Maika 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ota rẹ Ọrovwohwo na ro bru Maika rhe ohwo ri Moreshet vwẹ ọke ri Jotam, Ahaz, kugbe Hẹzikaya, ivie ri Juda, rọ mrẹre kpahe Sameria kugbe Jerusalẹm.

Maika 1:1 ပူးပေါင်းရင်းမြစ်များ

Ivie rẹ Ivẹ 15:32

Vwẹ ukpe rivẹ ri Peka ọmọ ri Remalaya, ovie ri Izrẹl, Jotam ọmọ rẹ Uzaya, ovie ri Juda de mu uvie phihọ ẹriọ.

Ivie rẹ Ivẹ 15:5

Ọrovwohwo na da ghwiẹ ovie na, ovie na de hirhe ọhonvwoti re te ẹdẹ rẹ ughwu rọye, ọ da ra dia uwevwi robọ rọye san. Jotam rẹ ọmọ rẹ ovie na kọye vwẹ ẹro te ekuakua vẹ ihwo rẹ uwevwi na, kọye ji suẹn ihwo rẹ otọ na.

Ivie rẹ Ivẹ 16:1

Vwẹ ukpe rihwe gbẹ ighwrẹ ri Peka ọmọ rẹ Ramalaya, Ehaz ọmọ ri Jotam, ovie ri Juda, de mu uvie phihọ ẹriọ.

Ivie rẹ Ivẹ 18:1

Vwẹ ukpe rerha Hoshea ọmọ rẹ Ela, ovie rẹ Izrẹl, Hẹzikaya ọmọ rẹ Ehaz, ovie ri Juda, de mu uvie phihọ ẹriọ.

2 Ikun rẹ Ivie 28:1

Ehaz da dia ikpe uje ọ ghwo te vwẹ ọke rọ vwo muphihọ ẹriọ, ọ da re ikpe ihwe gbẹ esan vwi Jerusalẹm. Ọ rhe ru obo ri yoma vwẹ obaro rẹ Ọrovwohwo o, kerẹ ọsẹ rọye, Devidi-i,

2 Ikun rẹ Ivie 29:1

Hẹzikaya de muphihọ ẹriọ ọke rọ vwọ ikpe uje gbe iyori, ọ da re ikpe uje gbe irhiri vwi Jerusalẹm. Odẹ rẹ oni rọye kẹ Abija ọmọtẹ ri Zẹkaraya,

Aizaya 1:1

Aroẹmre rẹ Aizaya ọmọ ri Amọz, rọ mrẹre kpahe Juda vi Jerusalẹm vwe ọke re Uzaya, Jotam, Ehaz kugbe Hẹzikaya, ivie ri Juda.

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 7:1

Vwẹ ọke rẹ Ehaz ọmọ ri Jotam, ọmọ rẹ Uzaya, Ovie ri Juda, Rezin Ovie ri Siria kugbe Pekah ọmọ rẹ Remaliah, ovie rẹ Izrẹl da kpare ofovwi kpo Jerusalẹm, ẹkẹvuọvo ayen se phio kua-a.

Aizaya 7:9

Uyovwi rẹ Ifrem ọye Sameria, uyovwi ri Sameria ọye ọmọ rẹ Remeliah Wọ rhe se segbuyota-a, uyota wo rhe se mudia ga-an.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Hosia 1:1

Ota rẹ Ọrovwohwo de bru Hosia rẹ ọmọ ri Beri rhe, vwẹ ọke rẹ Uzzia, Jotam, Ehaz kugbe Hẹzikaya, ivie ri Juda, kugbe ọke ri Jeroboam rẹ ọmọ ri Joash, ovie rẹ Izrẹl.

Hosia 4:15

Owene wo gbe igberadja, E Izrẹl, wo ji Juda reabe-e, Wọ vwẹriẹ Gilgal re, eyẹ wọ kpọ enu rẹ Betave-en, wo duvwu iyori nẹ, Kirobo rẹ Ọrovwohwo herọ na.

Hosia 8:14

Kidie Izrẹl gbe karohọ Ọrọmarọ-ọ, ighẹn keye ayen bọn; Juda da bọn irere ra gba riariẹ pete pete; ẹkẹvuọvo mi che phi erhanre phihọ irere rọye, kọ torhẹ ogba ọgangan rọye.

Emọs 1:1

Eta rẹ Emọs, rọ hẹ ohri rẹ isuigodẹ ri Tẹkoa, rọ mrẹre kpahe Izrẹl vwẹ ọke rẹ Uzaya ovie ri Juda vẹ ọke ri Jerobọam ọmọ ri Joash, ovie rẹ Izrẹl, ikpe ivẹ tavwe rẹ otọ ki kpogho.

Emọs 6:1

Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe!

Maika 1:5

Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?

Maika 3:9

Nyo ọnana, ovwan igbuyovwi rẹ uwevwi ri Jekọp kugbe isun rẹ uwevwi rẹ Izrẹl, rẹ ọsoso tuoma na ri kuẹ uyota ejobi rhẹriẹ,

Habakọk 1:1

Epha rẹ Ọghẹnẹ ri Habakọk rẹ ọmraro na bọre.

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.