Maika 2:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Mi che si ovwan ejobi koko, E Jekọp, Me cha ghwe umuku ri Izrẹl ri chekọ koko; Ki mi si ayen koko kerẹ igegede vwẹ evun rẹ ogba, kerẹ ekru rẹ igodẹ vwẹ asan re da ria odi, urogho rẹ ihwo ri muẹ do.

Maika 2:12 ပူးပေါင်းရင်းမြစ်များ

Jẹnẹsis 36:33

Bẹla de ghwu, Jobab rẹ ọmọ ri Zerah re ohwo ri Bozrah da re vwe asan ro nuru.

1 Ikun rẹ Ivie 1:44

Bela vwo ghwu nu, Jobab ọmọ ri Zerah ri Bozrah da re uvie vwẹ ẹdia rọye.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 27:12

Vwẹ ẹdẹ yena nẹ urhie ri Yufretis re te Oku rẹ Ijipt Ọrovwohwo ọvo kọye ri che woro ọka na, ka cha ghwẹ ovwan koko ọvuọvo, E ihwo rẹ Izrẹl.

Aizaya 34:6

Ọrovwohwo na vwo ọlọko ọvo, ọbara ghwoiri yanka, ivwri ranmuo koi, ve ọbara rẹ imigodẹ kugbe ẹvwe, vẹ ivwri re ibiehun re egbo. Kidie Ọrovwohwo vwo izobo vwi Bozra, ihwehwe rode vwe otọ re Idọm

Aizaya 5:17

Ọke yena imigodẹ na ke cha re odi rayen, te ọghwara te ẹmẹvwe ke cha re kugbe vwẹ ohri rẹ iwevwi ri sheri na.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Izikiẹl 34:11

Kidie e nẹ Ọrovwohwo Ọghẹnẹ tare: Nighe, Mẹvwẹ, ekpuyovwi mẹ ọvo kọye re guọnọ ayen phia.

Izikiẹl 34:13

Ki mi si ayen nẹ ohri rẹ ihwo na rhe, ki mi si ayen koko nẹ evun rẹ irho na rhe, ke me reyọ ayen vwo kpo otọ robọ rayen, ke me ghẹrẹ ayen vwẹ enu rẹ igbenu rẹ Izrẹl, vwẹ oma rẹ ogbugbu na, kugbe asan rẹ ihwo dia vwẹ evun rẹ orho na ejobi.

Izikiẹl 34:22

Ki mi che sivwi igegede mẹ, e gbi hwe ayen re ọfa-a, ke me vwẹ ogodẹ vẹ ogodẹ guẹdjọ.

Izikiẹl 34:31

Ovwan kẹ igegede mẹ, igodẹ rẹ egbri mẹ, mẹvwẹ kẹ Ọghẹnẹ wẹn, eriyin Ọrovwohwo Ọghẹnẹ tare.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Izikiẹl 37:21

gba ta kẹ ayen, E nẹ Ọrovwohwo Ọghẹnẹ tare: Nighere, me cha reyọ ihwo rẹ Izrẹl nẹ ẹgborho re me hra ayen ra rhe, ki mi koko ayen nẹ asan kasan rhe, ke me vwẹ ayen rhe otọ rẹ obọ rayen;

Hosia 1:11

Te ihwo ri Juda vẹ ihwo rẹ Izrẹl ka ghwẹ ayen koko, kẹ ayen vwẹ ohwo ọvo mu osun kẹ oma rayẹn, kẹ ayen yan nẹ otọ na, fikiridie ẹdẹ ri Jezrẹl cha rho gangan.

Emọs 1:12

Vwẹ ọtiọye na ki mi che phi erhanre phihọ Teman, kọ cha torhẹ ogba ọgangan ri Bozra.

Maika 2:13

Ohwo ro bru unu phihọ kọ ruọ bru ayen ra; kẹ ayen guọghọ anurhoro na wanvrẹn, ọye ayen cha wan. Ovie rayen kọ ka obaro kẹ ayen, Ọrovwohwo na kọ dia obo uyovwi rayen.

Maika 4:8

Ji te owẹ, E ọguan rẹ igegede na, ugbenu rẹ ọmọtẹ ri Zayọn, wẹ ọye o che bru rhe, isuesun rẹ awanre na cha rhe, uvie rẹ ọmọtẹ ri Jerusalẹm.

Maika 5:7

Etiyin umuku ri Jekọp ro chekọ ke cha dia ohri rẹ ihwo buebu kerẹ evwru ro tue nẹ obọ rẹ Ọrovwohwo cha, kerẹ omoghwẹghwẹ osio vwẹ enu rẹ odi, ro mudia hẹrhẹ ihwo-o, eyẹ ọ hẹrhẹ emọ rẹ ihwo-o.

Maika 5:8

Umuku ri Jekọp ro chekọ ke cha dia ohri rẹ ẹgborho na, vwẹ ohri rẹ ihwo buebu, kerẹ okpohrokpo vwẹ ohri rẹ eranvwe rẹ aghwa, kerẹ upene rẹ okpohrokpo vwẹ ohri rẹ ekru rẹ igegede, ọ da dianẹ ẹ wanvrẹn, ko chiyi ayen muotọ ọ me chẹghẹ kẹnẹ kẹnẹ, o rhe vwo ohwo ro sivwo-o.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Zẹfanaya 3:20

Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.