Maika 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ka sa ta ọnana, E uwevwi ri Jekọp? Ke erhi rẹ Ọrovwohwo je odiri evwo? Enana na uruemu rọye? Eta mẹ rhe ru obo ri yovwiri kẹ ohwo rọ kpọvi-i?

Maika 2:7 ပူးပေါင်းရင်းမြစ်များ

Une rẹ Ejiro 119:65

Wo nene odibo wẹn yere omamọ rẹ eyere, E Ọrovwohwo kirobo rẹ ota wẹn epha.

Une rẹ Ejiro 119:68

Wọwẹ ohwo esiri wo ki ruẹ emu esiri, yono uvwe iji wẹn

Une rẹ Ejiro 15:2

Ohwo ro vwo abe-e, ro ruẹ obo ri shehọ, rọ ta uyota nẹ otọ rẹ udu rọye cha,

Une rẹ Ejiro 18:26

ohwo rọ fonro wọ me vwẹ ọfuanfon wẹn vwọ nẹ, ohwo ro gunuru wọ me vwẹ ogugunu wẹn vwọ phia kẹ

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Isẹ 10:29

Ọrovwohwo na ọye ogba ọgangan kẹ ohwo rẹ idjerhe rọye dia ọsoso, ẹkẹvuọvo ọye eghwọrọ kẹ ihwo umwemwu.

Isẹ 10:9

Ohwo rọ yan vẹ evunesiri cha yan vwẹ ufuoma, ẹkẹvuọvo ohwo ro ku idjerhe rọye rhẹriẹ ka mrẹ otọ rọye.

Isẹ 14:2

Ohwo rọ yan vwẹ idjerhe rẹ ọsoso djẹ oshọ rẹ Ọrovwohwo na, ẹkẹvuọvo ohwo ro gbẹ ozighi jẹ kuẹfia.

Isẹ 2:7

Ọ sẹro rẹ omamọ rẹ aghwanre na kẹ ihwo rẹ udu rayẹn dia ọsoso. Ekpọfia kẹ ihwo ri vwo evun ọfuanfon.

Isẹ 28:18

Esivwo herọ kẹ ohwo rọ yan vwẹ evuesiri, ẹkẹvuọvo ohwo rọ yan vwẹ idjerhe rẹ ọkọn che she phihọ ọgọdọ.

Aizaya 50:2

Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Jerimaya 15:16

A mrẹ eta wẹn, me da riẹn ayen, eta wẹn da dia aghọghọ kẹ vwẹ kugbe omavwerhovwẹ kẹ ubiudu mẹ; kidie a vwẹ odẹ wẹn se vwe nure, E Ọrovwohwo, Ọghẹnẹ rẹ ofovwi.

Jerimaya 2:4

Nyo ota rẹ Ọrovwohwo E uwevwi ri Jekọp, kugbe erua rẹ uwevwi rẹ Izrẹl ejobi.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.

Maika 3:9

Nyo ọnana, ovwan igbuyovwi rẹ uwevwi ri Jekọp kugbe isun rẹ uwevwi rẹ Izrẹl, rẹ ọsoso tuoma na ri kuẹ uyota ejobi rhẹriẹ,

Zekaraya 4:6

Etiyin ọ da ta kẹ vwẹ, Ọnana ota rẹ Ọrovwohwo ta kẹ Zerubabẹl: Ọdia ẹgba-a, yẹrẹ oganga-an, ẹkẹvuọvo Erhi Mẹ, Ọrovwohwo rẹ otuofovwi tarọ.

Ukeri 11:23

Ọrovwohwo da ta kẹ Mosis; Kẹ obo rẹ Ọrovwohwo krẹre? Asakiephana wọ cha mrẹ se ota mẹ uyota eyẹ ofan.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iyẹnrẹ Esiri ri Jọn 8:39

Ayen da kpahe kẹ, Ebraham hẹ ọsẹ rẹ avwanre. Jesu da ta kẹ ayen, Ovwan da dia emọ rẹ Ebraham, ku we ru obo rẹ Ebraham ruru,

Ọbe ri Pọl si rhe Ihwo ri Rom 7:13

Kẹ obo ri yoma na, kọye rha so ughwu kẹ vwẹ? Kaka vwo! Umwemwu, ro ru Iruo rẹ ughwu vwẹ evun mẹ na vwẹ oma rẹ obo ri yoma rere a vwọ sa mrẹ umwemwu vughe, rere vwẹ oma rẹ urhi na me rhe vwọ dia oruimwemwu rode na.

2 Kọrẹnt 6:12

Avwanre gba ovwan abọ-ọ, ẹkẹvuọvo ẹguọnọ rẹ ovwan ọvo re gba ovwan.

2 Timoti 3:5

ri muẹ ofian rẹ ẹga haroma ẹkẹvuọvo yẹ ayen sian ogangan rọ herọ. Kẹnoma kẹ ihwo ọtiọye na.