Maika 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Maika 4:2 ပူးပေါင်းရင်းမြစ်များ

Une rẹ Ejiro 110:2

Ọrovwohwo ji ọkpọ rẹ ẹgba wẹn nẹ Zayọn rhe.

Une rẹ Ejiro 119:1

Ebruphihọ kẹ ayen otu re idjerhe rọye vwo abe-e, re yan phihọ evun rẹ urhi rẹ Ọrovwohwo na!

Une rẹ Ejiro 119:171

Ẹbẹrunu mẹ ko ku ejiro wẹn ku rere wo vwo yono uvwe iji wẹn.

Une rẹ Ejiro 122:1

Oma vwerhe ovwẹ ra vwọ ta kẹ vwẹ, E jẹn kpo uwevwi rẹ Ọrovwohwo na!

Une rẹ Ejiro 25:12

Ono he ohwo rọ dje oshọ rẹ Ọrovwohwo? ọye ọ che yono phihọ idjerhe rọye rọ jẹreyọ.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Jerimaya 31:6

Kidie ẹdẹ hero rẹ erhẹrotọ che vwo se vwẹ orere rẹ ugbenu rẹ Ifrem: Vrẹn, re e yeri kpo Zayọn, bru Ọrovwohwo Ọghẹnẹ rẹ avwanre.

Jerimaya 42:3

Gba rẹ Ọrovwohwo Ọghẹnẹ wẹn na so se dje idjerhe rẹ avware wan kẹ avwanre, vẹ obo rẹ avwanre ru.

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Zekaraya 14:16

Eriyin na ohwo kohwo rọ rhọre vwẹ ẹgborho re vwọ so Jerusalẹm ejobi me yanran kukpe kukpe ra ga Ovie na, Ọrovwohwo rẹ otuofovwi na, ọ me re orẹ rẹ egarivi na.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Zekaraya 9:10

Mi che si akpẹrẹ nẹ Ifrem kugbe iyesi rẹ ofovwi nẹ Jerusalẹm; e ji si umurhabọ rẹ ofovwi no, kọ ta nẹ ufuoma dia kẹ ẹgborho na ejobi; uvie rọye kọ nẹ abadi re te abadi, ji nẹ Urhie na re te oba rẹ akpọ na.

Iyẹnrẹ Esiri ri Mak 16:20

Ayen da yanran, re ghwoghwo ota na vwẹ asan ejobi, Ọrovwohwo de nene ayen ru iruo, ọ da vwẹ eka nene ota na re o vwo ruo gan. Isẹ.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

Iyẹnrẹ Esiri ri Jọn 7:17

ọ da dianẹ ohwo vwo ọhọre ro vwo ru ọhọre rọye gba, ko cha riẹn sẹ uyono na obọ rẹ Ọghẹnẹ o nurhe eyẹ se ogangan robọ mẹ me vwọ ta ota na.

Iruo rẹ Iyinkọn na 1:8

Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.

Iruo rẹ Iyinkọn na 13:42

Rẹ ayen vwọ yanran ruẹ otafe ihwo na da rẹ ayen nẹ ayen je rhoma gbe ikun rẹ emu nana ejobi kẹ ayen vwẹ ẹdidjala rivẹ.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

Urhi Rivẹ 6:1

Asakiephana urhi na, vẹ ẹgha, kugbe iji na kẹ ena, e rẹ Ọrovwohwo Ọghẹnẹ rẹ ovwan ta nẹ mi vwo yono ovwan, rere we ru ayen vwẹ otọ rẹ ovwan wan vrẹn re yeri na;