Maika 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?

Maika 1:5 ပူးပေါင်းရင်းမြစ်များ

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

1 Ivie 13:32

Fiki rẹ ota rẹ Ọrovwohwo rọ ta kpahe agbada vwi Bẹtẹl, je vwọ kpahe iwevwi rẹ asan ri kpenu ejobi re hẹ orere ri Sameria na, ke cha phia.

1 Ivie 16:24

ọ da dẹ ugbenu ri Sameria mie Shema talẹnt ivẹ rẹ idọnọ efuanfon; ọda gba ogba yariẹ ugbenu na, o de se odẹ rẹ orere rọ bọnre na Sameria, kerẹ odẹ ri Shema, ro vwo ugbenu na.

2 Ikun rẹ Ivie 34:3

Kidie vwẹ ikpe ẹrenre rẹ ẹriọ rọye, yọ je hẹ omotete na, ọ da guọnọ Ọghẹnẹ ri Devid ọsẹ rọye; vwẹ ikpe ihwivẹ rẹ ẹriọ rọye ọ da guọghọ asan ri kpenu ejobi, ighriki na, re hẹ Juda vi Jerusalẹm, kugbe ema re bru ena phihọ kugbe i re kuru.

2 Ikun rẹ Ivie 34:4

Ayen de kporo egbada ri Baal na she vwẹ irharo rọye; o de she egbada re insẹns re hẹ obenu rẹ ayen shẹ; ọ da nyavwe ighriki rẹ ayen ibribro, ọ da guọghọ ema re bru ena phihọ na kugbe i re kuru na riẹriẹriẹ, ọ nọ ayen vworovworo nu ọ da hrahra iwurhie rayen phihọ enu re ishi rẹ ihwo ri ze izobo ke ayen.

Aizaya 7:9

Uyovwi rẹ Ifrem ọye Sameria, uyovwi ri Sameria ọye ọmọ rẹ Remeliah Wọ rhe se segbuyota-a, uyota wo rhe se mudia ga-an.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 23:13

Vwẹ evun rẹ emraro ri Sameria na me da mrẹ emuọvo rẹ ọchọre, ayen vwẹ Baal mraro ayen de sun Izrẹl rẹ ihwo mẹ ghwru.

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.

Jerimaya 4:18

Idjerhe wẹn kugbe uruemu wẹn re ghwa ọnana bru we rhe na. Ọnana ughwu wẹn, kọ yara, o te ubiudu wẹn nure.

Jerimaya 5:25

Orukuruku rẹ ovwan djẹ enana yanran, imwemwu wẹn si emu esiri nu we obọ.

Jerimaya 6:19

Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.

Uvwerhe 5:16

Erhu rẹ uvie na she nẹ uyovwi rẹ avwanre; ekan kẹ avwanre, kidie avwanre ru imwuemwu!

Izikiẹl 16:46

Oniọvo wẹn rẹ ọmọtẹ ki Sameria, rọ vẹ emetẹ rọye dia ọbohwẹre-ọnre wẹn na, oniọvo wẹn rẹ ọmọtẹ rẹ otete rọ dia obọrhe ọnre wẹn, ọye Sodọm vẹ emetẹ rọye.

Hosia 7:1

Ọke mie vwo sivwi Izrẹl, emu ogbegbo rẹ Ifrem da rhe vwẹ oma phia, kugbe umwemwu ri Samaria, kidie ayen phiẹn ihwo, oji bẹrẹ ẹchẹ ro uwevwi, igbunegbu na re gborho vwẹ obo otafe.

Emọs 6:1

Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe!

Emọs 7:9

a cha kua asan ro kpenu rẹ Aizik fiotọ riẹriẹ, ẹshẹ re Izrẹl ejobi ke cha dia ofefe, ki mi che mu kpahe uwevwi ri Jeroboam vẹ ọlọkọ

Emọs 8:14

Ihwo re vwẹ Ashima ri Sameria duvwu iyori, tanẹ, Kirobo rẹ ẹdjọ wẹn herọ na, E Dan, ji kugbe obo rẹ idjerhe ri Bẹẹrsheba herọ na, ayen che she, ayen gbi vrẹn ọfa-a.

Maika 1:13

Nabọ rhuẹrẹ asan re tidia vwẹ akpẹrẹ na, ihwo re dia Lakish; ovwan ẹtuọhọ rẹ umwemwu kẹ emetẹ ri Zayọn, kidie evun wẹ a da mrẹ ogbeku rẹ Izrẹl.