovwi

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 9:10

Mi che si akpẹrẹ nẹ Ifrem kugbe iyesi rẹ ofovwi nẹ Jerusalẹm; e ji si umurhabọ rẹ ofovwi no, kọ ta nẹ ufuoma dia kẹ ẹgborho na ejobi; uvie rọye kọ nẹ abadi re te abadi, ji nẹ Urhie na re te oba rẹ akpọ na.

Zekaraya 9:13

Mi wurhu Juda kerẹ umurhabọ Mẹ; Me da vwẹ Ifrem ru edada rọye. Mi dju emọ rẹ ovwan, E Zayọn, Me vwẹ emọ rẹ ovwan họnre emọ ri Gris. mi ru uwe họhọ ọlọkọ rẹ ọgbofovwi.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 19:14

Otuofovwi rẹ odjuvwu, re vwẹ esada iyoyovwi rhuo, fuanfon yoyovwi, re gua esi efuanfon de tue nene.