Maika 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Maika 3:11 ပူးပေါင်းရင်းမြစ်များ

Isẹ 17:23

Ohwo umwemwu dia obuko ria udi nẹ ọ me rhẹriẹ ẹdjọ.

Aizaya 1:23

Isun wẹn ihwo rẹ okpetu ayen igbeyan rẹ iji. ọvuọvo guọnọ udi ẹriọ ayen mia djẹ nene ẹse? Ayen chochọ rẹ emephrorivwi e karohọ oviẹ rẹ ayeukuu.

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 5:23

ri siobọ nẹ ọ rọ reabe fiki rẹ udi ẹriọ, ayen mi mie ọvwata ase rọye!

Aizaya 56:11

Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 26:7

Irherẹn na vẹ emraro na kugbe ihwo na ejobi nyori ri Jerimaya vwo ta eta nana vwẹ uwevwi rẹ Ọrovwohwo na.

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Izikiẹl 22:12

A jẹ udi kẹ ihwo rere ayen vwo sun ọbara vwẹ evun wẹ, wo suẹn igho wo ghwe brẹ ba igho rere wọ vwọ mrẹ erere vwẹ oma rẹ ọrivẹ wẹn, wọ je ghwa karhiẹ obo rẹ ọrivẹ vwori mie, me da chọrọ owẹ ẹro, eriyin Ọrovwohwo Ọghẹnẹ tare.

Izikiẹl 22:27

Isun rọye re hẹ uherevie rọye e họhọ ikpohrokpo re ria eranvwe ọkpokpọ, re rhaphiẹ ọbara, ayen ghwọrọ ihwo rere ayen vwo re erere rẹ eku.

Izikiẹl 34:2

Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na?

Hosia 4:18

Usun rẹ egbaidi ayen ejobi kẹ igberadja ayen gbe; emu rẹ omaẹvuọ ayen ma guọnọ nẹ ọ rẹ urinrin rayen.

Hosia 4:8

Vwẹ enu rẹ imwemwu rẹ ihwo mẹ koye ayen da ghẹrẹ oma rẹ ayen; Ayen hirhe phihọ ọvwurhuru fiki rẹ orukuruku rẹ ayen.

Emọs 5:14

Guọnọ erhuvwu ọ dia umiovwo-o, rere wọ rhọ, rere Ọrovwohwo, Ọghẹnẹ rẹ otuofovwi na, vwo nene uwe dia, kirobo wọ tare na.

Emọs 9:10

Iruimwemwu rẹ hẹ ohri rẹ ihwo mẹ ejobi che ghwu ughwu rẹ ọlọkọ, re tanẹ, umiovwo che se te avwanre oma-a.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Maika 7:3

Obo rayen hẹ emu umwemwu eruo, ayen nabọ ruo dẹndẹn; te osun te oguẹdjọ ra nọ ekpẹn rẹ udi, ohwo rode ra ta ota umwemwu rẹ erhi rọye guọnọre; kẹ enẹ ayen rhuo koko.

Zẹfanaya 3:3

Inotu rọye re dia evun rọye epha kerẹ ikpohrokpo re guan, iguẹdjọ rọyẹ epha kerẹ ikpohrokpo rẹ ovwọnvwọn ri jẹ emuọvo vwo hẹrhẹ irhiọke-e.

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Malakae 2:9

kọye mi de ru we kueku, me da vwẹ owẹ gbe otọ kẹ ihwo buebu mrẹ, fikiridie wọ nene idjerhe mẹ-ẹ ẹkẹvuọvo abọ ọvo kọye uyono wẹ nuẹ nene.

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Ukeri 22:7

Etiyin ekpako ri Moab vi Midian de vrẹn vẹ igho ra vwọ bọ epha vwẹ obọ rẹ ayen, ayen de te asan ri Balaam, ayen ke vuẹ ovuẹ ri Balak.

Matiu 3:9

we roro nẹ avwanre emọ rẹ Ebrahamu-u, kidie Ọghẹnẹ sa rhẹriẹ ibieragha nana hirhe vwọ emọ kẹ Ebraham.

1 Timoti 3:3

ọ dia ọgba-udi-i, ọ dia ohwo gudu gudu-u ẹkẹvuọvo ohwo dẹndẹn, ọ dia ohwo rẹ ẹghwọ-ọ, o nenesi rẹ igho-o.

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

1 Pita 5:2

Ghẹrẹ uchuru rẹ Ọghẹnẹ ra vwọ kẹ wẹ yọnre na, ọ dia ọ rẹ ẹgbahọ-ọ ẹkẹvuọvo ọ ro nẹ udu rhe, ọ dianẹ ra vwọ mrẹ erere rẹ omaẹvuọ-ọ ẹkẹvuọvo re ruo vẹ evun phephẹn,

Ọbe ri Jud 1:11

Ekan kẹ ayen! Kidie idjerhe ri Ken ayen nene na, ubiupho rẹ erere re nẹrhẹ ayen nene oruchọ ri Bẹlam, ọ da nẹrhẹ ayen ghwu phihọ omẹriọ ri Kora.

1 Samuẹl 8:3

Dede na emọ rọye yan nene idjerhe rọye-e, ẹkẹvuọvo esi rẹ erere kọye ayen nene; ayen da re udi ayen da bọvwọ ẹdjọ rhu.