Livitikọs 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Izobo kizobo rẹ eka ra kakare vwẹ enyerhanre vẹ e ra vwẹ oze kaka eyẹ e ra vwẹ ẹvwẹrẹ kake ejobi ye ẹkẹn ro te orherẹn ro vwiro ze izobo na.

Livitikọs 7:9 ပူးပေါင်းရင်းမြစ်များ

Ivie rẹ Ivẹ 12:17

Ọke yena Hazẹl ovie ri Siria da kpare ohọnre vwọ so Gat, ọ da reyọ. Ẹkẹvuọvo ọke rẹ Hazẹl vwo hirhe opharo rọye ku Jerusalẹm,

Izikiẹl 44:29

Ayen ke re izobo rẹ ọka na, izobo rẹ umwemwu na, kugbe izobo rẹ abe na, kemu kemu re vwo mu ekpan vwẹ Izrẹl na ejobi ke dia ọ rayen.

Livitikọs 2:10

Obo ri chekọ vwẹ izobo rẹ ọka na ejobi kẹ ọ rẹ Erọn vẹ emọ rọye, Ọnana izobo rẹ erhanre rọ ma fon rọ gbare kẹ Ọrovwohwo.

Livitikọs 5:13

enẹ orherẹn na vwọ gọ ẹgua rẹ umwemwu na ro ruru na no oma rọye, ko vwo ghovwo. Obo ri chekọ vwẹ Etiyin ejobi orherẹn na kọye re reyọ, kirobo re ruẹ vwẹ izobo rẹ ọka jovwo na.

Livitikọs 7:10

Izobo kizobo rẹ eka re duvwuru, ra vwẹ evwri gua eyẹ ọyaya ejobi ke dia ẹkẹn ro te emọ rẹ Erọn ejobi, ọ ro te ọvo ri te ọrivẹ.

Livitikọs 7:8

Orherẹn ro ze izobo rẹ ẹtorhẹ na kẹ ohwo kọye re reyọ ophiẹn rẹ eranvwe re vwo ze izobo na.

Ukeri 18:9

Ọnana kọ dia ọwẹn emu rọ ma fon na, ri chekọ rẹ erhanre je te; kizobo kizobo rayen zeri, kizobo kizobo rẹ ọka rayen, eyẹ izobo rẹ umwemwu rayen kugbe izobo rẹ abe rayen, rẹ ayen ze kẹ vwẹ kọ dia ọ rọ ma fon kẹ wẹ vẹ emọ wẹn.

1 Kọrẹnt 9:13

Ovwan rha riẹn nẹ otu ra reyọ phihọ iruo rẹ uwevwi rẹ ẹga na je vwẹ evun rẹ uwevwi na ayen da ria emu rayen, nẹ otu re gọ iye vwẹ enu rẹ agbada na je ria vwẹ emu ra vwọ gọ iye na?

1 Kọrẹnt 9:7

Didi isodje re vwẹ igho rẹ obọ rọye phiẹ ofovwi? Ono ri voro udju nu ro de jẹ emu rọye ẹriọ? Ono ri churu igegede ro de jẹ ame rẹ ivie rọye ẹda?

Galesha 6:6

Ihwo re yono ota na mi ji rhie evu kẹ oyono na, vwọ ghare vwẹ emu rẹ erhuvwu ejobi.