Maika 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Fiki rẹ ọtiọye na ki mi vwi Sameria ru erhurhu vwẹ obo uphẹphẹ rẹ orho na, asan ra kọn vain phihọ, ki mi ku ibieragha rọye phihọ evun rẹ iyara, ka fa ichivwo rọye rhiephihọ.

Maika 1:6 ပူးပေါင်းရင်းမြစ်များ

2 Samuẹl 17:13

Ọ da dianẹ ọ djẹ ro evun rẹ orere, ihwo ri Izrẹl ejobi ka vwẹ ufi rhe gba orere na, kẹ avwanre kpono kpo iyara bẹsiẹ re vwo ji ubioragha ẹmrẹ vwẹ etiyin.

Ivie rẹ Ivẹ 18:10

Ikpe erha vwọ wan nu ọ da kua. Vwẹ ukpe resan ri Hẹzikaya, rọ dia ọ rẹ ukpe irhiri ri Hoshea, ovie rẹ Izrẹl ọye a vwọ reyọ Sameria.

Ivie rẹ Ivẹ 18:9

Vwẹ ukpe rẹne rẹ Ovie Hẹzikaya, rọ dia ukpe righwrẹ ri Hoshea ọmọ rẹ Ela, ovie rẹ Izrẹl Shamaneza ovie rẹ Asiria da kpare ofovwi rhe Sameria, ọ da họnrọn.

Ivie rẹ Ivẹ 19:25

Wo ji nyo-o Ne me jẹ iroro rọye krire? Iroro re me jẹre rhabae rhe Me rhe vwọ phia asakiephana re, Nẹ wọ hirhe irere ra gba ogba yariẹ phihọ erhurhu,

Aizaya 17:1

Aruẹmrẹ ra mrẹ kpahe Damaskọs. Nighere, Damaskọs gbe cha dia orere-e, ko che hirhe vwọ ẹko rẹ erhurhu.

Aizaya 25:12

Ogba rọ gba kpenu kokoroko na ejobi ka guọghọ igbẹhẹn rọye te otọ riẹriẹriẹ, guọghọ kporo phihọ otọ, ro hirhe phihọ iwurhie.

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Jerimaya 31:5

Wọ cha rhoma kọn ogba ri vain vwẹ enu rẹ igbenu ri Samaria, ekekankọn cha kọn, ayen cha re emamọ na.

Jerimaya 51:25

Nighere me vwọ so wẹ, E ugbenu rọ ghwọrọ na, eriyin Ọrovwohwo tare, rọ ghwọrọ akpo soso na; me cha riẹn obọ mẹ kpahe owẹ, mi de ghorie uwe nẹ ẹgbogho na rheotọ, mi de ru uwe ugbenu ra torhẹre.

Jerimaya 51:37

Babilọn ko che hirhe phihọ ẹko rẹ erhurhu urhuen rẹ ẹrha emuoshọ vẹ unuefiọn, ohwo rha dia-a.

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Uvwerhe 4:1

Mavọ oro na rhoma rhi dje mavọ omamọ rẹ oro na rhe rhoma rhẹriẹ! Rẹ ibieragha efuanfon na rhe vwọ hra vwẹ unuada rẹ urhuvwu kurhuvwu.

Izikiẹl 13:14

Ki mi kporo igbẹhẹ re wọ vwẹ oda dare na, kọ she te otọ, ichivwo rọye ke fa rhiephihọ, ọke ro de she, ku wọ guọghọ vwẹ uherevie rọye, ku wọ riẹn nẹ mẹvwẹ Ọrovwohwo na.

Hosia 13:16

Sameria kọ ghwa abe rọye, kidie o mu kpahe Ọghẹnẹ rọye, a cha vwẹ ọlọkọ hwe ayen, a cha vwẹ emọ rayen fa otọ hwe, ka cha bẹrẹ evun rẹ eya vẹ evun rhie phihọ.

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Habakọk 3:13

Fiki rẹ esivwo rẹ ihwo wẹn wọ vwọ yan phia, fiki rẹ esivwo rẹ ohwo ru wọ vwẹ evwri ghworo. Wọ guọghọ uyovwi rẹ ohwo umwemwu na, wọ da ghwiẹ emwa no nẹ ekpoghowọ ri te ohọre.

Matiu 24:2

Ẹkẹvuọvo ọ da kpahe ọ da ta kẹ ayen nẹ, Ovwan mrẹ ekuakua nana? uyota me ta kẹ ovwan, Oragha ọvuọvo che mudia vwẹ enu rẹ ohwohwo, re je kporo she-e.