Maika 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rẹ ẹdẹ na de che te vwẹ ukuko rọye ugbenu rẹ uwevwi rẹ Ọrovwohwo na ko che muvi kerẹ ugbenu ro Me kpenu ejobi, ka cha kparo kpenu nọ imigbenu na ejobi; ihwo ki che rhurie ruọ.

Maika 4:1 ပူးပေါင်းရင်းမြစ်များ

Jẹnẹsis 49:1

Etiyin Jekọp de se emọ rọye, ọ da ta, Wa ghwẹ oma koko, re Me ta kẹ ovwan obo re cha phia kẹ ovwan vwẹ ẹdẹ rọ cha.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Une rẹ Ejiro 48:1

Ọrovwohwo rhoro ọye ohwo re jiri gangan vwe evun re orere rẹ Ọghẹnẹ rẹ avwanre!

Une rẹ Ejiro 86:9

Ẹgborho ejobi ru wọ mare na cha rhe rhi diguẹ vwẹ obaro wẹ, E Ọrovwohwo, ayen ki che jiri odẹ wẹn.

Aizaya 27:13

Vwẹ ẹdẹ yena ke che hworo ọgban rode, ihwo ri ghwruru vwẹ otọ rẹ Asiria kugbe e ra djẹre kpo otọ rẹ Ijipt ke cha rhe rhe ga Ọrovwohwo na vwẹ enu rẹ ugbenu ọfuanfon vwi Jerusalẹm.

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 54:2

Nabọ hẹre ẹgbẹ rẹ utughẹ wẹn, gba hẹre amwa rẹ evun wẹn rọ she rhurhu, wo sio kpuko-o, riẹn ufi wẹn wọ vwẹ ogangan kẹ uchivwo wẹn.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Jerimaya 16:19

E Ọrovwohwo, ogagan mẹ vẹ odjahọ mẹ, adjẹrhọ mẹ vwẹ ẹdẹ rẹ ukpokpogho, wọwẹ ẹgborho na ejobi che bre cha nẹ oba re akpo rhe tanẹ: Esẹ rẹ avwanre reuku rẹ emu ọvuọvo-o jokpa rẹ efian ọvo, erharhe rẹ emu ri fi erere-e?

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 3:17

Vwẹ ọke yena ke se Jerusalẹm nẹ ekete rẹ uvie rẹ Ọrovwohwo, irere na ejobi ki koko bro rhe, obaro rẹ Ọrovwohwo vwi Jerusalẹm, ayen gbe rha vwẹ udu ọgangan vwo nene umwemwu rẹ udu rayen ọfa-a.

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Jerimaya 48:47

Dede na me cha reyọ erhuvwu ri Moab rhivwi rhe vwẹ ẹdẹ rẹ okuko na, eriyin Ọrovwohwo tare Ọna hẹ oba rẹ orhiebro rẹ Moab.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Izikiẹl 40:2

ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe.

Izikiẹl 43:12

Ọnana kọye urhi rẹ uwevwi rẹ ẹga na asan ejobi re riariẹ uwevwi na rọ hẹ obenu rẹ ugbenu na kọ dia asan rọ ma fon. Nighe, Ọnana urhi rẹ uwevwi rẹ ega na.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Daniẹl 2:35

etiyin te utehru na, ọphiẹn na, ẹrovwo na, idọnọ ọfuanfọn vẹ oro na, ayen ejobi de vwirhi ibribro, etiyin e da rhe dia kerẹ ivwuvwu ri tue kuotọ vwẹ okeuvo, etiyin odju de dju ayen kufia, a gbe mrẹ ivwuvwu rayen ọfa-a. Ẹkẹvuọvo oragha ro she teye oma na de rhi hirhe phihọ ugbenu rode ọ da rhe vọn otọ na ejobi.

Daniẹl 2:44

Vwẹ ọke rẹ ivie yena, Ọghẹnẹ rẹ odjuvwu na cha vwẹ uvie ọvo mu, ra sa guọghọ-ọ eyẹ e che siobọ nẹ ekete rọye ke ihwo ọfa-a. O cha guọghọ ivie nana ejobi ibribro ọ me vwẹ ayen te oba, kẹ o mudia bẹdẹ,

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Daniẹl 7:18

Ẹkẹvuọvo ihwo efuanfon rẹ ọ ro Me Kpenu ejobi keye cha reyọ uvie na, kẹ ayen yọnre uvie na rhiri bẹdẹ.

Daniẹl 7:22

rhiri bẹsiẹ rẹ Ọ rọ herọ bẹdẹ bẹdẹ ke rhe, o de bru orhiẹn kẹ ihwo efuanfon rẹ Ọ ro Me Kpenu ejobi, ọke de rhi te rẹ ihwo efuanfon na rhe reyọ uvie na.

Daniẹl 7:27

Te uvie na vẹ isuesun na kugbe ọrho rẹ uvie na vwẹ otọ rẹ odjuvwu na ka cha vwẹ ayen kẹ ihwo efuanfon rẹ Ọ ro Me kpenu ejobi; uvie rayen kọ cha dia uvie ri bẹdẹ isuesun na ejobi ke cha ga ri de mu ọghọ kẹ ayen.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Zekaraya 14:10

Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Iruo rẹ Iyinkọn na 2:17

Ọghẹnẹ tare nẹ, oba rẹ ọke na de rhi tere ki mi ku Erhi mẹ na phihọ oma rẹ ihwo ejobi, emeshare vẹ emetẹ rẹ ovwan ke cha mraro, imighene rẹ ovwan ke cha mrorẹ, ekpako re ovwan ke cha vwerhẹ evwerhẹ

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

2 Pita 3:3

Esosuọ ejobi e gbe jẹ ọnana ro ovwan nẹ, okuko rẹ ẹdẹ na otu re vwẹ ohwo jehwẹ cha rhe vẹ ehwẹjẹ, nene ọmeme robọ rayen

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

Ẹvwọphia 20:4

Etiyin me da mrẹ ekete buebu, ayen de tidia ekete na, kẹ etiyin ayen otu ra vwẹ ẹdjọeguo kẹ na de guẹ. Me da mrẹ irhi rẹ ihwo buebu re bru ohọre fiki rẹ iseri rayen kpahe Jesu kugbe ota rẹ Ọghẹnẹ, kugbe ihwo ri jẹ eranvwe na kugbe oma rọye ẹga, re ka oka rọye phihọ arhare-e eyẹ obọ raye-en. Ayen da va rhe, ayen vi Kristi da re ikpe uriori.