Maika 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ekan ke otu re jẹ iroro umwemwu ri ruẹ ivumwemwu vwẹ enu re ehwa rayen! Ọke rẹ ọke dẹ rhiere, ayen mi ruọ, fikiridie ọgangan na rhe ayen vwẹ obọ.

Maika 2:1 ပူးပေါင်းရင်းမြစ်များ

Jẹnẹsis 31:29

Ogangan rhe vwe mi vwo ru we ghwaghwa; ẹkẹvuọvo Ọghẹnẹ rẹ ọsẹ wẹn ọye vuẹ vwẹ vwẹ ason na, nẹ, Jomaotọ wọ ta ota oyoyovwi eyẹ ọbrabra ki Jekọpu-u.

1 Ivie 21:7

Jezibẹl rẹ aye rọye da ta kẹ, ọ dia owẹ ri suẹn Izrẹl? Vrẹn, rere wọ re emu, rere udu wẹn sasa; me cha vwẹ ogba ri vain ri Nabọt ohwo ri Jezril na kẹ wẹ.

Ẹsta 3:8

Etiyin Haman da ta kẹ Ovie Ahasuerus nẹ ihwo evo herọ re hra nene asan ejobi vwẹ ibrotọ ejobi rẹ uvie wẹn na; urhi rayen vẹ ọ rẹ ihwo efa dia ọvo-o, ayen je yọnrọn urhi rẹ ovie-e, vwẹ ọtiọye na ki didi erere ri te ovie re di vwo chiri ako rayen.

Ẹsta 5:14

Etiyin aye rọye Zẹrẹsh vẹ igbeyan rọye ejobi da ta kẹ, E ja kpahẹ etan ro kpenu te cubit ujuvẹ gbẹ ihwe, vwẹ irhiọke gba ta kẹ ovie nẹ o churu Modekai si enu rọye, rere wọ vẹ ovie ki kpo emuẹriọ na vẹ omavwerhovwẹ. Uchebro nana de je Heman, o de ru ẹtan na.

Ẹsta 9:25

ẹkẹvuọvo ọke rẹ Ẹsta vwo bru ovie rhe, o de ji urhi re si phihọ otọ nẹ iroro umwemwu rọ jẹ kpahe ihwo ri Ju na da rhoma she nyẹ uyovwi rọye, rere tẹ ọye vẹ emeshare rọye vwo she ẹtan rẹ obọ rọye.

ỌBE RẸ JOB 15:35

Ayen mrevun rẹ ọkon ayen de vwiẹ umiovwo, udu rayen ra rhuẹrẹ ọphiẹnvwe kpahe.

ỌBE RẸ JOB 24:14

Ozighẹ vrẹn vwẹ evun rẹ ebri, rere o vwo hwe ovwiogbere vẹ ọrakpọbẹ; vwẹ evun rẹ ason ọ me họhọ oji.

Une rẹ Ejiro 36:4

O de Shevwerhẹ ehwa rọye yọ jẹ iroro umwemwu, o phi oma rọye phihọ idjerhe ro je yovwo, ọ sa jẹ umiovwo fia-a.

Une rẹ Ejiro 36:5

Ẹguọnọ wẹn ro jẹ rhẹriẹ, E Ọrovwohwo hẹre re te odjuvwu, uyota wẹn re duvwu irharheghe.

Une rẹ Ejiro 58:3

Oruimwemwu yan ghwru nẹ evun rẹ oni rọye rhe, ayen ru chọ nẹ evun rẹ evwiẹ rhe, e vwọrọn efian.

Isẹ 12:2

Ohwo esiri ọye sa mrẹ aroesiri vwẹ obọ rẹ Ọrovwohwo na, ẹkẹvuọvo o brẹhwe ohwo rọ vwẹ evun roro iruimwemwu.

Isẹ 14:22

Ihwo re jẹ iroro umwemwu rhe ruẹ chọ? Ihwo re jẹ iroro esiri ke mrẹ oma evwokpotọ vẹ esegbuyota.

Isẹ 3:27

Wọ vwẹ emu esiri djahe uko kẹ ohwo ro vi ri-i, siẹ rẹ ogangan na de rhe we ru wo vwo ruo.

Isẹ 4:16

Kidie ayen rhe ru umwemwu-u ovwerhẹ sun aye-en; jokpa nẹ ayen sun ohwo ọvo ghwru kẹsiẹye ovwerhẹ ki sun ayen.

Aizaya 29:20

Kidie ihwo zizighi ejobi che hirhe phihọ emu diodi, otu rẹ e jehwẹ cha fọ, otu re rhẹrẹ re ivwo ru umiovwo e che bru ayen kufia,

Aizaya 3:14

Ọrovwohwo o mu ẹdjọ phihọ eguo re, ọ vẹ ekpako na kugbe isun rẹ ihwo rọye. We re ghwọrọ ogba ri vain na, ekuakua re ivwiogbere na hẹ uwevwi wẹn.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Aizaya 5:8

Ekan kẹ otu re bọ uwevwi so uwevwi, re vwẹ udju vwọ so udju, bẹsiẹ rẹ asan vwo jẹ dia, wẹn ọvo ri vwo chekọ kpọhro vwẹ uherevie rẹ otọ na.

Aizaya 59:3

Kidie abọ wẹn gbe ẹgua rẹ ọbara irhiabọ wẹn vẹ orukuruku, ẹbẹrunu wẹn vwọrọn efian, ẹrenvwe wẹn re de irhivwẹ vwẹ evun rẹ umwemwu.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Izikiẹl 11:2

Ọ da ta kẹ vwẹ, Ọmọ rẹ ohwo, enana ihwo re jẹ iroro umwemwu re nẹ ihwo aghwanre umwemwu vwẹ evun rẹ orere nana;

Izikiẹl 33:26

Wo gbobọ phihọ oda, wo ruẹ ẹgua ovwan ohwohwo gbe aye rẹ ọrivẹ rọye ẹgua, kọye wa cha vwọ re ughwẹ rẹ otọ na?

Izikiẹl 38:10

E nẹ Ọrovwohwo Ọghẹnẹ tare: Vwẹ ẹdẹ yena iroro ke cha djẹ ro wẹ evun, ku wọ cha jẹ iroro umwemwu.

Izikiẹl 46:18

Osun na sa reyọ ughwẹ re ihwo na, rọ da djẹ ayen nẹ otọ na-a, otọ robọ rọye ọ vwọ ghare ughwẹ kẹ emọ rọye, rere e vwọ jẹ otọ rẹ ihwo mẹ ẹreyọ mie ayen.

Maika 6:12

Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.

Nahum 1:11

Ohwo ọvuọvo rhe ne obọ me rhe, rọ jẹ iroro umwemwu kpahe Ọrovwohwo, rọ jẹ orharhe rẹ iroro?

Zekaraya 7:10

we shenyẹ ayeuku-u, we shenyẹ ọmọphrorivwi-i we shenyẹ ọrharha-a, eyẹ ogbere-e, e jẹn ohwo ovuọvo jẹ iroro umwemwu kpahe omoni rọye vwẹ udu rẹ ovwa-an.

Iyẹnrẹ Esiri ri Mak 15:1

Rẹ urhiọke ghwe vwo te ilori rẹ irherẹn kugbe ekpako vẹ isiẹbe kugbe ediaguare na da ghwa jẹ iroro kugbe, ayen da gba Jesu, ayen de suo yanran vwo rhe Pailet.

Iyẹnrẹ Esiri ri Luk 20:19

Isiẹbe na kugbe ilori rẹ irherẹn na da guọnọ shabọ phihọ vwẹ unọke yena ọvuọvo na, ẹkẹvuọvo oshọ rẹ ihwo na de mu ayen; kidie ayen vwẹ omoma riẹn nẹ o kpe itẹ nana kpahe ayen.

Iyẹnrẹ Esiri ri Jọn 19:11

Jesu da kpahe kẹ, Wo vwo ogangan vwẹ enu mẹ-ẹ jokpa nẹ a vwe rọ kẹ wẹ nẹ obenu rhe; fiki rẹ ọtiọye na ọ ro mu uvwe rhe we ọye ri me ru umwemwu rode na.

Iruo rẹ Iyinkọn na 23:12

Rẹ ọke vwo rhie, ihwo ri Ju de re se umẹ ayen de duvwu iyori kẹ oma nẹ ayen hwe Pọl nu-u ayen re emu-u ayen da ame-e.

Iruo rẹ Iyinkọn na 23:15

Ovwan, vẹ otu rẹ ẹguare na, gba vuẹ rhe onotu na rọ reyọ rhe ovwan, kerẹsiẹ ra da mrẹ nẹ ovwan cha nabọ guọnọ otọ rẹ ota na gbagba. Bẹsiẹ ro vwo te etinẹ yẹ avwanre reyerọ hwe nure.

Ọbe ri Pọl si rhe Ihwo ri Rom 1:30

ophọphọvwe, omaetuo rẹ Ọghẹnẹ, aroeyivwo, uhrerhe, eyan, onyonyo, ijọghọ emuo kẹ ọsẹ vẹ oni,

Urhi Rivẹ 28:32

A cha vwẹ emeshare wẹn vẹ emetẹ wẹn kẹ ihwo efa, yẹ ẹro wẹ di nẹ ye oma di ro we ye wo se ru emu ọvuọvo-o; ẹgba rẹ obọ wẹn sa daji-i.