Maika 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Fiki rẹ ọnana Me vwọ viẹ beroma; ke Me ghwiẹ amwa nu Me ba phihọ; ke Me viẹ kerẹ erha, mi muomahọ kerẹ ogomugoro.

Maika 1:8 ပူးပေါင်းရင်းမြစ်များ

Ivie rẹ Ivẹ 18:13

Vwẹ ukpe rihwẹne rẹ Ovie Hẹzikaya Senakarib ovie rẹ Asiria da rhe re họnre irere ri Juda ejobi ra gba ogba yariẹ ọ da reyọ ayen.

Ẹsta 4:1

Ọke ri Modekai vwo nyo obo re ruru na, Modekai da bẹrẹ emwa rọye ọ da vwẹ isiso rhuo o de broma phihọ iwurhie, o de kpo evun rẹ orere na, ko beroma ọ da viẹ gangan.

ỌBE RẸ JOB 30:29

Mẹvwẹ oniọvo rẹ erha, vẹ ugbeya rẹ igomugoro.

Une rẹ Ejiro 102:6

Ke me họhọ ekala rọ hẹ evun rẹ aghwa, kerẹ okpurhukpurhu rọ he evun rẹ etu,

Aizaya 13:21

Ẹkẹvuọvo eranvwe re djoma ke cha etiyin, iwevwi rayen ejobi ke vọn vẹ eranvwe re guan; etiyin kọye igomugoro cha dia, etiyin ekanamudo de che gbe cha.

Aizaya 13:22

Ẹrha ki che kperi vwẹ uwevwi rẹ ẹhẹrhẹ rọye ehwa ke cha gọnọ vwẹ ighe esiri rayen; ọke rọye si kerire edẹ rọye gbi che kri-i.

Aizaya 16:9

Eriyin na oviẹ ri Jazer kọ nẹrhẹ ovwẹ viẹ fiki ri vain ri Sibmah, Me vwẹ oviẹ mẹ kpọrhọ owẹ, E Hẹshbọn kugbe Elealeh; kidie vwẹ enu rẹ emamọ wẹn kugbe orhọ wẹn ọye unuebo rẹ ofovwi na she phihọ.

Aizaya 21:3

Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Aizaya 22:4

Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Aizaya 32:11

Phariẹ, ovwan eya re hẹ ofuvweghe, guoma, ovwan ri ghwaho rerẹ na ghwie nu, ru wọ ba oma wẹn phihọ, wọ vwe eslsọ rhuọ ehun wẹn.

Jerimaya 4:19

Odjadja mẹ odjadja mẹ, me rọ chahe oma vwọ! E, igbẹhẹ rẹ udu mẹ! Udu me ra nwẹn frẹfrẹ; Me gbe sa fọ-ọ; Kidie mi nyo edo rẹ ọgban na, ekpẹrẹ rẹ ofovwi.

Jerimaya 9:1

E manẹ uyovwi mẹ kẹ ame, rẹ ibiẹrọ mẹ da dia ogbugbu rẹ oviẹ? rere me a vie te ason te uvo fiki rẹ irivwi rẹ ọmọtẹ rẹ ihwo mẹ na!

Jerimaya 9:10

Viẹ wo beroma kẹ igbenu na, je viẹ ovie kẹ odi rẹ aghwa na, kidie aguọghọ ayen ohwo ọvuọvo gbe wan vrẹ-ẹn e gbi nyo oviẹ rẹ uchuru vwọ-ọ, te emephran rẹ obenu kugbe e eravwe rẹ aghwa dje ghwru.

Jerimaya 9:19

Kidie enyo edo rẹ oviẹ vwi Zayọn: Mavọ a ghwọrọ avwanre te! Oma vọ avwanre tototo, fikiridie ma yan je otọ na vwọ, kidie ayen guọghọ ẹdia rẹ avwanre te otọ.

Izikiẹl 32:18

Ọmọ rẹ ohwo, beroma kẹ urogho rẹ ihwo rẹ Ijipt, ru wọ vwẹ ayen yanran, te ọye vẹ emetẹ rẹ ẹgborho ride na, vwo kpo akpọ rivẹ, bru ayen re yanran kpo obo Ukpotọ na:

Maika 2:4

Vwẹ ọke yena ka cha vwẹ une rẹ ehwẹjẹ vwọ so owẹ, kẹ ayen cha viẹ beroma gangan, tanẹ, Avwanre ghwruru tototo, o ku ẹkẹn rẹ ihwo mẹ rhẹriẹ, nighe obo ro siro nẹ uvwe obọ! O da ghare etọ rẹ avwanre kẹ otu ri mu avwanre.

1 Samuẹl 19:24

Ọ da je sanvwe emwa rọye nu, o da mraro rhe vwẹ obaro ri Samuel, ọ da ban phihọ shevwerhẹ vwẹ uvo yena ejobi kugbe ason yena ejobi. Kẹ ọye nẹrhẹ a tanẹ, Sọl je hẹ usun rẹ emraro na?