Maika 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Maika 3:5 ပူးပေါင်းရင်းမြစ်များ

Isẹ 28:21

Orhiẹn re bruru abọvo yọma-a; ẹkẹvuọvo a cha mrẹ ohwo rọ vwi fiki rẹ emuọre ru oruchọ.

Aizaya 3:12

Ihwo mẹ imitete ki shenyẹ ayen, eya ki che sun ayen. E ihwo mẹ, isun rẹ ovwanvwan sun ovwan ghwru, ayen de phi ozighi phihọ ada rẹ ovwan.

Jerimaya 23:27

ri roro nẹ ayen ru ihwo mẹ re odẹ mẹ da chọrọ ayen ẹro vwẹ oma rẹ evwerhẹ rayen rẹ ayen ta kẹ ohwohwo na, yan nene Baal na?

Jerimaya 23:32

Nighe, Mi mu kpahe otu re mraro rẹ evwerhẹ rẹ efian, eriyin Ọrovwohwo tare, kugbe otu re ta kẹ ayen me vwẹ efian evwọrọ vẹ ozighi rayen vwo sun ihwo mẹ ghwru yi mi ji aye-en me je kẹ ayen oganga-an; ayen dia erere kẹ ihwo nana-a, eriyin Ọrovwohwo tare.

Jerimaya 6:14

Ayen sivwi era rẹ ihwo mẹ te-e, ta nẹ, Ufuoma, ufuoma, yẹ ufuoma herọ-ọ.

Jerimaya 6:4

Choma rẹ ofovwi vwọ suọ; vrẹn, we je kpo imu na vwẹ oghẹruvo. Ekan kẹ avwanre kidie ọke re kpo, Uhoho re ovwọnvwọn re gro!

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Hosia 4:5

Wọ cha kpro owọ vwẹ oghẹruvo, ọmraro vẹ owẹ cha yẹnghrẹn vwẹ ason, ke me guọghọ oni wẹn.

Joẹl 3:9

Ghwoghwo ọnana vwẹ ohri rẹ ẹgborho na: Muegbe rẹ ofovwi, Rhanriẹ udu rẹ egba na Jẹn eshare rẹ ofovwi na ejobi si te obonẹ, jẹn ayen rhe.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Malakae 2:8

Ẹkẹvuọvo wo kurhẹriẹ nẹ idjerhe na; wọ da nẹrhẹ ihwo buebu she fiki rẹ uyono wẹn; we gbe ọphọ ri Livae ku, eriyin Ọrovwohwo rẹ otuofovwi tare,

Matiu 15:14

We jẹ ayen vwo; irhuẹro ayen ruẹ. Orhuẹro de sun orhuẹro ayen ivẹ ki she phihọ ọgọdọ.

Matiu 7:15

Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.