Maika 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Fiki rẹ ọtiọye na kọ cha dia ason kẹ wẹ, o rhe vwo emramrẹ-ẹ, ke ebri kẹ wẹ, o rhe vwo epha ẹbọ-ọ. Ọnre na che she ghene emraro na, ọke na ko che bi vwẹ enu rẹ ayen;

Maika 3:6 ပူးပေါင်းရင်းမြစ်များ

Une rẹ Ejiro 74:9

Avwanre mrẹ ekan re avwanre-e, ọmraro ọvuọvo gbe herọ-ọ, o gbi vwo ohwo vwe ohri re avwanre na rọ riẹn obo ro krite-e.

Aizaya 29:10

Kidie Ọrovwohwo ku erhi rẹ okpovwerhẹ ku we, o ki rhe rhurhu ẹro rẹ ovwan rẹ emraro na, o rhurhu iyovwi rẹ ovwan rẹ ọmrẹ na.

Aizaya 59:10

Avwanre vwẹ abọ gbe igbẹhẹ kerẹ orhuẹro, avwanre vwẹ abọ gbe kerẹ ohwo ro vwo ẹro-o, avwanre ghorie she vwẹ oghẹruvo kerẹ ason, vwe uherevie rẹ ihwo gbrọgbrọ avwanre ke họhọ ihwo ri ghwuru.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 15:9

Aye ro vwiẹ ighwrẹ oma rhọrọ, o de rhe shero; ọke ji kpo-o yẹ onrẹ rọye ruotọ nure, omavorọ a vwe rọ jehwẹ. Otu ri chekọ me cha ghwẹ ayen kẹ ọlọkọ vwẹ obọ rẹ ivwighrẹ rayen, eriyin Ọrovwohwo tare.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Izikiẹl 7:26

Ughwu kpahe ughwu, ekuvwie kpahe ekuvwie, ayen guọnọ emramrẹ vwẹ obọ rẹ ọmraro na, yẹ urhi re ghwrẹ vrẹn orherẹn abọ, aghwanre phiẹn ekpako na.

Emọs 8:11

Nighere, ẹdẹ cha, eriyin Ọrovwohwo Ọghẹnẹ tare, re Me cha vwẹ owẹvwe rhe otọ na; ọ di owẹvwe rẹ emuọre-e, yẹrẹ ọrẹ urhurame-e, ẹkẹvuọvo owẹvwe rẹ ota rẹ Ọrovwohwo.

Maika 2:6

Wọ gbe ta ota-a–enẹ ayen ta– ohwo ọvuọvo gbe ta ota re emu etiọye-e; omaẹphọphọ che te avwanre oma-a.