Maika 4:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vrẹn rere wo wuye, E Ọmọtẹ ri Zayọn, kidie mi che ru ighoro wẹn hirhe phihọ utehru ichihotọ wẹn kerẹ ẹrovwo; ku wo che hwe ihwo buebu vworovworo, ka cha vwẹ erere rayen ze kẹ Ọrovwohwo, efe rayen kẹ Ọrovwohwo ro vwo akpọ soso.

Maika 4:13 ပူးပေါင်းရင်းမြစ်များ

Une rẹ Ejiro 24:1

Akpọ na o rẹ Ọrovwohwo kugbe obo re vọnrọ ejobi, akpọ na kugbe obo re dia evun rọye ejobi;

Une rẹ Ejiro 68:29

Fiki rẹ uwevwi wẹn vwi Jerusalẹm ivie ki ru ese rhe we

Une rẹ Ejiro 72:10

Jẹn ivie ri Tarshish kugbe i ri ibrotọ na gba arhọghọ jẹn ivie ri Sheba kugbe Sẹba phare ọko rhe!

Aizaya 18:7

Vwẹ ọke yena ke che ru ẹse kẹ Ọrovwohwo rẹ otuofovwi na nẹ obọ rẹ ihwo ri grori re pha bọbọ bọbọ, nẹ obọ re ihwo ra djẹ oshọ rayen re kerẹ kugbe ri sheri, ẹgborho ro vwo ẹgba ro vwo phiẹ kparobọ re irhie ghare otọ rọye, vwo kpo Ugbenu ri Zayọn, ẹdia rẹ odẹ rẹ Ọrovwohwo rẹ otuofovwi na.

Aizaya 21:10

E i re wunyeri vẹ e re afare mẹ, die mi nyo mie Ọrovwohwo rẹ otuofovwi na, Ọghẹnẹ rẹ Izrẹl, mi ghwoghwo kẹ wẹ.

Aizaya 23:18

Oghwa rẹ ẹki rọye kugbe osa ra hwa kẹ ejobi ke ru ayen fon kẹ Ọrovwohwo; a gbe de ghwẹ ayen koko eyẹ mu ayen nyẹ-ẹ, ẹkẹvuọvo oghwa rẹ eki rọye kọ vwẹ emuọre kugbẹ emwa iyoyovwi vwọ kẹ ihwo re dia obaro rẹ Ọrovwohwo

Aizaya 5:28

ibige rayen pha dandan, imirhabọ rayen ejobi gba phihọ, ichuku awọ rẹ iyesi rayen pha gangan kerẹ utehru, adjugẹn rayen kerẹ adjugẹn rẹ odju.

Jerimaya 51:20

Wẹ ọye umomo vẹ ekuakua rẹ ofovwi mẹ wẹ me vwọ guọghọ ẹgborho na ibribro; wẹ me vwọ ghwọrọ uvie

Jerimaya 51:33

Kidie enẹ Ọrovwohwo rẹ otuofovwi, Ọghẹnẹ rẹ Izrẹl tare; Ọmọtẹ ri Babilọn họhọ utuwevwi re de duvwu eka vwẹ oke re de chiyo nu, dede na vwẹ ọmọke emerha yẹ ọke rẹ orhọ roye kọ cha rhe.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Hosia 10:11

Ifrem umuomuo rẹ erhuẹn re yonori rẹ oma rẹ owian vwerha, me da yan jẹn oghwa rọ hẹ ohọre rọye vwo; ẹkẹvuọvo me cha gba urhekpe mu ohọre rẹ Ifrem, Juda ko che voro ivoro, Jekọp kọ che tuetue odi kẹ oma rọye.

Maika 5:7

Etiyin umuku ri Jekọp ro chekọ ke cha dia ohri rẹ ihwo buebu kerẹ evwru ro tue nẹ obọ rẹ Ọrovwohwo cha, kerẹ omoghwẹghwẹ osio vwẹ enu rẹ odi, ro mudia hẹrhẹ ihwo-o, eyẹ ọ hẹrhẹ emọ rẹ ihwo-o.

Habakọk 3:12

Wẹ re zagha otọ na vwẹ ivuemiovwo wẹn, wọ da vwẹ ọphu wẹn chiyi ẹgborho na muotọ.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 4:14

Etiyin ọ da ta, Enana ivẹ na ra vwẹ ori ghworo ri mudia kẹre Ọrovwohwo rẹ akpọ soso na.

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

1 Kọrẹnt 16:2

Vwẹ ẹdẹ rẹsosuọ rẹ ẹdidjala kẹdidjala, ovwan ohwo ọvuọvo miẹ phiẹ ememu vwọ hẹ akakọ re o koko, kirobo ro yovwi kẹ te, rere e vwo jẹ arhọghọ ẹgba vwẹ ọke re me da rhe.

Urhi Rivẹ 33:25

Utehru vẹ ikọpa yẹ cha dia ogba wẹn; ọtiobo rẹ ẹdẹ wẹn teri, eriyin ẹgba wẹn ji rẹ.

Joshua 6:19

Ẹkẹvuọvo idọnọ kugbe oro ejobi, vẹ ekuakua rẹ ẹrovwo kugbe itehru, e pha fuanfon kẹ Ọrovwohwo; ka ghwẹ ayen kpo uwevwi rẹ efe rẹ Ọrovwohwo na.