Maika 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Vwẹ ẹdẹ yena, eriyin Ọrovwohwo tare, ke Me nyavwe iyesi re hẹ ohri wẹn kufia ke Me guọghọ ekpẹrẹ wẹn kufia;

Maika 5:10 ပူးပေါင်းရင်းမြစ်များ

Aizaya 2:7

Otọ rayen vọnre vẹ idọnọ kugbe iro, efe rayen vwo oba-a otọ rayen vọnre vẹ iyesi, ekpẹrẹ rẹ ofovwi rayen vwo unu-u.

Jerimaya 3:23

Uyota igbenu na ghine ọphiẹvwẹ, Ukoko rẹ ozighi vwẹ enu rẹ igbenu ride na. Uyota vwẹ evun rẹ Ọrovwohwo Ọghẹnẹ rẹ avwanre ọye esivwo rẹ Izrẹl epha.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Hosia 14:3

Asiria che se sivwi avwanre-e, avwanre cha gua iyesi-i, avwanre gbe cha ta kẹ iruo rẹ obọ rẹ avwanre nẹ, Ọghẹnẹ rẹ avwanre ọfa-a. Vwẹ oma wẹ ọmọphrorivwi da mrẹ arodọvwẹ.

Hegae 2:22

ke kporo ekete rẹ uvie she, Me cha guọghọ ogangan rẹ uvie vẹ ẹgborho na, e mi geri ekpẹrẹ na vẹ otu re gua ayen she teye otọ, ọlọkọ rẹ ọrivẹ rayen kọye cha nyavwe ọrivẹ she.

Zekaraya 9:10

Mi che si akpẹrẹ nẹ Ifrem kugbe iyesi rẹ ofovwi nẹ Jerusalẹm; e ji si umurhabọ rẹ ofovwi no, kọ ta nẹ ufuoma dia kẹ ẹgborho na ejobi; uvie rọye kọ nẹ abadi re te abadi, ji nẹ Urhie na re te oba rẹ akpọ na.

Urhi Rivẹ 17:16

Ọ rọ herọ na wo jẹn ovie na koko isi buebu kẹ oma rọye-e, eyẹ re o ru ihwo na vwo rhivwi kpo Ijipt rọ vwọ mrasa ghwẹ isi koko buehu-u, rẹ Ọrovwohwo vwọ ta kẹ wẹ nu na nẹ, Wo gbi rhivwi kpo idjerhe yena ọfa-a.