Livitikọs 9:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wọ Me ta kẹ ihwo rẹ Izrẹl, Reyọ okri vwo ze izobo rẹ umwemwu, rere wọ reyọ ọmọ rẹ erhuẹn kugbe omogodẹ rẹ ẹgbukpe ọvo ro jẹ ekan evwo, vwo ze izobo rẹ ẹtorhẹ,

Livitikọs 9:3 ပူးပေါင်းရင်းမြစ်များ

Jẹnẹsis 37:31

Etiyin ayen da reyọ ewun ri Josẹf, ayen de hwe ẹvwe, ayen da vwẹ ewun na gbunie ọbara na,

Ezra 10:19

Ayen de ve neẹ, ayen siobọ nẹ eya erhorha na ejobi kpo, izobo rẹ abe rayen da dia ọghwanran ọvo nẹ ohri rẹ igode na rhe, fiki rẹ abe rayen.

Ezra 6:17

Ayen de ze izobo vwẹ ẹdorẹ rẹ erhie rẹ uwevwi rẹ Ọghẹnẹ na, irhuẹn re eshare ujori, eghwanran uri, imigodẹ ujori ẹne, kugbe izobo rẹ umwemwu kẹ Izrẹl ejobi ẹkpro ihwivẹ, kirobo rẹ orua rẹ Izrẹl epha.

Ẹyano 12:5

Ogodẹ wẹn na che vwo oka-a, ọrọ ọshare ẹgbukpe ọvo ọ ghwo te; wọ me reyọ nẹ ohri rẹ igodẹ na yerẹ ẹvwe na;

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Livitikọs 10:16

Kọye Mosis da vwẹ oma te otọ nọ ekpẹn rẹ ẹvwe re vwo ze izobo fiki rẹ izobo rẹ umwemwu na, e vwo ni, a torhẹre nure! Ophu de muo kpahe Eleazar vẹ Itamar, emọ re Erọn ri chekọ nẹ,

Livitikọs 12:6

Siẹ rẹ ẹdẹ rẹ orufuọn rọye da gba nu, owenẹ e rẹ ọmọshare eyẹ o re ọmọtẹ, ọ Me reyọ omogodẹ rẹ ẹgbukpe vwo rhe orherẹn na vwẹ unurhoro rẹ utughẹ rẹ a da vwa oma na rere e vwo ze izobo rẹ ẹtorhẹ, kugbe ọmọ rẹ inekuku eye erurẹ re vwo ze izobo fiki rẹ izobo rẹ umwemwu.

Livitikọs 14:10

Ẹdẹ rẹrenren da gba nu ọ Me reyọ emegbo ivẹ ri vwo eka-an, kugbe omogodẹ rẹ aye rẹ ẹgbukpe ọvo ro je ekan evwo, vwọ ba izobo rẹ ọka ẹbẹre erha vwẹ ẹko ihwe rẹ ovwanvwọn rẹ eka na ra vwẹ evwri gua kugbe, kugbe ovwanvwọn rẹ evwri.

Livitikọs 16:15

Tavwe o ki rhi hwe ẹvwe ro che vwo ze izobo fiki rẹ umwemwu kẹ ihwo na ejobi, ọ Me reyọ ọbara rọye ra ro evun rẹ asan ra vwe amwa tan na, o mi ruo kirobo ro ru ọ rẹ erhuẹn ọshare na, ọ Me fẹrẹ ku enu rẹ akpanurhe rẹ arodọvwẹ na kugbe obaro rọye,

Livitikọs 16:5

O mi mie ọghwẹgbe rẹ ihwo rẹ Izrẹl na ikri ivẹ re o vwo ze izobo fiki rẹ izobo rẹ umwemwu, kugbe egbo ọvo re o vwo ze izobo rẹ ẹtorhẹ.

Livitikọs 23:12

Nighe ẹdẹ rẹ ovwan kpogho ayen na, wa Me vwẹ omogodẹ ọshare ro vwo oka-a rẹ ẹgbukpe ọvo vwo ze izobo rẹ ẹtorhẹ vwọ kẹ Ọrovwohwo na

Livitikọs 4:23

ọke re de dje umwemwu rọye phia kẹ re, kọ reyọ ẹvwe vwo ze izobo rọye, okri ro je ekan evwo,

Livitikọs 4:3

Ọ da dianẹ orherẹn re vwo mu kọye ru umwemwu na, re ihwo ejobi vwọ reabe na, gbe jẹn o ze izobo fiki rẹ urhi ro miovwiri na, kọ reyọ upene rẹ erhuẹn ọshare ro je ekan evwo vwo ze izobo ke Ọrovwohwo fiki rẹ izobo rẹ umwemwu rọye.

Livitikọs 9:2

Ọ da ta kẹ Erọn nẹ, Reyọ ọmọ rẹ erhuẹn rẹ ọshare vwo ze izobo rẹ umwemwu, wọ reyọ egbo vwo ze izobo rẹ ẹtorhẹ, ayen ivẹ na vwo eka-an, rere wọ vwẹ ayen ze vwẹ obaro rẹ Ọrovwohwo na.

Livitikọs 9:4

kugbe erhuẹn ọshare ọvo kugbe egbo vwo ze izobo rẹ ufuoma, vwẹ obaro rẹ Ọrovwohwo, kugbe izobo rẹ ọka ra vwẹ evwri gua kugbe, kidie nonẹ na Ọrovwohwo cha vwẹ oma phia kẹ wẹ.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,