Maika 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Eya rẹ ihwo mẹ wọ djẹ ayen kufia nẹ iwevwi iyoyovwi rayen; wo de mu ayen jẹ emọboba rayen vwo nẹ urinrin mẹ bẹdẹ.

Maika 2:9 ပူးပေါင်းရင်းမြစ်များ

Une rẹ Ejiro 72:19

Ebruphihọ kẹ odẹ rẹ uririn rọye bẹdẹ, e jẹn urinrin rọye vọn akpọ na ejobi, Isẹ, Isẹ.

Jerimaya 10:20

Aghwọrọ utughẹ mẹ ifi mẹ ejobi sanvwere, emọ mẹ yan juvwe vwo ayen gbe herọ-ọ, ohwo ro si utughẹ mẹ phihọ rọ da vwẹ amwan tan gbe herọ-ọ.

Izikiẹl 39:21

Ke me vwẹ urinrin mẹ vi vwẹ ohri rẹ ẹgborho na, ẹgborho na ejobi ke cha mrẹ orhiebro mẹ ri che bru, kugbe obọ mẹ re me ghwẹ kpahe ayen.

Joẹl 3:6

Wọ shẹ ihwo ri Juda vi Jerusalẹm kẹ ihwo ri Grik, wo de mu ayen yanran shesheri nẹ ughwru rayen.

Emọs 2:7

ayen ihwo ri chiyi uyovwi rẹ ovwiogbere mu ivwurhie rẹ otọ, ayen Me djẹ ihwo re he ukpokpogho kufia, te ọsẹ vẹ ọmọ rọye Me rọvwọ aye ọvo, ọtiọye na ayen de gbe odẹ ọfuanfon Mẹ ẹgua.

Maika 2:2

Udju re ohwo ọfa da ayen ẹro, ayen mi gborho ayen, iwevwi re ayen, ayen Me ghwẹ ayen reyọ; ayen shenyẹ ohwo vẹ uwevwi rọye, ohwo vẹ uku rọye.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Iyẹnrẹ Esiri ri Mak 12:40

otu re ghwọrọ uwevwi rẹ eyauku, re vwẹ omeru nẹ ẹrhovwo ogrogro, enana cha re abe rode na.

Iyẹnrẹ Esiri ri Luk 20:47

re ghwọrọ iwevwi rẹ eyauku re vwẹ omeru nẹ ẹrhovwo ogrogro. E che bru hwe ayen rhuarho gangan.

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.