Maika 5:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ ke Me nyavwe ema wẹn kufia osusu na ki nẹ ohri rẹ ovwan, wo gbi gbe uyovwi phihọ otọ ke iruo re obọ wẹn ọfa-a;

Maika 5:13 ပူးပေါင်းရင်းမြစ်များ

Aizaya 2:18

Ema na ejobi ke wanvrẹn kpae.

Aizaya 2:8

Otọ rayen vọnre vẹ ema ayen diguẹ kẹ iruo rẹ obọ rayen, kẹ obo rẹ ayen vwẹ irhiabọ rayen ru.

Aizaya 27:9

Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Izikiẹl 16:41

Ayen ke torhẹ iwevwi wẹn ayen me vwẹ owẹ guẹdjọ vwẹ irharo rẹ eya na, ke me da obọ rẹ igberadja egbe wẹ na ji, wọ gbe hwa osa kẹ ihwo ri bru we rhe ọfa-a.

Izikiẹl 36:25

Ke me fẹrẹ ame ọfuanfọn ku we, ku wọ fon nẹ ijẹfuọn wẹn, ke me hworhẹ edjọ wẹn ejobi nẹ uwe oma.

Izikiẹl 37:23

Ayen gbe vwẹ ema rayen kugbe obọ ri tuoma na gbe oma rẹ ayen ẹgua ọfa-a, eyẹ ogbeku rayen, ẹkẹvuọvo ki mi sivwi ayen vwo nẹ imwemwu rẹ ayen vwo she kpo uko na, ke me hworhẹ ayen, ke dia ihwo mẹ, ke me dia Ọghẹnẹ rayen.

Izikiẹl 6:9

Etiyin ovwan ihwo re vaba na ke karohọ ovwẹ vwẹ ohri rẹ ẹgborho re mu ayen ighuvwu ra na, vwẹ ọke mi de vwirhi udu rẹ evwan rayen ro bo ju vwe vwo na, ro rhu ẹro rayen rọ vwẹ evwan rayen hirhe ku ema rayen, kẹ ayen che hirhe phihọ ometuo kẹ omaobọ rayen vwẹ irharo rayen fiki rẹ uruemu rẹ ẹgua rẹ ayen ejobi.

Hosia 10:2

Udu rayen ọ re efian; asakiephana kẹ ayen ghwa abe rayen. Ọrovwohwo cha guọghọ egbada rayen te otọ, ọ guọghọ osusu rayen.

Hosia 14:3

Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Hosia 14:8

E Ifrem, die me vwẹ ema ru? Mẹvwẹ ri nyo we, mẹvwẹ je vwẹ ẹro te we. Me họhọ owangha oma mẹ emamọ wẹn nẹ cha.

Nahum 1:14

Ọrovwohwo ji urhi kpahe owẹ: O gbi che vwo ohwo ra vwọ karohọ odẹ wẹ-ẹn; ke mi cha nyavwẹ owẹ kufia nẹ uwevwi rẹ edjọ wẹn, oma ra kare kugbe oma ra wranre. Ke me tọn ushi wẹn, kidie orharhe wo ruẹ.

Zẹfanaya 1:4

Ke me riẹn obọ mẹ kpahe Juda, vwọ kpahe ihwo re dia Jerusalẹm; ke me nyavwẹ umuku ri Baal ro chekọ nẹ etinẹ kugbe odẹ rẹ irherẹn re gọ edjọ na.

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Ẹvwọphia 9:20

Ihwo rẹ akpọ na ri chekọ, rẹ ọtiekọ na hweri-i, ji se kurhẹriẹ nẹ iruo rẹ abọ raye-en eyẹ siobọ nẹ egagọ rẹ idẹbono kugbe ema rẹ oro kugbe idọnọ efuanfon kugbe ẹrovwo kugbe oragha kugbe urhe, re sa mrẹ-ẹ eyẹ nyo eyẹ yan;

Iguẹdjọ 18:17

Etiyin eshare iyori re ke ji ra dorhẹn rẹ otọ rẹ orere na, da ro evun rẹ uwevwi na, ayen de mu oma na, kugbe ibuluku na, kugbe terafim na, kugbe oma re duvwuru na; yẹ orherẹn na mudia phihọ akakọ rẹ unu rẹ anurhoro na kugbe eshare uriorha na re ghwa ekuakua rẹ ofovwi na.