Maika 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹkẹvuọvo vwọ kẹ vwẹ, evun mẹ vọnre vẹ ogangan, vẹ erhi rẹ Ọrovwohwo na, vẹ ọsoso vẹ ẹgba, mi che vwo ghwoghwo ogbeku ri Jekọp kẹ kugbe umwemwu rẹ Izrẹl kẹ.

Maika 3:8 ပူးပေါင်းရင်းမြစ်များ

ỌBE RẸ JOB 32:18

Kidie eta vọn evun mẹ buebu, erhi rọ hẹ evun mẹ na kọye re da vwẹ jẹ.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Jerimaya 1:18

Nighe, Ekpuyovwi mẹ, Mi ru we nonẹ na vwọ dia orere ra gba ogba riariẹ phihọ, osusu rẹ utehru, kugbe igbẹhẹ rẹ ẹrovwo vwọ kpahe otọ na ejobi, kpahe ivie ri Juda, isun rọye, irherẹn rọye, kugbe ihwo rẹ otọ na ejobi.

Jerimaya 20:9

Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Jerimaya 6:11

Ọtiọye na ophu rẹ Ọrovwohwo da vọn vwẹ evun, oma rhọvwẹ udu me sa gba-a. Kuọ phihọ enu rẹ emọ na vwẹ evun rẹ urhuvwu na kugbe enu rẹ ukoko rẹ imighene na rhe; te ọshare te aye, a cha reyọ otu re ghwanre kugbe ekpako.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 16:2

Ọmọ rẹ ohwo, gbe dje ẹgua ri Jerusalẹm kẹ,

Izikiẹl 20:4

Wọ sa vwẹ ayen gu ẹdjọ, ọmọ rẹ ohwo, wọ sa vwẹ ayen gu ẹdjọ? Gbe jẹ ayen riẹn ẹgua rẹ esẹ ride rayen,

Izikiẹl 22:2

Wọwẹ, ọmọ rẹ ohwo wo se gu ẹdjọ, wo se gu ẹdjọ rẹ orere rẹ ọbara na? Gbe dje uruemu rẹ ẹgua rọye ejobi kẹ.

Izikiẹl 23:36

Ọrovwohwo da ta kẹ vwẹ: Ọmọ rẹ ohwo, wo se gu ẹdjọ rẹ Oholah kugbe Oholibah? Gbe dje ẹgua rẹ ayen kẹ ayen.

Izikiẹl 3:14

Erhi na de mu vwe vrẹn ọ da reyọ ovwẹ yanran, mẹ da yanran vwẹ evun rẹ ophu vwẹ evun rẹ ogidi rẹ erhi mẹ, obọ rẹ Ọrovwohwo da gan kpahe ovwẹ;

Izikiẹl 43:10

Wẹ, ọmọ rẹ ohwo, gbe dje kẹ uwevwi rẹ Izrẹl, uwevwi rẹ ẹga na kugbe obo rọ epha vẹ obo re siro, rere oma rẹ orukuruku rayen vwọ vọ ayen.

Matiu 7:29

Kidie o yono ayen kerẹ ohwo ro vwo ogangan, ọ rha họhọ uyono rẹ isiẹbe na-a.

Iyẹnrẹ Esiri ri Mak 3:17

Kugbe Jems ọmọ ri Zẹbidi, vẹ Jọn oniọvo ri Jems ọ de se ayen Boanajis otọ rọye, Emọ rẹ agbraran;

1 Kọrẹnt 2:4

Eta mẹ kugbe ovuẹ mẹ dia eta rẹ avwerhe rẹ aghwanre-e, ẹkẹvuọvo vwẹ idjedje rẹ Erhi na vẹ ogangan,