Maika 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Maika 3:4 ပူးပေါင်းရင်းမြစ်များ

ỌBE RẸ JOB 27:9

Kẹ Ọghẹnẹ se nyo oviẹ rọye, vwẹ ọke rẹ ukpokpoghọ de bro rhe?

ỌBE RẸ JOB 35:13

Uyota Ọghẹnẹ nyo ekperẹ ofefe-e, eyẹ Ọrovwoẹgba na je kerhọn rọye-e.

Une rẹ Ejiro 18:41

Ayen kperi se ọchuko, ekevuovọ o vwo ohwo ọvuọvo ro sivwi aye-en, ayen kperi se Ọrovwohwo, ẹkẹvuọvo ọ cha kpahe kẹ aye-en.

Isẹ 1:28

Ọke yena kẹ ayen che kperẹ se vwe, ẹkẹvuọvo mi che nyo-o; kẹ ayen cha guọuọ ovwẹ ẹkẹvuọvo yẹ ayen cha mrẹ vwẹ-ẹ.

Isẹ 28:9

Ohwo ro ku erhọn kufia kẹ urhi enyo, ẹrhovwo ẹnẹ dede kẹ ẹgua kẹ.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Aizaya 3:11

Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.

Jerimaya 11:11

Vwẹ ọtiọye na, enẹ Ọrovwohwo tare, Nighe, me cha vwẹ umiovwo rhe ayen rẹ ayen je se no, owenẹ ayen viẹ se vwe dede, me cha kerhọn raye-en.

Jerimaya 14:12

Owenẹ ayen chirẹ owẹvwe, mi che nyo oviẹ raye-en, owenẹ ayen ji ze izobo rẹ ẹtorhẹ vẹ izobo rẹ eka dede, me rhọvwe reyọ aye-en, ẹkẹvuọvo me vwẹ ọlọkọ vẹ owẹvwe vẹ emiavwe guọghọ ayen.

Jerimaya 33:5

Ihwo ri Kaldia na cha ohọnre ayen me rhe vwẹ irivwi rẹ eshare ri mi che hwe vwẹ ophu vẹ ivuemiovwo mẹ vọn ayen; kidie mi si opharo mẹ nu kẹ orho nana vwi fiki rẹ umwemwu rayen.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Izikiẹl 8:18

Fiki rẹ ọtiọye na ayen kpare o vwẹ ophu; ẹro mẹ gbi jẹn ayen vwo-o, eyẹ me gbe re ehrọre-e, owenẹ ayen kperi phihọ ovwẹ erhọn vẹ urhuru ọgangan dede, me cha kerhọn rẹ aye-en.

Maika 3:7

emrẹ na ka cha phọphọ ayen, otu re bọ epha oma kọ vo ayen; ayen ki che rhurhu ẹbẹrunu rayen, kidie ayen cha mrẹ ẹkpahọ nẹ obọ rẹ Ọghẹnẹ rhe-e.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Zekaraya 7:13

Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Matiu 7:22

Ihwo buebu ye cha ta kẹ vwẹ vwẹ ẹdẹ yena nẹ, Ọrovwohwo, Ọrovwohwo, mi yono ihwo vwẹ odẹ wẹ, me vwẹ odẹ wẹn djẹ idẹbono phia, me vwẹ odẹ wẹ ru iruo rẹ igbunu?.

Iyẹnrẹ Esiri ri Luk 13:25

Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e.

Iyẹnrẹ Esiri ri Jọn 9:31

Avwanre riẹnre nẹ Ọghẹnẹ kerhọn rẹ iruimwemwu-u, ẹkẹvuọvo ọ da dianẹ ohwo ga Ọghẹnẹ ro de ru ọhọre rọye, Ọghẹnẹ kọ kerhọn rọye.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

1 Samuẹl 8:18

Vwẹ ẹdẹ yena ovwan ki che kperi fiki rẹ ovie rẹ ovwan na, rẹ ovwan jẹ ke oma rẹ ovwan na; ẹkẹvuọvo Ọrovwohwo rhe kpahe kẹ vwẹ ẹdẹ yena-a.