Maika 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Nyo, ihwo na, ovwan ejobi; kerhọn E otọ na, vẹ obo re herọ ejobi; gbe jẹn Ọrovwohwo Ọghẹnẹ na se iseri hwe we, Ọrovwohwo rọ dia uwevwi ọfuanfọn rọye na

Maika 1:2 ပူးပေါင်းရင်းမြစ်များ

1 Ivie 22:28

Maikaya da ta, Wo de rhivwi rhe vwẹ ufuoma, yẹ Ọrovwohwo rha ta ota kẹ vwẹ-ẹ. Ọ da ta, Nyo, ihwo na ejobi.

2 Ikun rẹ Ivie 18:27

Maikaiya da ta, Wo de se rhivwi rhe vwẹ ufuoma, yẹ Ọrovwohwo rha ghene ta ota kẹ vwẹ-ẹ. Ọ da ta, Nyo, ovwan ihwo ejobi.

Une rẹ Ejiro 11:4

Ọrovwohwo ọ he evun rẹ uwevwi ọfuanfọn rọye, Ekete rẹ Ọrovwohwo ọ hẹ obo odjuvwu; ẹro rọye mrẹ, iphọphẹro rọye davwa, emọ rẹ ihwo rẹ akpọ.

Une rẹ Ejiro 24:1

Akpọ na o rẹ Ọrovwohwo kugbe obo re vọnrọ ejobi, akpọ na kugbe obo re dia evun rọye ejobi;

Une rẹ Ejiro 28:2

Nyo urhuru rẹ oyare mẹ, ri mi vwo kperẹ se we ne wọ rhe cha vwẹ uko na, re me vwọ kpara abọ mẹ kpenu vwo hirhe aro ku ẹshẹ ọfuanfon wẹn na.

Une rẹ Ejiro 50:1

Ọgba ọvuọvo na, Ọghẹnẹ Ọrovwohwo na, o tare o de se akpọ na koko ne ẹvacha rẹ ọnre re te eshe kpotọ rọye.

Une rẹ Ejiro 50:12

Ọ da dianẹ owẹvwe hwe vwe, me sa ta kẹ wẹ-ẹ; kidie akpọ na kugbe obo re herọ ejobi na e mẹ.

Une rẹ Ejiro 50:7

Nyo, E ihwo mẹ, me cha ta ota, E Izrẹl, Mi che se oseri hwe we. Mẹvwẹ Ọghẹnẹ, Mẹvwẹ Ọghẹnẹ wẹn.

Isẹ 8:4

Ovwan, E ihwo, ọye mi ro se na, fiki rẹ emọ rẹ ihwo rẹ akpọ mi vwo bunu na.

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 18:3

Ovwan ihwo ejobi rẹ akpọ na ovwan rẹ dia akpọ na, Ra da kpare aphiana kpenu vwẹ enu rẹ igbenu gbe nọ! Re de hworo owanre, gbe nyo!

Aizaya 50:7

Kidie Ọrovwohwo Ọghẹnẹ cha vwẹ uko, fiki rẹ ọtiọye na oma gbe vo vwẹ-ẹ, fiki rẹ ọtiọye na ke Me tọn opharo Mẹ vi kerẹ umomo, Me riẹnre nẹ a gbe cha sa phọphọ ovwẹ-ẹ,

Jerimaya 22:29

E otọ, otọ, otọ nyo ota rẹ Ọrovwohwo!

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 42:5

Etiyin ayen da ta kẹ Jerimaya nẹ, Jẹn Ọrovwohwo dia omamọ rẹ oseri rẹ uyota ke avwanre ọ da dianẹ avwanre rha yọnrọn ota rẹ Ọrovwohwo Ọghẹnẹ wẹn na ro ju we bru avwanre rhe na-a.

Jerimaya 6:19

Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.

Jona 2:7

Ọke rẹ oma vwo ro vwe me da karohọ Ọrovwohwo ẹrhovwo mẹ de bru we rhe, vwẹ evun rẹ uwevwi ọfuanfon wẹn.

Jona 2:8

Otu ri mu ọghọ kẹ ema ifefe ri gbobonyẹ ọghọ rẹ uyota rẹ ayen mu.

Habakọk 2:20

Ẹkẹvuọvo yẹ Ọrovwohwo hẹ evun rẹ uwevwi ọfuanfon rọye e jẹn akpọ na ejobi fọ riẹi vwẹ obaro rọye.

Malakae 2:14

Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Urhi Rivẹ 32:1

Wa kerhọ, E idjuvwu, re Me ta; jẹn akpọ na nyo eta rẹ ugbunu mẹ.

Ẹvwọphia 2:11

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ọ rha cha mrẹ odjadja rẹ ughwu rivẹ-ẹ.

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.

Ẹvwọphia 2:29

Ọ ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 2:7

Ohwo ro vwo erhọn e jo nyo obo rẹ Erhi na ta kẹ ishọshi na. Ohwo ro phi kparobọ ke me vwẹ urhe rẹ arhọ na kẹ re, rọ he Paradais rẹ Ọghẹnẹ.

Ẹvwọphia 3:13

Ohwo ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 3:22

Ohwo ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 3:6

Ohwo ro vwo erhọn, e jo nyo obo rẹ Erhi na ta kẹ ishọshi na.

Iguẹdjọ 11:10

Ekpako ri Giliad na da ta kẹ Jẹfta nẹ, Ọrovwohwo na kọye re cha dia oseri kẹ avwanre vẹ owẹ; nẹ avwanre se ru kerẹ obo wọ ta kẹ avwanre na.